سردين بثلاث طرق للتحضير طريقة جزائرية
عنوان الموضوع : سردين بثلاث طرق للتحضير طريقة جزائرية
مقدم من طرف منتديات العندليب
السلام عليكم لبنات وش راكم ان شاء الله تكونوا ملاح
اسمحولي طولت عليكم مي كل مانكتب ماتحبش تفوت
هذي الوصفة لقيتها في النت و جربتها و عجبتنيمع بعض التعديلات
نبدا مع المقادير
1/2 كوب من الزيت (مخلط بالنصف بين الزيت العادية و زيت الزيتون صراحة انا ماديرتش زيت الزيتون و نقصت كمية الزيت لانها جاتني يزاااف)
باقة معدنوس مفرومة
1 م ك هريسة "على حسب الرغبة"
عصير ليمونة
5 فصوص ثوم "تقدري تستعملي كثر كيما انا و على حسب الكمية لعندك
1م ك كمون وتقدري تزيدي على حسب الكمية لعندك
1م ك فلفل احمر حلو + م ص فلفل احجمر حار (انا نتاعي مخلطين الاحمر مه الحار)
1 مص فلفل اسود
1 مص كركم
ملح
الطريقة
نضع المعدنوس المفروم و نهرسوه شوية و نزيدولو الثوم و الملح مي تقدري تهرسي الثوم مع الملح و تزيدي فوقها المعدنوس او تهرسي المعدنوس و تزيديلو الثوم المرحية كيما تحبي و ليجاتك ساهلة ديريها
كي تهرس المعدنوس نتاعنا مع الثوم و يطلق شوية ماء نتاعو نحطوه في صحن و نزيدولو باقي المقادير و نخلط مليح و نضع السردين في الخليط و ندهنو مليح بيه و نزيد نحشيه بيه و نضع في صينية غير مدهونة و الى فرن مسخن على درجة 180 حتى يطيب
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
الوصفة الثانية
نفس مقادير التتبيلة الاولى نخلو مليح فيها و نضع قليل منها بين شرحتي السردين و نمررها فب الفرينة و نقليها شفتو سااااهلة ماااهلة + بنينة مي ماتنساوش تنقصو كمية الزيت باش ماتجيش مزيتة
__________________________________________________ __________
>>>> الرد الثاني :
الوصفة الثالثة
سردين مشوي ساااهل وبنين و صحي
عقدت حياتي السردين الكبير معبي شوك ماتقدري تقليه ماديريه طاجين لحتى حاجة
فقلت نديرو مشوي و نشوف تراه كيفاش يجيجربتو و شحال لمرة جا اممممممممممم
الطريقة نتاعو سهلة و بسيطة
نسخن مقلة تكون ماتلصقس مليييح و نحط السردين نتاعنا على الجهة ليمافيهاش الجلدة باش مايتكسرش و يفسد نقلبوه مرة وحدة كي نشوفوه حمار و حكم روحو نملحوه و نفلفلوه
انا قدمتو مع خضرة مشوية و خضرة مرقدة
و شهية طيبة ان شاء الله يعجبوكم و صفاتي وتجربوهم
__________________________________________________ __________
>>>> الرد الثالث :
مافهمتش
__________________________________________________ __________
>>>> الرد الرابع :
أحلى صباح منية ما شاء الله رجعتيلنا باطباقك روعة عزيزتي
__________________________________________________ __________
>>>> الرد الخامس :
يعطيك الف صحة وعافية
ماشاء الله راكي شهيتيني مع الصبح
مشكورة على الاطباق بارك الله فيك
رد مع اقتباس
