عنوان الموضوع : 3 وصفات من مطبخ الواثقة بالله المطبخ الجزائري
مقدم من طرف منتديات العندليب

السلام عليكم أخواتي الحبيبات

طاجين جبن بطبقتين (الوصفة هادي عملتها عدة مرات و لي يدوقها تعجبو جدا أنصحكم تجربوها)
الطبقة الأولى: بصلة كبيرة 3سنات ثوم قطرة زيت ملح فلفل اكحل شوية راس الحانوت و نقليو مليح + كيلو سكالوب قطع صغيرة معاه شوية ماء .كي يطيب قصيه رقيق خلاص و زيدي عليه كاس شابليغ .ادهني البيراكس تاع الفرن مليح بالزبدة و حطي معاه 100 غ فرماج أبيض و معاهم قصة معدنوس و 5 أو 6 بيض فيهم ملح و فلفل اسود و صبيهم فوقهم و ارحي فرماج روج
الطبقة الثانية: بصلة كبيرة 3 سنات ثوم ملح فلفل اكحل راس الحانوت قطرة زيت و نقليو و كيلو لحم مرحي .كي يطيب نخلطو معاه 200غ فرماج ابيض و معدنوس و شابليغ 6بيض ملح فلفل اكحل نخلطو و نحطوه فوق البلاطو تاع السكالوب و نحطو فوقه فرماج روج مرحي و الى الفرن
كي يطيب اقسميه مربعات مممممممممممممم ولا أروع
للأسف نسيت مصورتش الطبقتين من تحت بلون أبيض (السكالوب)و من فوق بلون بني(اللحم)
انا استعملت نصف الكمية في بيراكس صغير و جاني زاكي الكمية هادي لي في الوصفة فقط كي تكون عايلة كبيرة او ضياف


ضولمة الدجاج و الزيتون
الوصفة هادي لذيذة جدا و اقتصادية
دجاجة طيبيها مع بصلة مفرومة و ورقة رند و قرن فلفل حار و زيت و زبدة ملح فلفل اسود تتقلى شوية و من بعد امرقي بلتر ماء و خليها حتان يطيب الدجاج. من بعد جيبي شوية زيتون كبير الحجم مقطع دوائر مغلي في الماء 3 مرات و حطيه في الصوص.خرجي الدجاج و قصيه رقيق خلاص
من بعد حطي معاه شوية معدنوس مقطع رقيق و حطيه في يدك و حطي في نصو شوية جبن ابيض و كوريه

مرغديهم في البيض مملح ثم في الشابليغ و اقليهم في زيت ساخن .
كي تجي رح تقدمي باه حطي الكريات في صحن التقديم و فوقهم لاسوس (متحطيهمش في السوس قبل لانهم يتنفخوا و يفسدوا) مزينين بالمعدنوس و الليمون



أرز بالخضر و اللحم

الوصفة هادي عبارة عن مقبلة سهلة التحضير و لذيييييييييييذة

شوية لحم مفروم أو دجاج مقطع صغير يدبل مليح في الزيت و الفلفل الاسود و ملح و سنة ثوم كسري فوقهم بيضة فوقها شوية زبدة باه تنحيلها ريحتها ثم بصلة مفرومة قرن فلفل حلو مقطع رقيق قرن فلفل حار مقطع للناس لي تحب الحار و جزرة مفرومة يدبلو كامل

في الوقت هذا طيبي 4 مغارف روز كي يطيب صفيه و طفي على الخليط الاول و خلطيهم مع بعض
اقلي في مقلات اخرى3 بيض اوملات و قطعيهم قطع صغار و خلطي كلش مع بعضاه
يقدم مع المايونيز لذيذ جداااااااااااااااا





>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

بارك الله فيك على الوصفلت

__________________________________________________ __________

>>>> الرد الثاني :

المشاركة الأصلية كتبت بواسطة بشرى2008
بارك الله فيك على الوصفلت


و فيك بارك الله اختي الغالية

__________________________________________________ __________

>>>> الرد الثالث :

تبارك الله عليك وصفات خفيفة وسهلة وسريعة بارك الله فيك

__________________________________________________ __________

>>>> الرد الرابع :

المشاركة الأصلية كتبت بواسطة ادرارية
تبارك الله عليك وصفات خفيفة وسهلة وسريعة بارك الله فيك


و فيك بارك الله يا غالية نتمنى تجربيهم

__________________________________________________ __________

>>>> الرد الخامس :

مشكووووووووووووووووورة و بارك الله فيك