عنوان الموضوع : **les crépes turques على طريقتي ** طبق جزائري
مقدم من طرف منتديات العندليب


بسم الله الرحمن الرحيم
السلام عليكم أخواتي
وصفة اليوم هي les crépes turques الوصفة شكلا تشبة سوفلي ام اماني لكن طريقة التحضير مختلفة الوصفة لقيتها فالنت لكني غيرت فيها



المقادير:
العجينة:
400غ فرينة
ملعقة ملح
ملعقة سكر
ملعقة كبيرة خميرة خبز
حليب دافئ
2 ملاعق كبار زبدة طرية

التحضير:

نخلط حوالي كاس حليب دافي مع الخميرة

نخلط الزبدة مع الفرينة جيدا و نضيف السكر و الملح ثم نبدا ندير فالحليب مع الخميرة حتى نتحصل على عجينة طرية مع اضافة الحليب ايلا لقيناها يابسة
و نلمها مليح و نديرها في كيس بلاستيكي و نخليها ترتاح ساعة




الحشو:
فلفلة حلوة مقطعة شرائح رقاق مع شوية بصل مقطع مربعات نقليهم في شوية زيت مع شوة ملح و فلفل و لما يقرب يطيب نزيدلهم ملعقة طماطم مصبرة و نزيد شوية و نطفي .
قرعة مقطعة دوائر و مقلية مع شوية ملح
زيتون أخضر مقطع
دجاج طايب و مفتت
و نخلط الكل مع بعض
و نحتاج جبن طري و جبن مبشور




بعدما ترتاح العجينة نشكلها حربوش و نقسمها إلى 13 كرية ثم نرش طاولة العمل بالفرينة و نحل بالكرية رقيقة مليح و نعمل فيها الحشو مثل السوفي و نزيد قطع جبن طري ثم جبن مبشور ثم نغلق العجينة و نقطع بواسطة جرارة مثل اللي فالصورة


















نسخن مقلاة تاع تيفال او على الطاجين و نطيب الكراب تاعنا على جهتين و على نار متوسطة و لما يطيب نطليه من الجهتين بشوية زبدة ذايبة باش تعطيلنا لمعة












و نقدمهم صدقوني يجو رووووعة و يصلحو لشهر رمضان المبارك


سلااااااام إلى وصفة أخرى بإذن الله





>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

اممممم فيوزة دائما عندك الجديد هايلين يعطيك الصحة

__________________________________________________ __________

>>>> الرد الثاني :

ممممم ابانو هايلين روعة

__________________________________________________ __________

>>>> الرد الثالث :

يعطيك الصحة حنونة تبان ممممممممم

__________________________________________________ __________

>>>> الرد الرابع :

يعطيك الصحة فايزة هايلين انا نديرهم بنفس العجينة لكن باللحم المرحي لكن اكيد طريقة احلى
تسلم الايادي

__________________________________________________ __________

>>>> الرد الخامس :

يسلموا الاياديييييي
راكي غلطتي واقيلا في المقادير حطيتي ملعقة فلفل في العجينة وقلتي نخلط السكر مع ........ وينهو الصح السكر ولا الفلفل
بارك الله فيك