عنوان الموضوع : خبز هشووووش من مطبخي طبق جزائري
مقدم من طرف منتديات العندليب

السلام عليكم حبياتي جبتلكم هدا الخبز والله رااائع وخفيف وبنيييين سيرتو كي يبات يولي اممممممممممممممممم
للامانة الوصف شفتها في منتدى اخر للغالية درة ربي يجازيها كل خير يااااارب
كاس دقيق ارطب + نفس الكاس ماء + بيضة + 2 ملاعق صغار ملح + 2 ملاعق صغار سكر + ملعقة كبيرة و نصف خميرة الخبز و إذا بارد الحال 2 ملاعق + 2 ملاعق كبار حليب بودر + 1 فاني + 1 خميرة
هادي المقادير تحطيها في اناء وتخلطي مليييييييييح حتى تتجانس المكونات نخليها ترتاح حوالي 10 دقائق ونزيدلها نصف كاس زيت نخلط ومن تمة نبدا باضافة الفرينة حتى نتحصل عى عجينة طرية نعجنها ملييييييييييييييييييح ونخليها تخمر
لما تخمر نقرصها تقدري تعمليها مباشرة قرصة كبيرة ولا تديري قريصات صغيرة كيما انا يعجبوني صغار ههههه
وقبل ما نقرصهم نرمدهم في الدقيق اولا
نخليهم يرتاحو شوي ومن بعد نقرصهم باش يجونا ساهلين
نحطهم في صينية الفرن المدهونة بقليل من الزيت ونزيدو نخليوهم يخمرو ملييييح
ندخلهم يطيبو في الفرن يكون سخون ملييييح
كي تشوفيهم طابو من تحت اقلبيهم على الجهة الاخرى وكانك تطيبي في طاجين
والله هشوووووش امممممممممممم
ومنين يطيب الخبز مباشرة غطيه بالصينية الحرارة راح تخليه يطرا وهذه طريقتي مع جميع انواع خبز الفرن
على فكرة انا كيلت بغرفية الشربة يعني زودت المقادير شوي وخليت بيضة برك ايضا استعملت الدقيق العادي وخرجلي روووعة
نخليكم مع الصور واي استفسار راني هنا










>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

يبان يشهي عزيزتي يعطيك الصحة وبارك الله فيك

__________________________________________________ __________

>>>> الرد الثاني :

عجبني بزاف يعطيك الصحة

__________________________________________________ __________

>>>> الرد الثالث :

يعطيك الصحه اختى شكرا على مشاركتنا للوصفه

__________________________________________________ __________

>>>> الرد الرابع :

ام يسرا حبيبتي انا غير انشوف اسمك مانقدرش ماندخلش مواضيعك عارفتهم لا يعلى عليهم والخبز هايل انشاء الله انجربو وانردلك بالخبر


__________________________________________________ __________

>>>> الرد الخامس :

يسخف يعطيك الصحة