عنوان الموضوع : بريوش اقتصادي من دون زبدة ولا بيض والنتيجة اكثر من راااائعة
مقدم من طرف منتديات العندليب

بسم الله الرحمان الرحيم

اللهم صل وسلم وبارك على سيدنا اشرف خلق الله محمد عليه افضل الصلاة وازكى التسليم
اما بعد

اخواتي كلنا نبحث عن الوصفات الاقتصادية والمضمونة وان شاء الله وصفة اليوم تعجبكم وتجربوها وهي عبارة عن بريوش اقتصادي من دون زبدة ولابيض والنتيجة مذهلة

https://


https://

بدون اطالة نخليكم مع الوصفة بالخطوات المصورة كالعادة.

المقادير:

380غ فرينة
250مل حليب دافيء
70مل زيت
60غ سكر
نصف م ك فاني
م ك خميرة الخبز
5غ ملح

الطريقة

اولا نحط الخميرة مع الحليب الدافيء ونخليها تختمر من 10الى15د

من جهة في جفنة نحط الفرينة والسكر والفاني والملح

https://

نضيف كمية الزيت

https://

نحرك ونجمع بخليط الحليب والخميرة لي خليناه يختمر حتى نتحصل على عجينة طرية اذا كانت تلتصق كثير بالايدي نضيف شوية من الفرينة هذا يرجع لنوعية الفرينة المستخدمة.
نعجن العجينة حوالي 10د باليد واذا استخدمت العجانة حوالي5د فقط انا هذا المرة عجنت باليد لان ساهل وماياخذش وقت طويل في العجن.
نغطي العجينة ونخليها تختمر

في هذا الوقت نحضر المول لي راح نطيبوه فيه ممكن نستخدم اي شكل انا استخدمت هذا

https://

ندهن الجوانب بالزبدة وفي الاسفل نحط ورق الزبدة

بعد ماتختمر ويتضاعف حجمها نخرج الهواء منها ونقسمه الى عدة كويرات انا عملت 12 كويرة ونحطهم بجانب بعض ونخلي شوية مسافة بين الكويرات هكذا

https://




نغطيها ونخليها تختمر للمرة الثانية شوفو كيفاه تضاعف حجمه

https://

ندهن البريوش بالحليب انا استخدمت الحليب السائل وضفت له شوية حليب بودرة حتى نتحصل على لون راااائع

ندخله لفرن مسخن مسبقا على 180لمدة 25د طبعا كل اخت والفرن لي عندها نشعل عليه من الاسفل وكي يطيب نعاود نشعل عليه من فوق

وهذا شكله بعد ماطاب شوفو لونه هايل والريحة ما نحكيش

https://

نسيت نقولكم في نص الطياب عاودت خرجت البريوش من الفرن ودهنته للمرة الثانية بالحليب باه لون يخرج شباب

ننزعه من المول ونحطه على مشبك يبرد ونرش عليه السكر الرطب وهذا شكله


https://

شوفو شحال طالع

https://

وهذا شكله من الداخل هشوش وخفيف

https://

https://

ان شاء الله تجربو الوصفة لانها فعلا تستحق التجربة

في امان الله



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

روووووووعة وصفاتك كامل هايلين يعطيك الصحة


__________________________________________________ __________

>>>> الرد الثاني :

الله يبارك باسم الله ماشاء الله فنانة بمعتى الكلمة يعطيك الصحة وربي يخليك لينا ويحفظك بريوش ولا اروع ترقبي تطبيقي حبيبة قلبي

__________________________________________________ __________

>>>> الرد الثالث :

اختي ام اماني تعيشي
250ملل
70ملل
60غ
شحال بالكيل نتاع الكاس او الملقعقة معنديش ميزان لوسمحتي

__________________________________________________ __________

>>>> الرد الرابع :

اي حاجة تطلع من ايديك غيييييييييير ماشاء الله عليك ربي يحفظك و البريوش اكثر من رائع و فعلا اقتصادي ان شاء الله نجربو واثقة في وصفاتك

__________________________________________________ __________

>>>> الرد الخامس :

عودة ميمونة عزيزتي أم أماني أنا نخدم الخبز بهذه الطريقة يخرجلي روعة في البنة و الخفة
يعطيك الصحة على الوصفة تشهي ولا تحرمينا من وصفاتك ياطيبة