عنوان الموضوع : الطمينة في انحاء البلاد
مقدم من طرف منتديات العندليب

السلام عليكم

قربت الزيادة ديال أختي ومانكذبش عليكم ما نعرفش ندير الطمينة قلت تساعدوني

حابة نعرف كيفاش نطيبها

كاين نتاع الحمص و السميد و مرة ذقت عند وحدة بالخبز يابس مرحي

ارجو اخواتي تساعدوني اي بأي وصفة نتاع الطمينة

باقيلها قل من شهر دعولها تقوم بالسلامة

شكرا مسبقا


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

ربي يقومها بالسلامة
عندنا في الشرق نديروها بدقيق القمح
نحمصو القمح و نرحوه
ديري عسل و زبدة يسيحو ع النار و تضيفي دقيق القمحو خلطي على النار كي تتجانس نحيها و حطيها في صحن و زينيها بالعسل من فوق و المكسرات و حلوة الترك

__________________________________________________ __________

>>>> الرد الثاني :

ربي يحفظك ام كوثر نجم ندير الحمص في بلاصت القمح ؟؟؟

__________________________________________________ __________

>>>> الرد الثالث :

حنا في الغرب نقولو تقنتا ولا طمينة
تgلي السميد المتوسط في مقلات
من جهة نحضري خليط بالعسل والزبدة وتسقي السميد وتزيني بالقرفة والمكسرات ودراجي
بالاطبع كل عائلة او منطقة تختلف طريقتها ولديها لمستها الخاصة

__________________________________________________ __________

>>>> الرد الرابع :

الله يسلمك اختي هنا كاين اللي يخلط حمص و قمح و تجي بنينة تهبل

__________________________________________________ __________

>>>> الرد الخامس :

حتى انا من سيدي بلعباس و شكرا على طريقة السميد مشكورة