عنوان الموضوع : أرجوكم يا اصحاب الخبرة مساعدة و ندعيلكم في صلاتي من مطبخي
مقدم من طرف منتديات العندليب


لسلام عليكم
أنا فتاة في عمر العشرين ارجوكم اريد ان اتعلم الطبخ من ابسط الأشياء من كسرة الخميرة و الرخساس شربة فريك و كباب و مرقة بيضاء و مرقة حمراء و طواجن ارجوكم ساعدوني بالصور خطوة بخطوة
او حتى تقديم الرابط فقط و انا سأبحث ربي يخليكم و يستركم


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

أسهل وأروع حاجة هي الطبخ
نصلي ونرجع نعاونك
نشالله ترجع لالاتهم في الطبخ

__________________________________________________ __________

>>>> الرد الثاني :

المشاركة الأصلية كتبت بواسطة فاطمة الزهراء.
أسهل وأروع حاجة هي الطبخ
نصلي ونرجع نعاونك
نشالله ترجع لالاتهم في الطبخ


الحمد لله اني لقيت مساعدة اسرع من البرق الله يبارك من فاطمة ربي يعيشك
ربي يقبل منك يا لحبيبة
انا في الانتظار تعلميني حتى حويجة برك نديرها في حياتي من عندكم تدو فيها لاجر دايمن ان شاء الله

__________________________________________________ __________

>>>> الرد الثالث :

اني رجعت حنونة

نشالله برك نعرف نشرحلك مليح

أول حاجة ديري في بالك انه الطبخ ساهل برك حاولي تطبقي الوصفات
المرة الاولى ماتنجحش الزاوجة تنجح شوية برك
المرة الثالثة تنجح ملييييييييييييح
يعني ماتكرهيش كي ماتنجحلكش الوصفة من أول مرة
ثاني حاجة
حاولي تستعملي عينك هي ميزانك هكا تولفي روحك وتولي تخدمي بتلقائية

.................................................. ........
نبداو بالحاجة الساهلة ونشالله كل مانوريك حاجة تروحي دييييييييييرراكت تطبقيها هكا ترسخ في راسك وتجيك ساهلة
لأنه الطبخ تعود وممارسة

__________________________________________________ __________

>>>> الرد الرابع :

المشاركة الأصلية كتبت بواسطة فاطمة الزهراء.
اني رجعت حنونة

نشالله برك نعرف نشرحلك مليح

أول حاجة ديري في بالك انه الطبخ ساهل برك حاولي تطبقي الوصفات
المرة الاولى ماتنجحش الزاوجة تنجح شوية برك
المرة الثالثة تنجح ملييييييييييييح
يعني ماتكرهيش كي ماتنجحلكش الوصفة من أول مرة
ثاني حاجة
حاولي تستعملي عينك هي ميزانك هكا تولفي روحك وتولي تخدمي بتلقائية

.................................................. ........
نبداو بالحاجة الساهلة ونشالله كل مانوريك حاجة تروحي دييييييييييرراكت تطبقيها هكا ترسخ في راسك وتجيك ساهلة
لأنه الطبخ تعود وممارسة

و الله يا فاطمة راني جربت شوي حوايج يجو صامطين هذي الحقيقة وليت ما نحبش ندخل للمطبخ في رمضان ندير حوايج ما يتكلوش و نطيشوهم حتى لكسرة تاعي تاع لخميرة دجي تقولي تاع رخساس ما تتنفخش حابتها دجي كي لبونج ما صلحت يا فاطمة و الله نحس بروحي مانيش طفلة كيما لبنات
اول حاجة حابة نتعلم كسرة خميرة المطلوع و الله يا اختي راني مدمرة

__________________________________________________ __________

>>>> الرد الخامس :

المشاركة الأصلية كتبت بواسطة قبسات تائبة
و الله يا فاطمة راني جربت شوي حوايج يجو صامطين هذي الحقيقة وليت ما نحبش ندخل للمطبخ في رمضان ندير حوايج ما يتكلوش و نطيشوهم حتى لكسرة تاعي تاع لخميرة دجي تقولي تاع رخساس ما تتنفخش حابتها دجي كي لبونج ما صلحت يا فاطمة و الله نحس بروحي مانيش طفلة كيما لبنات
اول حاجة حابة نتعلم كسرة خميرة المطلوع و الله يا اختي راني مدمرة

اووووووووووووووووك
دوكا نوريك انا كيفاه تنجحلك ودوكا تروحي تعجني الخبز وغير يطيب وريلي كيفاه خرجلك

أولا حبيت نسقسيك يخي انتم كيما حنا تطيبو الخبز في الطاجين مش في الكوشة؟؟؟
باسكو شفت بزاف نسا يطيبو الخبز في الكوشة وهنا العجين مش كيفكيف
جاوبيني باش دوكا نحطلك الطريقة وبالمقادير والله يجيك كيما البونج