عنوان الموضوع : العيد عند عجوزتي بلييييييييييييييز ساعدوني
مقدم من طرف منتديات العندليب

السلام عليكم
حبيت ندير موضوع كامل نستفادو منو العيد بقالو يومين وكامل بدينا التحضيرات باش نستقبلوه بأحسن حلة
وهاد العيد la premiére fois رح نجوزو عند عجوزتي موالفة نجي ليها ضيفة برك ونعيد في داري المهم الحمد لله عندي 5 أيام ميلي جيت ليها ودرتلها ménage complet وخملتلها قاع الدار وغسشلتلها الفراش الله يجعلها في ميزان حسناتي ههههههههههههههه شفتوني نحب نشكر روحي
المهم راني حابة نعرف أفضل طريقة يطيبو بها الدوارة يتسما بكبوكة انا موالفة في داري مانديرهاش انا وراجلي نحبوها مقلية مي عند عجوزتي قاتلي حنا لازم في العيد نطيبوها بكبوكة و أعرفو شكون رح يطيبها أكيييييييييييييييييييد أنا
والمشكلة اني منعرفلهاش بزاف و وشنو الخضرة لي يديروها فيها والتوابل والثوم يديرولها ولا لالا علبالي يديرو فيها القرعة مي الحوايج لخرين ماني عارفة فيها والو
تعيييييشو كل واحدة تقوللنا على طريقة نتاعها لي طيب بها الدوارة و واش دير فيها هكدا قع نستفادو ونتعلمو ومنتبهدلوش ههههههههه

وصح عيدكم تعيدو وتزيدوبالصحة والهنا في حياتكم وحياة والديكم وولادكم


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

احنا منحطوش فيها الخضر خلاص

نقطعو الدوارة قطع صغيرة نغليوها في الماء شويا باش تروح منها الريحة

و امبعد في برمة نقليو البصل و الثوم مرابيين مليح نزيدو الطماطم حبة مرابيا و طماطم كونسارف و ملح و فلفل اكحل و سكنجبير و كاين لي يزيد راس الحانوت
و فلفل احمر حار

قلي مليح و زيدي الدوارة تاعك تتقلى و مرقي و خليها طيب حتى تثقال و زينيها بالمعدنوس

المهم ديري كيما تعرفي او سقسيها ادا كانت كومبريونسيف.

و صح عيدكم

__________________________________________________ __________

>>>> الرد الثاني :

المشاركة الأصلية كتبت بواسطة ،،ايمان،،
احنا منحطوش فيها الخضر خلاص

نقطعو الدوارة قطع صغيرة نغليوها في الماء شويا باش تروح منها الريحة

و امبعد في برمة نقليو البصل و الثوم مرابيين مليح نزيدو الطماطم حبة مرابيا و طماطم كونسارف و ملح و فلفل اكحل و سكنجبير و كاين لي يزيد راس الحانوت
و فلفل احمر حار

قلي مليح و زيدي الدوارة تاعك تتقلى و مرقي و خليها طيب حتى تثقال و زينيها بالمعدنوس

المهم ديري كيما تعرفي او سقسيها ادا كانت كومبريونسيف.

و صح عيدكم

يعطيك الصحة ختيتو ربي يهنيك

__________________________________________________ __________

>>>> الرد الثالث :

Thanks a lot for your great work, hope you are feeling well after your busy weekend!!!!)))

__________________________________________________ __________

>>>> الرد الرابع :

احنا نزيدولها الحميصة و القرعة
نقطعوها قطع صغيرة و نغليوها شوية من بعد نقليو البصل و الثوم و طماطم حبة نزيدو الدوارةنصفيوها من هذاك الماء ونحطوها مع البصل و الثوم +الملح+الفلفل اكحل +كروية +فلفل عكري حار+الحميصةنمرقوها
لم اطيب نحطولها حشيش مقطفة مقطع صغير +حبة فلفل حار

__________________________________________________ __________

>>>> الرد الخامس :

المشاركة الأصلية كتبت بواسطة الامل نور
احنا نزيدولها الحميصة و القرعة
نقطعوها قطع صغيرة و نغليوها شوية من بعد نقليو البصل و الثوم و طماطم حبة نزيدو الدوارةنصفيوها من هذاك الماء ونحطوها مع البصل و الثوم +الملح+الفلفل اكحل +كروية +فلفل عكري حار+الحميصةنمرقوها
لم اطيب نحطولها حشيش مقطفة مقطع صغير +حبة فلفل حار

جابلي ربي عند عجوزتاني يطيبوها هكدا مي معلابابليش ولا يديرولها زرودية ولا لالا