عنوان الموضوع : حابة تتعلمي الديول ارواحي نقولك طبق جزائري
مقدم من طرف منتديات العندليب

السلام عليكم حباباتي في منتديات العندليب العزيزة
اليوم سخفت على البوراك ومالقيتش اللي يروح يشريلي
قلت لازم نديرهم وحدي

وطبعا حبيتكم تتعلمو باه اذا كاش نهار سخفتو ومالقيتوش اللي يشريلكم تشمرو على ذرعيكم


وحنا عند مثل يقول مولا الذراع ياكل المسقي

بسم الله نبدا


نحتاج الى قدر نحطو فيه الماء يغلي يكون عريض شوية
ونحطو فوقو الطاوة ولا المقلا كل واحد كيفاه يسميها

ولازم تكون تاع تيفال باه ماتلصقش وتجيك الخدمة ساهلة











بالنسبة للعجينة نحتاجو فرينة وملح وماء وبانسو ولا فرشاة باه نخدمو بيها


نخلطو العجينة تكون جارية شوية يعني خاثرة





هنا ندهنو المقلاة تاعنا بالبانسو بسرعة




وغير تنشف انحيوها






وندهنوها بشوية زيت باه كي نحطو فوقها الوراقت لخرين مايلصقوش في بعضاهم


وهذي النتيجة











وطبعا مانسيتكمش وجبتلكم التذوقو البوراك اللي سخفت عليه باه تسخفو والديروه ههههههه






بصحتكم


ملاحظة
راني زدت في الخلطة بياض البيض وكان الاوراق رائعة خرجولي هالين

وثاني مادهنت بين الورقات بالزيت حطيت كل وحدة وحدها قيس انشف ومبعد حطيتهم فوق بعض ثاني نجحت الطريقة

حبيت نفيدكم بهذي الاظافات برك للي تحب تجرب


بالنسبة للمقلى المهم تكون جديدة مش ممخدوشة باه ماتلصقلكش


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

تسلمي طريقة ساهلة ماهلة مافيها والووووووووووووووووووووووووووووووووووووو
شكرااااااااااااااااااااااااااااااااااااااااااااااا ااا

__________________________________________________ __________

>>>> الرد الثاني :

هايل ام اثرى ......انا من النساء اللي مايعرفوش يديرو الديول نشريه برك ههههههههه بصح هذي المرة رايحة نجربو ان شاء الله ونقولك النتيجة
مشكورة اختي وادعيلي بالتوفيق

__________________________________________________ __________

>>>> الرد الثالث :

يعطيك الصحة بارك الله فيك هلا اعطيتيني المقادير لانني جربت ما جربت ماصلحتش العجينة

__________________________________________________ __________

>>>> الرد الرابع :

المشاركة الأصلية كتبت بواسطة الزهرة البسامية
تسلمي طريقة ساهلة ماهلة مافيها والووووووووووووووووووووووووووووووووووووو
شكرااااااااااااااااااااااااااااااااااااااااااااااا ااا

شكرا زهرة على تنويرك الموضوع
ان شاء الله تجربيها وتنجح معاك الطريقة


__________________________________________________ __________

>>>> الرد الخامس :

المشاركة الأصلية كتبت بواسطة أم زياد2009
هايل ام اثرى ......انا من النساء اللي مايعرفوش يديرو الديول نشريه برك ههههههههه بصح هذي المرة رايحة نجربو ان شاء الله ونقولك النتيجة
مشكورة اختي وادعيلي بالتوفيق

اهلا بيك ام زياد انا ثاني نشريه بصح الحاجة هي اللي تخليك تشمري على ذرعيك كيما انا


جربي وردي بالخبر