عنوان الموضوع : ساعدوني يا حرات الجزائر قاطو جزائري
مقدم من طرف منتديات العندليب

السلام عليكم اخواتي في الله لي الكثير من الفخر ان تتقبلوني اخت بينكم باذن الله وارجو مساعدتي من فضلكم جاييني خطابة وحايرة واش نديرلهم كي يجوني ارجوكم ساعدوني


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

اولا تحية كبيرة لناس المسيلة وثانيا الف الف الف مبروووووووووووووك عمري شوفي ماتكثريش بزاف انا نقترح عليك وانت دبري راسك ديري تشاراك، مشوك ، بقلاوة وقاطو ساك *الصابلي*
ديري 3 او 4 انواع ماتكثريش سيختو اذا كانوا رايحين يفطروا عندكم غادي يكونو شبعانين، واذا مايفطروش عندكم هدو يكفو مادام راها خطوبة كي تجي الفاتحة ان شاء الله نقصفوهم بالأسلحة الثقيلة ونعاونو اختنا، وربي يتمملك بخير شوفي انتهلي في روحك واستيكي روحك غايا الضياف كي تستقبليهم غايا وتدخلي عليهم بالابتسامة ينساو قاع

ودوك يجو بقية العضوات يمدولك رايهم وشوفي انت اللي تخرج عليكم وربي يهنييييييييييييييييييييك

__________________________________________________ __________

>>>> الرد الثاني :

ربي يحفظك ختي جسر الامل وشكرا على التحية والاقتراح وان شاء الله رايحة ندير برايك والعقوبة ليكم كامل

__________________________________________________ __________

>>>> الرد الثالث :

D'abord mabrouk alik nchallah rabi ykaml bel khir ...................................ama halwat lkhotba kol wahad wach yaamal nti diri wach yakhraj ala yadak mlih kima kaat el okht tcharak.............. baklawa ............wala 3rayache...............makrout wala les ²s&abeé ...............hajat khfaf

__________________________________________________ __________

>>>> الرد الرابع :

أهلا بناس مسيلة " أنا الولاية هادي كي زوتها ناسها كانو معايا أكثر من طيببن و عاونوني بزاااااااااف لذلك نحبكم"

نعطيك اقتراحات ان شاء الله يعجبوك

الدزيريات جرباها خاصة تاع الورقة الخضراء https://www.djelfa.info/vb/showthread.php?t=957793

هادو تاع الشوكولا تعلمتهم من هنا و كلهم ملاح https://www.djelfa.info/vb/showthread.php?t=963427

بقلاوة الباي https://www.djelfa.info/vb/showthread.php?t=910675

في الرابط هذا تلقاي المشكلة و التشاراك العريان و حلوى الملفوف و صبيعات العروسة رووووووووعة عملتهم الاخت ميار في خطبتها

https://www.djelfa.info/vb/showthread.php?t=860212

يعني حاولي تعملي نوع بالمكسرات و نوع بالشوكولا و نوع ساك مثل الغريبة او سابلي مع المقرود يكفي

ان شاء الله زواجة الهنا و ربي يكمل

__________________________________________________ __________

>>>> الرد الخامس :

مبروك أختي في رأيي حطي في الأول لي ترتلات بالفواكه المنوعة مع عصير ثم ٣انواع قاطو واحد معسل ونوع اخر شكولة وصابلي مع القهوة وللحليب بالبركة