عنوان الموضوع : حريرة"المرمز"من اعدادي،تفضلوا
مقدم من طرف منتديات العندليب


السلام عليكم ورحمة الله تعالى وبركاته
صح فطوركم وتقبل الله اعمالكم
بغيت نوريلكم الطبق الرئيسي لي نعتمدوه في رمضان والي مكاش بيت ما يديروهش هو حريرة المرمز،طبق ساهل واكيد تعرفوه كاملين
نبداو بالمقادير:
لحم حسب قدرتك،حبة بصل،حبة طماطم،2 حبات جزر،طماطم مصبرة،حمص،قصبر ومعدنوس،دشيشة المرمز
حبة بطاطا





هذي هي دشيشة المرمز

الملح والتوابل

نقطعوا البصل نديروه يتقلى مع الثوم واللحم في ملعقتين زيت
نزيدو القصبر والمعدنوس وبقية الخضر ماعدا الطماطم

من بعد نضيفو الطماطم،ونخلطو التوابل والملح والطماطم المصبرة مع شوية ماء ونضيفوهم على خليط الخضر واللحم





نمرقو بالماء ونديرو زوج مغارف دشيشة المرمز واذا بغيتيها تجي خاثرة زيدي شوية ومن بعد نديررو الكوكوت فوق النار





بعدما ينضج اللحم والحمص والخضر نحو اللحم وشوية تاع الحمص على جيهة،ونرحوا الخضرة بواسطة الرحى اليدوية


وهذي هي حريرتنا جاهزة نقيسو فوقها شوية قصبر ومعدنوس مقطعين رقاق



درتها مع مقبلة الدجاج والحمص



والحلو


ان شاء الله تعجبكم علابالي بلي تعرفوها بالصح معليش المهم المشاركة




>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

يعطيك الصحة أكيد لا غنا عنها في رمضان بصح مليح حطيتيلنا طريقتك كل واحد كيفاه يديرها صحا فطورك حبيبتي ليك وحشة

__________________________________________________ __________

>>>> الرد الثاني :

يعطيك الصحة حنا رمضان كامل ماتحبسش


__________________________________________________ __________

>>>> الرد الثالث :

يعطيك الصحة باينة تجي بنينة صحة رمضانك

__________________________________________________ __________

>>>> الرد الرابع :

المشاركة الأصلية كتبت بواسطة درة بيتي
يعطيك الصحة أكيد لا غنا عنها في رمضان بصح مليح حطيتيلنا طريقتك كل واحد كيفاه يديرها صحا فطورك حبيبتي ليك وحشة

الله يسلمك يالحبيبة،ربي يخليك ويعطيك لي تتمناي،تفرحيني شحال كي تردي على مواضيعي،ايه حنا ثاني رمضان كامل بيها،حتى انت صح فطورك وتتوحشك الجنة يالغالية ووالله حتى انا راني متوحشاتك ربي يهنيك حنونة


__________________________________________________ __________

>>>> الرد الخامس :

المشاركة الأصلية كتبت بواسطة ريتاج تيارتية
يعطيك الصحة حنا رمضان كامل ماتحبسش

ايه حتى حنا كيما انتم
يعطيك الصحة ريتاج على الرد ربي يخليك