بدنجال محشي
عنوان الموضوع : بدنجال محشي
مقدم من طرف منتديات العندليب
جربت اليوم طريقة كنت شفتها دارتها السيدة بوحامد عجبتني اللي هي بدنجال محشي بلا مانطول عليكم
نحتاج
حبات بدنجال حبات صغار نكونو غسلناه خلينالو الشاباوات نتاوعو ونقوهم هدوك الشاباوات مليح ونشقو حبات البدنجال بالطول كيما في الصور اربع شقات ولا خمسة
ونحضر الحشو اللي فيه
كمية من اللحم مرحي نضيفولو فلفل اكحل وملح وثوم مهروس وكمون قصبر مقطع وحبة بيض وضفتلو شوي خبز مشمخ شمختو بباش الحشو يجي طري نخليكم مع الصور
كي نعمروهم نقلوهم من كل الجهات لما يتقلاو حتى يذبالو نحوهم من المقلة ونوجدو صوص تومات
هنا بعد ماتقلاو
انا هنا بقالي شوي حشو درتهم صبيعات صغار وقليتهم
الصوص تومات درت
رابيت حبات طماطم وضقتلها مغرف كبيرة طماطم مصبرة وشوي ثوم وشوي كمون وفلفل اكحل وملح هي دارت فلفل حمر مرحي انا مادرتش
نقلي هدو قاع يشوي زيت زيتون وشوي زايت عادي انا استغنيت على زيت زيتون
لما يتقلاو مليح نضيفلهم شوي مرق دجاج نخليهم يغلي من بعد نضيف هدوك البدنجال والصبيعات تاع اللحم
ونخليهم يكملو طيابهم في الصوص على نار قليلة
هدا مكعب جمبو حليتو في شوي ماء باش مرقت بيه
هنا تقلات مليح الطماطم ومن بعد نضيفلها المرق الدجاج
هاهو وجد البدنجال نتاعي درتلو شوي قصبر باه يطلق شوي
ويقدم بالصحة والراحة
ملاحظة صغيرة : البدنجال يلاق نخلوه بقشورو باش كي نقلوه مايشرب الزيت
ان شاء الله يعجبكم كيما عجب دارنا
سلااااااااااااااااااااام
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
مممممممم رووووعــــــــــــة
بصـحــتــكم حــبيـــبة
__________________________________________________ __________
>>>> الرد الثاني :
بارك الله فيك
__________________________________________________ __________
>>>> الرد الثالث :
بارك الله فيك
__________________________________________________ __________
>>>> الرد الرابع :
ممممممم يهبل الله يعطيك الصحة شهاني مع الصباح
__________________________________________________ __________
>>>> الرد الخامس :
هاااااااايل بصحتك
رد مع اقتباس
