عنوان الموضوع : طاجين الرخام من مطبخي طبق جزائري
مقدم من طرف منتديات العندليب



بسم الله الرحمن الرحيم

واشراكم اليوم أخواتي ،غدايا اليوم درت طاجين الرخام وحبيت نوريلكم بالصور باش تشوفو طريقتي نتمنى تعجبكم وتهزو فكرة ولو بسيطة من عندي

بالنسبة للمرق أنا درت مرقة بيضاء درت فيها {حبة بصل ، 4 فوص ثوم، 2 مص ملح، م ص فلفل أسود، م ص كسبر، شوي مودارد، حبة خردل صغيرة، حبة بطاطا صغيييييرة ، نصف حبة فلفل حسب الرغبة ، شوي زبدة تقلي بيها }


في كوكوط حطي الزبدة تذوب وقطعي الخضر قطع صغيرة وزيدي التوابل وحركي خليها تتقلى شوي وزيديلها 1 لتر من الماء ولما تغلي أغلقي الكوكوط لمدة 20 دقيقة وطفي النار وميكسي بالميكسور


الان نحتاج صدر دجاج .وكمية من لحم مفروم
بالنسبة للدجاج راح نستعمل هاذ المكونات {2 حبات بتيسويس ، بيضة كاملة، ملح، فلفل أسود، كمون ، شووووي زبدة ، مودارد ، شوي عصير ليمون }


في الروبو تحطي الدجاج مقطع طراف صغار وتزيدي التوابل وارحيه

وبالنسبة للحم المفروم نحتاج{ 2 ملاعق كبيرة شابلير ، فص ثوم، ملح ،شوي زبدة ، ZESTE DE CITRON، صفار بيضة واحدة، 2 ملاعق كبار حليب أسمحولي مصورتوش نسيت }


هاذو ثاني تحطيهم في الروبو باش يدخلو في بعضاهم ملييييح

الان يكون الدجاج واللحم المفروم واجدين ومداويين


حلي ورق الالمنيوم أدهني شوي زبدة وحطي دجاج أفرديه بمساعدة الماء يعني بلي شوي يديك باش تقدري تفرديه وزيدي حطي فوقو اللحم المفروم






ورولي ديريه BOUDIN وغلفيه ملييح بورق الالمنيوم واثقبيه بلكوردون باش يتشرب المرق وخليه يطيب في الكوكوط مع شوي حمص وقفلي خليه يطيب لمدة 40د ويكون جاهز وطايب طرررررري كي الزبدة ههههههه وهاذا بعد ما طاب ونخيتلو ورق الالمنيوم


الان نحمروه في شوي زيت وهاهو بعد التحميير


ورديه في المرق كي تجي تقدميه قطعيه شرائح وهاهو واجد




ان شاء الله يعجبكم أعطوني رايكم أخواتي تحياتي


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

رووووووووووعة يعطيك الصحة اختي

__________________________________________________ __________

>>>> الرد الثاني :

هايل
اعجبني كثيرا
من فضلك سؤال
انا كي انجي نقطع اللحم يتفتت وما يجيش دائرة مستوية ؟
كيفاه قطعت اللحم ؟

__________________________________________________ __________

>>>> الرد الثالث :

ماعليش أختي أنا كيما لحم المفروم بقري نستعمل هبرة مايكونش فيها الشحم علاخاتر هاذاك الشحم يذوب من بعد ويجي فيه فراغات ومايحكمش الشكل الدائري
ثاني حاجة انا راني كيما قلتلكم طيبتو بورق الالمنيوم وكي تغلفيه أعدليه ملييح وخليه يأخذ شكله الدائري ومن الاحسن طيبيه في الكوكوط باش ما تحركيحش بزاف ويفسد وفي اللحم { دجاج واللحم المفروم ذيري البيض كيما كتبت }
ونتمنى يصلحلك ويجيك مليح انشاء الله وشكرا أختي

__________________________________________________ __________

>>>> الرد الرابع :

امممممممم شهتيني راح نجربو انشاء الله بارك الله فيك على الوصفة والشرح المفصل والبسيط

__________________________________________________ __________

>>>> الرد الخامس :

بارك الله فيك على الوصفة