عنوان الموضوع : مساعدة في قاطو نستلي قاطو جديد
مقدم من طرف منتديات العندليب

مساعدة عاااااجلة نهار الجمعة خطبتي و مالقيتش قاتو نستلي يعني العجينة الي تصلح و متكونش هشوشة مليح


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

حلوة النيسلي

المقادير

المقادير العجينة :

500 غ ملغارين
4 صفار + 2 بيضة كاملة
لافاني شوية ملح باش العجينة تجيك بنينة
كاس سكر رطب
كاسين مايزينة
فرينة

الحشو :

كمشة لوز مرحية تماما
عطر الفانيلا
علبة نيسلي
كابريز
شكولا نتيلا
و شكولا نتاع البطات نوار

الملاحظة:
مول نتاع القنيدلات او حسب ذوقك
تحضري العجينة

المارغرين او الزبدة +نضيف السكر +والفانيلا ونخلط مليح
نزيد البيض الاصفر و نخلط تاني مليح
ثم نكونو طلعنا البياض البيض شوية متل التلج
نضيفوه بشوية ونخلط بالعقل
و من بعد نضيف المايزينا و نشيحها بالفرينة حتى نتحصل على
عجينة ماهي يابسة ماهي طرية بزاف


نجي لمول نتاع القنيدلات نكونو مررن عليهم الفرينة

و نحل العجينة على حساب المول و نعمر بيهم العجينة لنكونو شوية حلينها

و نطيبهم في فرن لالكتساب اللون الذهبي او الوردي


بعدما يطيبوا
نعمرهم بالحشو الي هو:

نطيبوا النيسلي في الكوكوت مينيت مدة ساعة ناخذ الكابريس راهو ينباع بالميزان
نحليوه شوية في بان ماري او حمام مريم منبعد ما يبرد النيسلي
ناخذ الكابريز واللوز مرحي والنيسلي و شكولا نيتلا قيس 2 مغارف اكل
نخلطهم مع بعض و نعمر بيهم الباركات نخليهم يبردوا شوية

ثم ناخذ الشكولا الاخرى منبعد ما كنا حلينها في بان ماري و ننزعها من فوق النار و نضيف تاني نتلا

ثم نطلي بها القاطو من فوق و نذرذر الوز افيلي

و شهية اطيب

__________________________________________________ __________

>>>> الرد الثاني :

منعرفوش ولكن حبيت نقولك الله يتمم على خير

__________________________________________________ __________

>>>> الرد الثالث :

شكرا ربي يخليكم

__________________________________________________ __________

>>>> الرد الرابع :

انا عندى واحد يجى فى الباركات تاع حديد و يتعمر بالنيستلى و الشكولة الا حبيتى نحطلك المقادير يجى بنين و الف مبروك

__________________________________________________ __________

>>>> الرد الخامس :

شكرا أختي راني درت الي حتاتو ماما رجاء و جاني روعة بارك الله فيكم