عنوان الموضوع : قراتان اللوبيا الخضرا بالبشاميل ......يم يم يم من عند مونية ك
مقدم من طرف منتديات العندليب

حبتلكم وصفة درتها قبل مانمرض اليوم راني الحمدببه بريت وربي يعوض علي ان شالله ويعطيكم الصحة لكل من سقسى علي وكان معايا
نخليكم مع التصاور والشرح

بطاطا مقطعة مكعبات صغار ومقلية



2 حبات طوماطيش كبار مع ثوم مرحيين بالروبو واللي ماعندهاش ترابيهم


اللوبيا الخضرا مقطعة صغيرة ومفورة بشوية ملح


هنا كي طاب حطيتو مباشرة فوق البطاطا



وفرغت الطوماطيش اللي رحيتو ني مع الثوم وتوابل فلفل لكحل وملح وكمون وفلفل لحمر مرحي بودرة



كلشي يتخلط مليح



بيشاميل كل واحد وكيفاش يديرها انا درتها بالحليب وفرينة وملح وشوية زبدة وتتحط علىالنار حتان تثقال وكي نحيتها زدتلها شوية فورماج وخلطت حتان ذاب وتقدري تستغناي على الفورماج اللي ماعندهاش


فرغتها فوق المقادير قع


دخلتها للفرن حتان حمارت قع من الفوق


هنا كي طابت يم يم يم

وهنا كي نحيت منها لاوم تبرد شوية وانا كنت جيعانة ماخليتهاش شدت روحها هههه
ام شحال بنينة



واش رايكم ماتناونيش من الدعاء
اي استفسار راني هنا


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

خرجتلك هيلة وباينة بنينة

الله يكملك ما تتمناي

__________________________________________________ __________

>>>> الرد الثاني :

الحمد لله على سلامتك

شوفي نقلك الصح هذا مانكره الله غالب بصح الحمد لله زوجي واولادي يحبوها وراح نجربها بارك الله فيك

__________________________________________________ __________

>>>> الرد الثالث :

امممممممم يعطيك الصحة جاك روعة مشاء الله

__________________________________________________ __________

>>>> الرد الرابع :

يعطيك الصحة تبان تشهي .
عجبتني الفكرة و التجديد في الطبخة ، علا بالك اللوبياء الخضراء ديما نديروها بنفس الطريقة لذلك كرهناها.
شهاتني البيشاميل و الفرماج خرجتلك بنة و تقديم .
إن شاء الله نجربها ، لاخاطر عندي في الكونجيلاتور حولي 1 كغ نتاع لوبياء خضراء مفورة محبوش ياكلوها في الدار لا خاطر كرهو منها ، رايحة نجرب طريقتك و إن شاء الله تنال الإعجاب .
شكرا أنقذتينا من روتين اللوبياء الخضراء

__________________________________________________ __________

>>>> الرد الخامس :

راهي جات روووووووووووووووعة وكان نزيدو معا شوية لحم مرحي وطايب راهي تجي اروع واش رايكم مشكورة اختي على الوصفة