الجزء 87 من واش طيبتي في داري الجديدة الله يوسعها علينا الكل تفضلو طبق جزائري
عنوان الموضوع : الجزء 87 من واش طيبتي في داري الجديدة الله يوسعها علينا الكل تفضلو طبق جزائري
مقدم من طرف منتديات العندليب
السلام عليكم ورحمة الله وركاته
الكوزينا هدي عندي مدة وانا نوجد فيها وكنت تفاهمت مع بروقتي الحلوة نحلها
حبيت نشكر حبيباتي اللي فرحولي كيدخلت لدار جديدة ووسع عليا ربي الله يوسعها على الكل وحابة نتفكر معاكم حبيبتي واختي في الله زهرة اللي عندها مدة مابانتش ان شاء الله خير
حياتي الكل تمنيت كوزينا شابة ووواسعة اعطالي ربي زوج الله يبارك الاولى في الطابق الارضي هي اللي راني نخدم فيها واللي فوق مازال ماعمرتهاش ادعولي ربي يسهلنا في الدين نقضوه وربي يعطي لكل اخت ويحن عليها
اتفضلو هدي كوزينتي
هدي الوعدة الصغيرة اللي درتها فال للدار ولادي عرضو صحابهم وجاوني خياتي وفاتت روعة الصور بنت اختي اللي صورت ربي ينجحها في البيام ونفرحو بيها
وهدي الكوزينا الفوقانية
هدي الطابلة لتحت ناكلو فيها
كادو تاع اختي
الزيراوي باش تحلو
سنيوة لقهوة العصر
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
الله يجلعها كوزينة مربوحة وعتبة خير عليك ان شاء الله
راه النث ضعيف عندي مابان ليا والو غير قرعة ازيس ليكيد واقيلا راكي ديري اشهار للشركة ههههه
الله يسهل لك في قضاء ديونك بادن الله وتعمري الكوزينة وكل البيت ويحفظ من كل عين تشوف وماتقول بسم الله
فقط نوصيك بالاكثار من الصلاة على النبي راه تقضي الديون
__________________________________________________ __________
>>>> الرد الثاني :
مبروك
ماشاء الله لا قوة الا بالله روعة ام ياسين عتبة خير ان شاء الله و ربي يجعل بيتك عامر بالخيرات يا رب و يسد دينك و يوسعلك في رزقك يا رب
نروح نجيب الباروك و نرجع
__________________________________________________ __________
>>>> الرد الثالث :
الله يجلعها كوزينة مربوحة وعتبة خير عليك ان شاء الله
__________________________________________________ __________
>>>> الرد الرابع :
الف الف مبروك الكوزينة عزيزتي ام يس والف مبروك الدار تتهني بيها وتعملي فيه ا الافراح
الصور راح كبار راني في انتظارهم باش نتوقب مليح ولي عودة بالباروك
__________________________________________________ __________
>>>> الرد الخامس :
الله يبارك ام ياسو ماشاء الله ربي يهنيك في دارك الجديدة ولعقوبة ليا ولجميع الحبابات
هدا باروكي
رد مع اقتباس
