الـســبــيــكـة الذهـبـبة
( مسرحية في عشرين دقيقة)
المــــكــان: أحد طرقات مدرسة ثانوية
الزمــــــان: يوم مدرسي – وقت الفسحة
الشخـوص: ( طالبات بالمدرسة) 1- أمينة 2- زيزي 3- سلمى 4- غرام
♥♠♥♠♥♠♥♠♥♠♥♠♥♠♥♠♥♠♥♠♥♠♥♠♥♠♥♠♥♠♥♠♥♠♥♠♥♠♥♠♥♠♥♠♥ ♠♥♠♥♠ ♥
بعض البنات في حالة مزاجية طفولية, يتحركن في حلقة ايقاعية متناغمة, يغنين عفويا, عند دخولهن المسرح ( خمس دقائق غناء معهود لطالبات المدارس )
أمينة : ( تدخل المسرح مندفعة في حالة ذهول وحركة دورانية تحت تأثير شيء غير عادي, تدور بينهن… ثم تصرخ فجأة)
- دهــــب … دهــب .. دهـب ……
( يتحرك الجميع مرة أخرى رافعين أصواتهن بالغناء)
- دهب … ياقوت … ألماز ..أحمدك يارب ……….. البنت اتجننت….
- اتجننت اتجننت اتجننت اتجننت
زيزي: - مخبية ايه بامجنونة
أمينة : - لقيت دهب
زيزي: - بتقولي ايه دهب دهب يعني ذّهب؟
أمينة: - سبيكة … سبيكة دهب
زيزي: - طول عمري بقول عليكي ثروة قومية ..
كل يوم سندوتشات وحلويات
والنهاردة دهب؟
الجميع: - حلويات .. سندوتشات .. هم هم هات
بس دهب؟ .. يبقى عدينا ياجمالات
زيزي: - نبعوه .. نبعوه .. نفكر ازاي نبعوه؟
====================================
غرام : - نسألو ريا وسكينة؟
زيزي: - وانا رحت فين يامجنونة؟
أمينة: ( تتراجع) :……. – نبعوه …… نبعوها …… لأ لأ لأ
الجميع: (غناء) لا لا تكذبي .. اني رأيتكما معا ( تكرار مع الاشارة الى يديها)
لا لا تتجملي .. هنبيعوها معا
سلمى: - وصلت بينا للدرجادي .. اللي يلتقا حاجة يـــشفطها .. لا ياأمينة
غرام: - قلبوها دراما؟
زيزي:- اصبري هي ميلودراما .. شوية حزن .. وشوية….
وفي الآخر أربع مبايلات
غرام: بس بكاميرا
زيزي: وخمسة فسحة عجب
غرام= على البحر
زيزي= وستة روشنة
غرام= في الاكشنة
زيزي= وسبعة دنــدشة
غرام= دندشا آآ
زيزي= …… وتمانية تاك أواي
غرام= جو اواي
الجميع: - آه .. الأوله آه .. والثانية آه والثالثة آه والرابعة والخامسة
أمينة: ( تخرج من الحلقة) – قلت لأ قلت…
سلمى: - طبعا لأ
أمينة: - لأ
سلمى: - على المديرة
أمينة: - الأخصائية
سلمى: - مديرة المدرسة
غرام وزيزي: - ( غناء) مدرستي بامدرستي ………..
============================================
الجميع: ( لحظة صمت مفاجيء) ( غرام وزيزي في ناحية – أمينة وسلمى في ناحية)
( حركات تبين نوايا كل فريق)
= احنا زملا على الحلوة والمرة
(غناء) على الحلوة والمرة مش كنا متعاهدين………………….
===========================================
أمينة: الا دي
زيزي: السبيكة؟
سلمى: الامانة
غرام: - ياماما .. افهمي .. بنقولك ميلودراما .. ننسى اللي بتقولو عليه ده شوية .. ونعيش شوية
زيزي: شفتو العروض النهاردة اسعار الموبايل نزلت خمسين المية
أمينة: (متكئة على سلمى) نزلت عليكي صاعقة لو عرفتك بعد كدة
سلمى:- اعصار .. قولي تسونامي .. انفلوانزا الطيور .. ….
زيزي وغرام: (تراجع وانهزام) – كـــو .. كــي .. كــا
سلمى:- انشالله تريشو وتجيلكو
غرام: - انفلوانزا؟
سلمى: بتاع الطيور
امينة:- كفاية كفاية..
زيزي:- (تترنح وتعترضها) – مش قبل مانتفاهم..
سلمى:- مفيش تفاهم
غرام:- صدقوني ممكن نتفاهم
سلمى:- مش من حقنا..ده حق ربنا .. ثم حق الناس.. نرضي ربنا.. يحبنا الناس.. ونبقى أغناهم…
أمينة:- فين مكتب الأخصائية الاجتماعية؟
سلمى:- وحق الناس مهما كان صغير أو كبير .. أمانة.. أنا عرفت دلوقت ان
الناس معادن.. فيه دهب وفيه نحاس.. وفيه معادن رخيصة.. وفيه حتى ماتسواش..وفيه سبايك دهب.. وفيه أحجار كريمة..وفيه بلاتين……
وفيه أمينة
أمينة= وفيه سلمى( ســـتار )
مسرحيات تربوية قصبرة :
قصة وسيناريو وحوار واخراج:
السعيد الفقي
:
طَلَبْ مَسْرَحِيَةْ عَــآجلْ
رد: مسرحية تربوية مدرسية عن الامانة ( سوار الذهب ) تأليف واخراج السعيد الفقي
رد مع اقتباس
