فوكاشيا ايطالية تلبية لطلبكن
عنوان الموضوع : فوكاشيا ايطالية تلبية لطلبكن
مقدم من طرف منتديات العندليب
السلام عليكم
صح فطوركم
*
*
تلبية لطلب الاخوات لي طلبو وصفة الخبز راني درتلكم الموضوع لكن للاسف بدون صور
المهم هذا الخبز مليح ل لي يحبو زيت الزيتون و الماكلة الصحية كيما بابا ههههه
ايا اتفضلو
*
*
الفوكاشيا بالطماطم والزعتر
المقادير :
600 غ فرينة
غرفية تاع حليب ماء دافئ
ملح
م ك خميرة العجن
انا اضفت رشة خميرة تاع الحلوة
4 معالق كبار زيت زيتون
2 معالق كبار سكر
نصف كيلو طماطم صغيرة
زعتر مجفف
كاس زيت زيتون
شوية الملح
التحضير
نخلطو الخميرة و السكر و الماء الدافي من بعد نضيفو الزيت
نضيف للفرينة الملح و الرشة تاع الخميرة تاع القاطو
ومن بعد نعجنو الفرينة بالخليط تاع الزيت و الماء
و تكون العجينة طرية و تلصق في اليد شوية
نخلوها تخمر من ساعة الى ساعة و نص حسب الجو عندك
من بعد تدهني المول مليح بزيت زيتون و تدهني الحواشي تاني
و تبسطي العجينة في المول
و من بعد تدخلي صباعك في العجينة حتى تقيس القاعدة تاع المول
يعني تعملي ثقوب من سقف الى قاعدة العجينة
و هذا باه يدخل فيها الزيت
و من بعد نصبو الكاس تاع زيت الزيتون و نحركوه على كامل المول
و نخلوها ترتاح حوالي نص ساعة
ومن بعدنجيبو الطماطم الصغيرة و نحيولها الماء لي من داخل و زيتون و نغرسوهم و ندخلوهم مليح في العجينة
و من بعد نرشوها بالزعتر اليابس
و نزيدو نخليوها ترتاح حوالي نص ساعة
قبل مندخلوها للفرن نمسحو الوجه ديالها بالماء ، هاد العملية تحافد على الرطوبة ديالهاو نسخنو الفرن على 200 درجة و ندخلوها حوالي 30 الى 40 دقيقة
هادي صورة الفوكاشيا لي درتها البارح
و هادو صور توضيحية من نت
تقدري تنوعي في الحشو كيما تحبي
و بصحتكم
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
ana awal terad aba3tili haki t3ichi allah yebarek rahi techahi
__________________________________________________ __________
>>>> الرد الثاني :
تسلم ايديك
__________________________________________________ __________
>>>> الرد الثالث :
يعطيك الصحة حبيبتي شكرا على الوصفة
أنا نعرف الفوكاشيا من بكري بصح ماكانتش عندي الوصفة ربي يخليك شكرا عزيزتي
__________________________________________________ __________
>>>> الرد الرابع :
يعطيك الصحة حبيبتي
__________________________________________________ __________
>>>> الرد الخامس :
صح فطورك وبارك الله فيك هايلة
رد مع اقتباس
