تارت الشوكولا بالجوز روعة
عنوان الموضوع : تارت الشوكولا بالجوز روعة
مقدم من طرف منتديات العندليب
سلام اخواتي ان شاء الله تكونوا كامل بخير هذي التارت روعة جربوها مش راح تندموا تدي شوية حوايج بصح تستاهل
المقادير: 8حبات بيض 250غ سكر عادي 300غ شيكولا= 3علب شيكولا نتاع البقرة ، 300 غ زبدة، 360غ فرينة، كيس خمارة كيميائية
التغطية: 200غ كرام شانتيي كاس ماء بارد جدا 2 ملاعق سكر رطب ، ملعقة كاكاو
القلاصاج: 150غ شيكولا، 1/3 كوب كرام فراش او عوضيه ب 50غ زبدة، 100غ سكر رطب، 3 ملاعق ماء بارد
السيرو: فنجان سكر فنجان ماء فوق النار كي تنحيهم زيديلهم شوية عصير ليمون او برتقال
طريقة التحضير: ذوبي الشيكولا مع الزبدة
خلطيها مع الصفار والسكر طلعي البياض مع قرصة ملح كي الثلج وخلطيه مع الصفار غير بالشوية زيدي عليهم الفرينة لي كنت غربلتيها مع الخمارة
غلفي مول بورق الطبخ
واذا ما عندكش ادهنيه بالزيت والفرينة وديريها تطيب
ملاحظة: اذا كان المول نتاعك صغير تقدري تطيبي القاطو نتاعك على زوج دفعات او ثلاثة على حساب حجم المول
طلعي الكرام شانتيي بالماء والسكر مليح زيديلها ملعقة كاكاو حطيها بجهة
ذوبي 150غ شيكولا مع الزبدة او الكرام فراش ثم اضيفي السكر الرطب حركي مليح نحيها من النار وزيديلها 3 ملاعق ماء بارد
كي تطيب التارت نتاعك خليها تبرد اقسميها على ثلاثة
و ديريلها السيرو بفرشاة هي احسن طريقة
ديري الكرام شانتيي بين الطبقات
وغطيها من الفوق ايضا
وديريها في الثلاجة تحكم روحها اجبديها وسقيها يالقلاصاج نتاع الشيكولا وزينيها بالجوز لي تكوني درتيه في الكراميل
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
هاااااااااااااااااااااايل
بارك الله فيك تسلم ايديك
__________________________________________________ __________
>>>> الرد الثاني :
jazaki allhe kole khayre wa rabi yahafdk
wa mercie pour la resete
__________________________________________________ __________
>>>> الرد الثالث :
خموووووووووس عليك و ربي يحفظك مالعين
يسلمو إديك يا الغالية و الله تهبل تقول مشرية و الخدمة متقووووووونة رووووووووووعة بصحتكم
رانا ملاح يا الحنونة و مسلمين عليك بزااااااااااااف و سلميلي على نسيبي بزاااااااااااااااااف
__________________________________________________ __________
>>>> الرد الرابع :
__________________________________________________ __________
>>>> الرد الخامس :
المشاركة الأصلية كتبت بواسطة mimicha1977 
هاااااااااااااااااااااايل
بارك الله فيك تسلم ايديك
الله يسلمك حنونتي ميميشة عندك مدة ما بتيش الحمد لله على سلامتك يا نوارة المنتدى
رد مع اقتباس
