عنوان الموضوع : غراتان كرم ذوقها راااائع بالخطوات المصورة من مطبخي
مقدم من طرف منتديات العندليب

بسم الله الرحمان الرحيم

السلام عليكم اخواتي

جبتلكم اليوم طريقتي في تحضير غراتان الكرم ذوقها رااائع حتى الاطفال لي مايحبوش الكرم راح تعجبهم لان فيها الدجاج وكمية مليحة من الجبن لذلك ذوق الكرم مايظهرش بزاف اذن بدون اطالة نخليكم مع الوصفة.

https://


المقادير:

صدر دجاجة حجم كبير
راس كرنب صغير الحجم
جبن
حبات بيض حوالي 3 حبات او اكثر حسب المول المستخدم
حبة بصل
سنينة ثوم
ملح
فلفل اسود
2 م ك شابلير
معدنوس

طريقة التحضير:

اولا نحضر مرقة بيضا بالطريقة العادية

في طنجرة نحط نصف كمية صدر الدجاجة +بصلة مسكرفجة+سنينة ثوم+م ك زبدة+ملح+فلفل اسود

https://


نحط الطنجرة على النار ونخليها تتقلى على نار ناقصة من بعد نمرق بشوية ماء مانكثروش بزاف الماء ونخليها تطيب حتى نتحصل على مرقة او صوص خاثرة.

من جهة ناخذ الكرم


https://


نغسله ونحط يفور حتى يطيب من بعد نحط في كسكاس يقطر مليح ونرحيه بيدي وهو فوق الكسكاس وفي نفس الوقت نتخلص من القطع الخشينة لي تكون فيه.

ناخذ نصف كمية الدجاج المتبقية ونرحيها ونضيفلها الكرم والكمية من الجبن

https://

من بعد نضيف لاشبلير وكمية من البصل يكون مسكرفج ومعدنوس يكون مقطع رقيق وملح وفلفل اسود

ونلمها بالبيض ممكن نحتاج بيضة او اقل حسب الكمية يعني نضيف بالشوية كمية البييضة لازم الخلطة تكون متماسكة نقدر نكورها

من بعد نشكلها كويرات او صبيعات ثم نقليهم في شوية زيت على نارقليلة حتى تطيب وتاخذ لون ذهبي لازم نراقبها لانها تتحمر بسرعة

https://

ناخذ كمية الدجاج لي طيبناه في المرقة ونفتتوه ونضيفلو كمية مليحة من الجبن المقطع

ناخذ مول ندهنه بالزبدة ونحط الكويرات لي قليناهم ونزيد قطع الدجاج والجبن ونسكب عليه كمية المرقة ونخفق البيض ونسكبه من فوق

https://

ندخل الغراتان حتى يتماسك وياخذ لون ذهبي

https://


نقطعها ونقدمها بالصحة والهناء

https://


لاحظوا طبقات الدجاج مع الجبن امممممم


https://


ان شاء الله تعجبكم الوصفة وتجربوها

في امان الله


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

يعطيك الصحه ام امانى تهبل تهبل هيا طلعيها بسرعه لكوزينتى ومتنسايش الحلو يا حلو رانى ابنتضاركم حنونتى مووووووووووووواح

__________________________________________________ __________

>>>> الرد الثاني :

اممممممممممم يعطيك الصحه كلش من يديك روووووووووعه
جزاك الله خير

__________________________________________________ __________

>>>> الرد الثالث :

اهلين بالغالية ساندي نورتي الموضوع
اكيييد نجيبلك الباروك ياغالية اصبري عليا شوية نكمل اشغالاتي ونجيك

__________________________________________________ __________

>>>> الرد الرابع :

يعطيك الصحة رووووووووووعة ربي يحفظك من كل مكروه انت وعائلتك

__________________________________________________ __________

>>>> الرد الخامس :

اممممممممممممممممم هايل نقلولزوجي ع يجيبو ونديرو الكل مايكلوش غير انا بصح هدي الطريقة راح ياكلوها امممممممممممممممم الله يعطيك الصحة