عنوان الموضوع : لوبياء خضراء في حلة جديدة من مطبخي
مقدم من طرف منتديات العندليب
اللوبياء الخضراء راهو وقتها طرية ومتوفرة بكثرة
نقدمهالكم على طريقتي في الفرن مع الفيونداشي
لوبيا منقية ومغلية 10د في ماء وملح،تصفى وتقطع بطول واحد والزوا ئد تقطع صغيرة جدا بالسكين
لحم مرحي(اودجاج)+اللوبياء المقطعة والمكونات الظاهرة بالصورة مع العجن الجيد
ناخذ حزمة من اللوبياء(حوالي8خيوط) وباستعمال الماء ناخذ كمية من الكفتة ونصنع على طرفي الحزمة قبعة من اللحم
نمسك كل حزمة من الوسط ونغمس الطرفين في الفرينة ونقليها بحذر من الجهتين ونستفوهم في مول يدخل الفرن
في نفس المقلاة نقلي بصل +2سنة ثوم+ملح +فلفل اكحل+كسبرونضيف طماطم مصبرة ونمرق بماء مغلي ونفرغ الكل في المول يغطى بالالمنيوم والى الفرن حتي يخثار الصوص
كروكات البطاطا للتزيين
2حبة بطاطا صغيرة مغلية بقشرها في ماء وملح او مفورة،تقشر وتقطع على اربعة(براج)
من جهة اخرى:شوية معدنوس او دبشة+فلفل اكحل+كمون وقليل من ملح،نخلطهم مليح ونرميهم على البطاطاونخلط باش تلتصق بيها
نغمسو براج البطاطافي الفرينة ثم بيضة مخفوقة ثم الخبز المرحي وتقلى في الزيت
واخيرا يمكن تقديم الطبق بهذا الشكل:
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
أمممممممممممم تبان بنينة مبعد نجربها ان شاء اله ونردلك الخبر
__________________________________________________ __________
>>>> الرد الثاني :
يعطيك الصحة
__________________________________________________ __________
>>>> الرد الثالث :
يعطيك الصحة يا الشاطرة دائما تجبيلنا غير الحاجة الجديدة بارك الله فيك
__________________________________________________ __________
>>>> الرد الرابع :
امممممممممممممم والله غير تشهي
فكرة جديدة بارك الله فيك اختي
__________________________________________________ __________
>>>> الرد الخامس :
لوبياء خضراء في حلة جديدة من مطبخي
رد مع اقتباس
