عنوان الموضوع : بقلاوة الباي من مطبخي
مقدم من طرف منتديات العندليب

2 بيض مع شوية ملح و خلطي بالخلاط اليدوي زائد اقل من نصف كاس سكر عادي و شوية فاني و نخلط زائد نصف كاس زيت و نشيح بالفرينة و مغرف تاع قهوة خميرة الحلوى تجي العجينة مثل عجينة السابلي

في بلاطو الفرن مدهون نضع العجينة و نطرحوها مليح ثم ندخلها الفرن على نار هادئة و عند خروجها نرحيها في رحاية الخضر حتى ترجع بودر
ثم 2 كيلات منها مع كيلة لوز مرحي و 200 غ سكر قلاص
و 125غ زبدة طرية و شوية فاني و تمزجى باليد جيدا و نلم بشوية ماء زهر
نقسمو العجينة على اثنين و نستعمل مع النصف الاول ملون بستاش مع نكهة البستاش و نعمل منه حربوش
النصف الثاني نتركه طبيعي و نضعه فوق الحربوش الاول و ندور شوية حتى يلسقو ثم نطبعهم بطابع تاع المقرود و نقسم الحبات بالسكين و نمرمد كل حبة في السكر العادي و كل حبة نزينها بباغل على جنبها ثم نضعهم في كيسات
نتمنى تعجبكم
بصحتكم



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

تبارك الله افكار رائعة شكرا لك اختي +++ تقيييم

__________________________________________________ __________

>>>> الرد الثاني :

المشاركة الأصلية كتبت بواسطة الدنيا
تبارك الله افكار رائعة شكرا لك اختي +++ تقيييم

العفو اختي الغالية نورت الموضوع

تحياتي

__________________________________________________ __________

>>>> الرد الثالث :

يعطيك الصحة
اول مرة نشوف هذا النوع تاع البقلاوة

__________________________________________________ __________

>>>> الرد الرابع :

المشاركة الأصلية كتبت بواسطة remadna
يعطيك الصحة
اول مرة نشوف هذا النوع تاع البقلاوة

يعيشك اختي الغالية هي مش بقلاوة بمعنى الكلمة مجرد اسم فقط لكن سهلة التحضير و طيبة المذاق

__________________________________________________ __________

>>>> الرد الخامس :

اممممم بارك الله فيك تبان هايلة