كيكة التفاح بطريقتي قاطو جزائري
عنوان الموضوع : كيكة التفاح بطريقتي قاطو جزائري
مقدم من طرف منتديات العندليب
مساء الورد عليكم
لبارح كنت حابة ناكل كيكة التفاح بصح الطريقة القديمة لي يحطو السكر في المول ويحرقوه اومبعد يديرو فوقو التفاح والكيكة ماتعجبنيش جي طعم السكر مر مالا رحت نخلط وحدي درت في طاوة نص كاس سكر ودوبتو بصح قعد اصفر ماتحرقش اومبعد نحيتو من النار وضفتلو مغرفة زبدة وحركتو مليح وزدتلو كاس حليب وكي دقتو لقيتو شوي مر ضفتلو زوج مغارف عسل والله جا كي الكابريس وخليتو يبرد امبعد خلطت مقادير الكيكة من راسي درت زوج بيضات و 4 معارف سكر وقرصة ملح خلطتهم وزدتلهم 4 مغارف زيت و فنجال ماء خلطتهم وقعدت نزيد فالفرينة ومعاها نص شكارة خميرة تاع القاطو حتى جات غليطة كيما المسكوتة العادية بعدها دهنت السينية تاعي لي قطرها 25 سم بالزبدة وحطيت فوقها التفاح مقطع شرائح اومبعد درت فوقها خليط الكيك ولحتها فالكوشة طيب وكي خرجت قلبتها و صبيت فوقها الكراميل
هادي الفوطو كي قلبتها
وهادي كي درت فوقها الكراميل
وهادي كي قسمتها
وطعمها هايل خير من الكيكة القديمة ادا جربتوها رجعولي لخبر
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
شكرا على الوصفة
__________________________________________________ __________
>>>> الرد الثاني :
يسعدني ان اكون اول من يرد على كيكتك الهايلة يعطيك الصحة بصح لوكان جات منفوخة كا منظرها اجمل باش تبان شابة اكثر ما تزعفيش مني بصح انا افضلها منفوخة اكثر حنونة يعطيك الصحة شابة فوووووووووووور...................
__________________________________________________ __________
>>>> الرد الثالث :
هاهي فيك ياbassamat نحسب روحي انا الاولى لي رديت سبقتيني يا الحنونة
__________________________________________________ __________
>>>> الرد الرابع :
يسعدني ان اكون اول من يرد على كيكتك الهايلة يعطيك الصحة بصح لوكان جات منفوخة كا منظرها اجمل باش تبان شابة اكثر ما تزعفيش مني بصح انا افضلها منفوخة اكثر حنونة يعطيك الصحة شابة فوووووووووووور...................
تعيشي اختي على الرد بصح ضرك نقولك علاه ماضاعفتش المقادير
باش كي نعود ناكل فيها جيني مشمخة كون درتها كبيرة وعالية كون كي نعود ناكل فيها جي ناشفة وانا مانحبش هاداك الطعم
علاكل حال كل واحد ودوقو
__________________________________________________ __________
>>>> الرد الخامس :
شكرا على الوصفة
بلا مزية اختي
شكرا على المرور
رد مع اقتباس
