عنوان الموضوع : قراتان البطاطا المبروشة واللحم المفروم
مقدم من طرف منتديات العندليب

السلام عليكن اخواتي اليوم حبيت نقدملكم قراتان ساهل واقتصادي وصحي لان البطاطا ماشي مقلية في الزيت مسلوقة نصف استواء يعني كمية النشويات اللي فيها راح تنقص وزيدوشكلو جميل يشبه لشكل الباقلاوة نتمنى يعجبكم

المقادير
كمية من البطاطا حسب الحاجة تسلقيها في ماء وملح نصف سلق فقط يعني مالازمش تطيب تخليها تبرد تماما
في هدا الوقت حطي كمية من اللحم المفروم في 2ملاعق زيت يتحمر




زيديلو حبة بصل مقطعة رقيق مع 2سنات ثوم وقلي الكل حتى يطيب


وكي يطيب زيديلو شوية معدنوس مقطع وملح وفلفل اسود وطفي النار




ابرشي حبات البطاطا الباردة من الجهة الخشينة نتاع البصل




في صحن حطي حبات بيض مع نصف كاس حليب والبيض يتوقف على كمية البطاطا اللي عملتيها انا خدات مني 7حبات بيض وزيديلهم شوية ملح وكمية من الجبن الطري او المبروش حسب الرغبة


خلطي الكل مع بعض


زيديلهم خليط اللحم المفروم وخلطي الكل





سخني الفرن مليح وادهني المول بالزبدة ورشيه بالخبز المرحي او الشابلير

صبي الخليط

ودخليه للفرن حتى يتحمر من فوق وتحت وراهو ياخد شوية وقت في الفرن لان البطاطا نصف استواء ممكن ياخد ساعة او ممكن اقل او اكثر حسب حرارة الفرن اللي عندك المهم كي يحمار من فوق وتحت راهو طاب

خرجيه وخليه يبرد شوية خطوة مهمة حتى يسهل تقطيعو

قطعيه على شكل مقروضات كيما الباقلاوة وديري شق في وسط كل حبة بالسكين ودخلي فيه حبة زيتون
عند التقديم ادهني وجه الحبات ببانسو وشوية زبدة دايبة حتى يجي الوجة يلمع







زووووووووووووووووووووووووووووووم




وفي الاخير نتمنى يعجبكم وراني نستنى رايكم وتقييماتكم


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

مممممممممم ما شاء الله وصفاتك مبهرة تبارك الله عليه ربي يحفظك عزيزتي

__________________________________________________ __________

>>>> الرد الثاني :

المشاركة الأصلية كتبت بواسطة faizarbh
مممممممممم ما شاء الله وصفاتك مبهرة تبارك الله عليه ربي يحفظك عزيزتي

الله يسلمك حبيبتي فرحتيني بردك يا الغالية

__________________________________________________ __________

>>>> الرد الثالث :

روعة
يسلمو الايادي

__________________________________________________ __________

>>>> الرد الرابع :

ممممممممممم حنونتي يعطيك الصحة هذا اكيد نجربوا روعة شكرا ليك و احلى بوسة لاحلى محامية

__________________________________________________ __________

>>>> الرد الخامس :

المشاركة الأصلية كتبت بواسطة اميرة في دنيا حقيرة
ممممممممممم حنونتي يعطيك الصحة هذا اكيد نجربوا روعة شكرا ليك و احلى بوسة لاحلى محامية

الله يسلمك حبيبتي ويخليك يا الغالية وانا تاني نبعثلك بوسة كبيرة راهي توصلك بسرعة عنابة ماشي بعيدة بزاف