روتي فيلي بالخضر سوتي طريقة جزائرية
عنوان الموضوع : روتي فيلي بالخضر سوتي طريقة جزائرية
مقدم من طرف منتديات العندليب
السلام عليكم حبيبتي
كيف الحال ان شاء الله تكونو بالف خير وعافية
اليوم جبتلكم طبخة من مطبخي
وان شاء الله تعجبكم
روتي فيلي بالخضر سوتي
المقادير
فيلي لحم غنم
2حبات بصل
فصوص ثوم
معدنوس
ملح
فلفل اسود
زنجبيل -poudre
كمية من السمن او المارغرين
خضر -بطاطا جزر بزلاء
التحضير
خدي اللحم اعملي فيه خطوط ب السكين
ثم خدي السمن +الملح + الفلفل+ الزنجبيل + حكي مليح الفيلي بهذا الخليط من الداخل دخلي فصوص ثمم في داخل التقب
حدي البصل قطعيه قطع صغيرة + المعدنوس +فلفل حار مقطع +الثوم مهرس و حطي الكل في داخل اللحم ثم اغلقيه اي اربطيه بالخيط الي يطرحو بيه
زيدي اعمليلو الخلطة الاولى تع السمن من الفوق وحطيه في البلا في الكوشة قلبيه حتى ياخد اللون الذهبي
ثم حطيلو 2 كاس من الماء و خليه يطيب
مرة على مرة قلبيه و اسقيه بلاصوص ديالو
خدي الخضر نقيها و قطعيها و حطيها تفور ما تنسايش تملحيها و دريلها الفلفل اسود
لما يطيب الفيلي نحيه و حطي الخضر في البلا الي تحمر فيه و الماء الي درناه يكون نشف ويبقى غير شوية سوس تاع اللحم و السمن كي طاب و خليهم 10 د في الكوشة
بعد زينيه بالمعدنوس مقطع رقيق
وبالتوفيق ان شاء الله
ملاحظة
من الافضل تكوني وجدت اللحم وتبلتيه ليلة من قبل و عمرتيه بالبصل و التوابل والسمن ولفيه في كيس وخليه في التلاجة و اليوم التالي طيبيه باش يجي بنين
ا
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
أممم راكي تفننتي في العمل نتاعوا و خرج يشهي , تسلم يداك و بصحتك
رمضانك كريم
__________________________________________________ __________
>>>> الرد الثاني :
بارك الله فيك
انجربها ان شاء الله
__________________________________________________ __________
>>>> الرد الثالث :
المشاركة الأصلية كتبت بواسطة cuisineshowdalatifa 
أممم راكي تفننتي في العمل نتاعوا و خرج يشهي , تسلم يداك و بصحتك
رمضانك كريم
شكرا لمرورك العطر
نورتي صفحتي
__________________________________________________ __________
>>>> الرد الرابع :
المشاركة الأصلية كتبت بواسطة تفاحة12
بارك الله فيك
انجربها ان شاء الله
ان شاء الله نكون افدتك
نورتي صفحتي
__________________________________________________ __________
>>>> الرد الخامس :
رد مع اقتباس
