عنوان الموضوع : مشاركتي الاولى من مطبخي
مقدم من طرف منتديات العندليب

السلام عليكم هاذي اول مشاركة ليا راني حبة ندير موضوع جديد نتشاركوا فيه بحشوات البيتزا لانه في العالم باكمله يوجد اكثر من 2500 حشوة للبيتزا
و اول وحدة راح تبدا هي انا :
البيتزا نتاعنا نديروها بالطماطم و الكفتة و التونة تاع الزيت و الفطر و الزيتون الاسود و من الفوق جبن مبشور
و مرات نديروها فقط بالطماطم و الكفته و الزيتون و كي تطيب نديرو ملفوقا مايوننيز
للاسف ما عنديش الصورة تع البيتزا الكاملة لكن انشاء الله نحطها في اقرب وقت ممكن
و ها هي صورة البيتزا الغير كاملة :




الصور المرفقة
IMG_0296.jpg‏ (204.6 كيلوبايت, المشاهدات 176)

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

شكراااا اختي بارك الله فيك على الموضوع.. مام انا ندير هكا صوص طومات مرة طون و لا لحم مرحي و لا دجاج مرحي أو متبل و مقلي أو مشوي و نفتتو و ندير فلفل ألوان و فلفل حار زيتون أخضر زيتون اسود دبشة فطر مقلي فرماج عادي و رابي و مرات كوممبير

__________________________________________________ __________

>>>> الرد الثاني :

بارك الله فيك اختي حنا جامي درناها بالدجاج غادي نسيووها كاش نهار شكرا اختي

__________________________________________________ __________

>>>> الرد الثالث :

شكرا اختي على الموضوع انا عندي بيتزا تاع الترفاه يعني كي يكون لفريجيدار معمر و بيتزا التحراق كي يكون الفريجيدار بدا يفرغ
طبعا ديما ندير فيها لا صوص تاع البيتزا
الاولى نديرها بالطونة و فلفل الوان و انواع تاع الجبن مثل جبن موتزاريلا و جبن شيدار و جبن الماعز تجي بالجبنة هذه حطة و طبعا الزيتون و الريحان
و سعات نديرها غير بالاجبان و الريحان
نديرها سعات بالسلمون المدخن ولا كريم فريش و الاجبان تجي تحفة
و كي تكون ثلاجة بدات تفرغ ندير واش عندي يعني سعات ندير فوقها جريوات مقلية و شوية جبن تاع المثلثات و الزيتون نقطعو باه يكفيني او اي خضر عندي في الثلاجة نهار درتها بالبيضنجان مشوي جات مليحة و اذا ماكنش خلاص لاصوص و الفرماج و الحمد لله على النعمة

__________________________________________________ __________

>>>> الرد الرابع :

كي نلقى الصور تاع البيتزا باذن الله نحطهم الميكرو عندي مخلط سلام

__________________________________________________ __________

>>>> الرد الخامس :

شكرا على المرور اختي و خدي وقتك في الصور وقت لي تبغي لانه الموضوع راه دائما مفتوح