عنوان الموضوع : les gâteaux simple بنين أدخلي تكوني راضية إنشاء الله قاطو جزائري
مقدم من طرف منتديات العندليب

السلام عليكم
أخواتي الكريمات هذه الصفحة للحلويات البسيطة و المجربة
قدمي وصفتك أنت أيضا
من فضلك لا نريد وصفات من الكتب أو من منتدى آخر نريد اللي جربتيها
واحدة من أجمل و أبسط قاطو من طريقتي
حلوة الكحلوشة
المقادير :
250 غ زبدة
كأس سكر
كأس شاي زيت
كأس نواد كوكو
حبة بيض
ثلاثة ملاعق كاكاو
كيس خميرة
فرينة
للتزيين :
كيلة نواد كوكو
كاكاو
عسل
طريقة التحضير :
حطي المارغرين في وعاء أضيفي السكر حركي الكل حتى يذوب السكر و يصبح الخليط على شكل كريمة أضيفي الزيت واصلي التحريك ثم أضيفي كأس النواد كوكو و ضفي البيضة و الكاكاو حركي جيدا إذا لاحظتي الخليط أسود لا تزيدي الكاكاو أما إذا شفتي لون بني فاتخ أضيفي الكاكاو حتى يصير أسود أضيفي الفرينة و الخميرة حتي تتحصلي على عجينة متماسكة
شكلي حربوش و قطعي مقروطات متوسطات الحجم (لا تنسي راح تزيد تكبر مع الخميرة لما تطيب )
ضعي الحلوة في صينية مدهونة و مرشوشة بالفرينة خليها تطهو
من جهة أخري نحظر خليط التزيين إذا قومي بوضع النواد كوكو في مقلات ناشفة حطيها فوق النار و حركي حتى تتقلا كليا و يختفي اللون الأبيض ( قليه مثل ما تقلي التشيشة) ثم نحيه من على النار و أضيفي له الكاكاو (غبرة /poudre) حتى يصير اللون أسود
سخني العسل و قومي بغطس المقروطات (تكون طابت و بردت ) ثم لفيها في النواد كوكو الأسود حطيها في ليكيسات و قدميها
ها هي الصورة الأخيرة في الرابط
Photos-0012.jpg
أي إستفسار أنا في الخدمة إنشاء الله تنال إعجابكم
أضيفي أنت أيضا حلوتك اللي جربتيها
أدعولي بالنجاح في الدراسة
Raouia


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

شكرااااااااااااااااااااااااااااا

__________________________________________________ __________

>>>> الرد الثاني :

شكرا لك وبارك الله فيك

__________________________________________________ __________

>>>> الرد الثالث :

myam yami chokran ana na3ref wasfa presque kima hak semouha katifa bessah mafihach zit we nelsgohom 2 par 2 be la créme

__________________________________________________ __________

>>>> الرد الرابع :

شكرا لكم أخواتي إنشاء الله تجربوها

__________________________________________________ __________

>>>> الرد الخامس :

السلام عليكم
كل هاذ المشاهدات و ما في رد وش وقيلا ما عجبكمش
أضيفي لمستك أختي بوصفتك هيا معا
Raouia