عنوان الموضوع : حوت بالصوص مرفوق بالأرز من مطبخي مممممممم طبق جزائري
مقدم من طرف منتديات العندليب



حبيباتي الحلوات كنت حطيت صورة طبقي اليوم اللي هو حوت بالصوص مع الارز و الحمد لله نال اعجاب الكثير من الأخوات لذا حبيت نحطلكم الوصفة نتمنى تستفادو منها

نبداو بسم الله:



4 حبات حوت يكون من النوع المتوسط الحجم _ حبة طماطم مبشورة_ بصلة صغيرة مبشورة_ 3 حبات ثوم مبشورة_ حبات زيتون أخضر مغلي باش تتنحالو الملوحة تاعو_ 2 ملاعق كبيرة زيت_ ملعقة كبيرة طماطم مصبرة_ 3 ورقات رند_ معدنوس مقطع رقيق _ نصف ملعقة صغيرة فلفل أسود_ ملعقة صغيرة مملوءة كمون _ ملح

في طنجرة اقلي البصل و الثوم في الزيت

و بعد أن تتقلى جيدا أضيفي الطماطم المرحية

و اقلي الكل مع اضافة أوراق الرند و الفلفل الأسود و الكمون و الطماطم المصبرة

بعد أن تتقلى جيدا كل هذه المكونات مرقي بكأس ماء

ثم ضعي فيه حبات الحوت و المعدنوس و أتركيه على نار هادئة حتى ينضج الحوت حوالي 15 دقيقة فقط لأنه ما ياخذش وقت فالطياب و رايحة تلاحظي أن الصوص خثرت ( أنا كما تلاحظون في الصورة خليتها شوية مرقة ما خليتهاش تثقال هاكا تحبها عايلتي)

زيني بالزيتون الأخضر و قدمي الحوت مرفوقا بالأرز المغلي و شوية صلصة


بالهناء و الشفاء


لا تنسوني من خالص دعواتكم حبيباتي


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

يم يم يم يعطيك الصحة عروستنا...تسلم الايادي

__________________________________________________ __________

>>>> الرد الثاني :

يبان يشهي ولديييييييييييييد شكرا لك على الوصفة عروستنا الحلوة مبروك عليك الزواج ربي يسعدك ويهنيك

__________________________________________________ __________

>>>> الرد الثالث :

الله الله اعلى العروسة مازالت فحلة ههههههه هذا حل مليح لهذا النوع من الحوت يخرج اممممممم

__________________________________________________ __________

>>>> الرد الرابع :

ياعروستنا الحبيبة ريحي روحك راكي مريضة وزيد راكي تطيبيلهم فى الدار ولا ماما ورحمة وخليل توحشو طيابك ههههههههههههههههه قولي قولي ماتحشميش

__________________________________________________ __________

>>>> الرد الخامس :

شكرا حبيبتى لهنة على الوصفة حمرتيلنا وجهنا عند اهل زوجك هههههههههههههه