عنوان الموضوع : اسمعوا شا صرا اليوم في مديرية التربية -غليزان-.... للأساتذة
مقدم من طرف منتديات العندليب

السلام عليكم
اخواني اخواتي قولولي الا هادا الشي كاين منه ولا لا؟؟ اليوم رحنا للمديرية باش نقدمو الطعون لي هي من حقنا..قالونا ماكانش منها قاع انك تدير طعن رغم ان الظلم بعينه واضح..ايعقل ان متخرج سنة2017 و2017 ينجح ولي متخرج 2017 ميربحش حتى في الاحتياطي ...ومانهدروش على صحاب الماستر تع 2016 متخرج في جويلية ةزايد في 1991 وغادي يدرس تلاميذ زايدين في 1990... يعني تلميذ يدرس تلميذ....اين الخبرة هنا ؟؟؟؟ هاد الدولة مرهاش تخمم في مستقبل ولادنا وشكون غادي يدرسوهم؟؟؟ زعما شا تفرق هداك لي جاته فرصة وزاد عام في الجامعة..احنا رانا زدنا 9 سنين محاين وهموم..شخنا وشربنا هم الدنيا قبل الوقت... والتالية قاع كي يقولك معندكش حق في الطعن ومعنذكش حق في الاطلاع على النتائج.. يرحم والديكم تفاعلو مع الموضوع خاصة خاوتنا تع الولايات الاخرى.هدا الشي تاني راه عندكم؟؟ولا غليزان عندها قانون وحده؟؟؟

************* الله يجيب الخير********


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

ana hdart ma secretaire genral taa l'academie de tlemcen wkal macanch taan kayan tadaloum ana kount katba taan wa une demande pour mes notes de concour

=========


>>>> الرد الثاني :

احنا في ولاية الوادي كي اتصلنا بمديرية التربية بخصوص الحصول على الاستدعاءايت اخبرونا انه علينا التريث قليلا الى حين ان نكمل مرحلة دفع الطعون

يعني كاين الطعون عندنا

=========


>>>> الرد الثالث :

ربى معاكم

مى هذا ضلم بعينه منا يقولك دارو المسابقة من اجل اهل الخبرة والاولوية للخبرة ومن بعد ولاو يوضفو فى اطفال ال ل م د


انا صديقتى ومانيش نحسد فيها درست 3 سنوات و بدون ماستر نجحت فى مسابقة طور ثانوى


حنا صاي واحد ماهو معترف بالكلاسيك دوك وقت ل م د

=========


>>>> الرد الرابع :

يا خاوتي صبر جميل رانا كامل من ضحايا النظام الكلاسيكي --مهندس دولة-- والظلم هذا راهو قاسنا بزاف مما يدل على انه ما بقاتش معيشة في البلاد هذي -هذي راهي بلاد الحقرة- ان شاء الله ربي يفتح علينا من جهة اخرى و ربي يسهل للجميع

=========


>>>> الرد الخامس :

المشاركة الأصلية كتبت بواسطة souad43
السلام عليكم
اخواني اخواتي قولولي الا هادا الشي كاين منه ولا لا؟؟ اليوم رحنا للمديرية باش نقدمو الطعون لي هي من حقنا..قالونا ماكانش منها قاع انك تدير طعن رغم ان الظلم بعينه واضح..ايعقل ان متخرج سنة2008 و2009 ينجح ولي متخرج 2003 ميربحش حتى في الاحتياطي ...ومانهدروش على صحاب الماستر تع 2012 متخرج في جويلية ةزايد في 1991 وغادي يدرس تلاميذ زايدين في 1990... يعني تلميذ يدرس تلميذ....اين الخبرة هنا ؟؟؟؟ هاد الدولة مرهاش تخمم في مستقبل ولادنا وشكون غادي يدرسوهم؟؟؟ زعما شا تفرق هداك لي جاته فرصة وزاد عام في الجامعة..احنا رانا زدنا 9 سنين محاين وهموم..شخنا وشربنا هم الدنيا قبل الوقت... والتالية قاع كي يقولك معندكش حق في الطعن ومعنذكش حق في الاطلاع على النتائج.. يرحم والديكم تفاعلو مع الموضوع خاصة خاوتنا تع الولايات الاخرى.هدا الشي تاني راه عندكم؟؟ولا غليزان عندها قانون وحده؟؟؟

************* الله يجيب الخير********

عندك الف حق خويا لقد اصبحنا من ضحايا النظام الكلاسيكي

=========


عجب والله عجب

تصيبوها غير في الجزائر

 بلاد ميكي حاجة متصلح


عجب والله عجب

اليك الحل:
https://www.echoroukonline.com/ara/articles/139687.html

انا درست نظام ال ام دي ومعقبتش الماستر بصح والله انا نفضل لو بقى نظام كلاسيك احسن تحس روحك راك قريت صح ومتلوموش مواليد1990

احنا ضحايا الاصلاحات الجديدة من وقت المتوسط لجامعة وللخدمة تاني يعني الحق ع الدولة مش ع اولاد بلدكم