عنوان الموضوع : كعكة شوكولا بسيطة وسهللة من مطبخي
مقدم من طرف منتديات العندليب





















https://www.palsharing.com/i/00028/kj61vrm0c531.bmp







السلام عليكم ورحمة الله وبركاته
اليوم عملت كعكة بالشوكولا خفيفة وسهلة للوالد باش يشرب قهوة هههههه
المهم هادى سهلة يزاف متتطلبش اكثر من ساعة الا ربع او اقل بكثيير
التزين ممكن تزينوها اكثر كل واحدة على حساب افكارها
المهم
نبدو بالمقادير
اربع بيضات
كاس غير مملوء سكر
حوالى نصف كاس زيت
كوب ونصف فرينة
خميرة كميائية
شوكولا للتزيين انا اخترت بريما
اولا تبداى تحطي الاربع بيضات تضربيهم مع قرصة ملح فى الباتور
ضربى مليح حتى يولى اللون مائل للابيض ويتضاعف الحجم ويولى القوام ثقيل شوى
ممبعد تضيف السكر ثم الزيت مع الاستمرار فى الخفق
تقدرى تضيفى عطر مثلا عطر فنيلا او مبشور الليمون انا الصراحة مكانش عندى عطر فى البيت درت مبشور البرتقال هههههه
المهم ممبعد تخلطى الفرينة مع الخميرة وتضيفيها شوى شوى وهنا تبدى تخلطى بspatule باش مينزلش حجم العجين والكمية عينك ميزانك
ثم تجيبى مول اهم شئ تدهنيه باش ميلسقش ثم تحطى الخليط وتدخليه الفرن وردى بالك متفتحيش الفرن حتى يطيب والا ينخفض حجم الكعكة
انا فى الحقيقة جا خويا فتح الفرن هههههههه علابالكم التقرعيج
فى نفس الوقت كى تكون الكعكة فى الفرن حضرى الكريمة
انا بما ان كان عندى علبة شوكولا واحدة
قسمتها قسمين
قسم ذوبتو فى النار مع حليب وزبدة ثم اضفت النشاءاصبحت مثل الكريمة
والقسم الثانى دوبتو وحدو مع ملعقتين حليب فى حمام مائى
وصنعت كريمة الزبدة بالسكر شوى برك
بعد ما خرجت الكعكة وحطيتها فى الصحن
خليتها تبرد شوى
ممبعد غطيتها بالكريمة الاولى اللى حضرتها
وجبت ورقة بيضاء حطيت فيها كريمة الزبدة وزيينتها فى الحواف
ودرتلها شوى كاوكاو مرحى فى الوجه
ودخلتها الثلاجة تحكم روحها شوى
وممبعد جبت هاديك الشوكولا الذائبة وجبت الكعكة من الثلاجة وحطيت شوكولا بشكل عشوائى
فى الحقيقة انا نحب الشوكولا
يتسمى حاجة باينة كليت شوى اثناء التزيين هههههه
المهم نتمنى تعجبكم ونتمنى تجربوها
ونشا الله تخرج الصور
وفقكم الله



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

تسلم إيديك عزيزتي و بارك الله فيك

__________________________________________________ __________

>>>> الرد الثاني :

يعطيك الصحة تسلم إيديك

__________________________________________________ __________

>>>> الرد الثالث :

شكرا على المرور

__________________________________________________ __________

>>>> الرد الرابع :

واااااااو الله يبارك بصحتك

__________________________________________________ __________

>>>> الرد الخامس :

يعطيك الصحة تشهي