هل من فاعل خير ثانية ثانوي
عنوان الموضوع : هل من فاعل خير ثانية ثانوي
مقدم من طرف منتديات العندليب
كيف حالكم أنا اليوم عرفت بلي حطوني شعبة علوم تجريبية و جيت ليكم نسقسيكم ادا أحسنت الإختيار و ممكن تمدولي معلومات على هذه الشعبة و ما هي الدروس اللي ندرسها في كل
من الفرنسية و الانجليزية و الرياضيات و الفيزياء و خاصة العلوم و ممكن تمدلي نظرة شاملة على
شعبة العلوم التجريبية ربي يخليكم واش لي صعيب فيها كيما هكا تعيشوا..
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
السلام عليكم اختـــي...
في الواقع أنا مثلك في السنة أولى...
و لا أعرف شيئ عن السنة الثانية
لذا فأنا أعتذر...
=========
>>>> الرد الثاني :
إن شاء الله تجدين من يجيبك...
=========
>>>> الرد الثالث :
السلام عليكم أختي نور العلى تقدري تشوفي الموضوع المثبت يلي داروهالنا تاع الباك 2013 تلقي فيه الدروس
و كما قال الأخ كمال و أبقى من سنة أولى مثلك
=========
>>>> الرد الرابع :
اهلالالالا حنونة
بالطبع فاذا كنت من هواة العلوم فقد احسنت الاختيار لانها راح تجيك سااهلة + العلوم ماشي حاجة صعيبه حفظ وشويااا فهم فقط
سقسيت استاذ العلوم تاعي العام هذا قلتلو ماهي المواضيع لي نقراوها في الباك قاللي البروتين وتركيبه والجيولوجيا وهذوك تاع الرسالة العصبية على مااظن غير هذوو
وعلى مااظن هذا برنامج جد سهل يبقى علينا فقط نقراو مليح
ايه وبالنسبة للعلوم في السنة الثانية شفت كتاب العالوم قبل ماندو لي فاكونس والبرنامج عبارة عن امتدااد لبرنامج السنة الاولى الفصل الاول نبداو بالتحكم الهرموني وممبعد دخلو في التحكم العصبي الخ لكن نقراو غير على جسم الانسان مافيهاش هذوك النباتات لي مخي خرج معاهم ههه
اما بالنسبة لي باقي الموااد فلاادري
وان شاء الله نبحث عليهم ونرد عليك
بالتوفيق ان شاء الله
=)))
=========
>>>> الرد الخامس :
سلآلآلآلآم
أنــآ جبت كتب 2ث من الليسي والعشية بإذن الله نكتبلك برنامج العلوم والفرنسية والانجليزية أما المات والفيزيك مازال ماجابوهمش...وبالتوفيق
العلوم سآآآآآآهلة ..فيها التحكم العصبي والهرموني في الجزء الأول وفيها الـadnفي الجزء الثاني >وأنا هذا اللي عجبني في البرنامج géné
والجزء الثالث على الجيولوجيآ فيه المستحاثات والصخور الرسوبية .العية بإذن الله.
=========
أختي انا أيضا مثلك العام المقبل إن شاء الله سوف اكون في شعبة علوم تجريبية وعلى حسب ما سمعت راهي ساهلة طبعا للي يقرا مليح وتفائلي تجيك ساهلة كيما أنا
وحضريلها من الآن على الأقل مادة العلوم و توكلي على ربي و إن شاء الله يجيك كل شيء ساهل
السلام عليكم اختي موفقة باذن الله انا ايضا ندرس علوم تجريبية والعام الجاي باك ان شاء الله هذه الشعبة فيها الرياضيات تحتاج تمارين ومتابعة وفهم جيد اما غير هذا كل شي ساهل ما تخمميش ومادة العلوم التجريبية يكذب عليك لي يقولك مادة تاع حفيظ لازمك تبعي مليح وتفهمي مع شوية مراجعة وتكوني متالقة فيها باذن الله
المشاركة الأصلية كتبت بواسطة نور العلى 
من الفرنسية و الانجليزية و الرياضيات و الفيزياء و خاصة العلوم و ممكن تمدلي نظرة شاملة على
شعبة العلوم التجريبية ربي يخليكم واش لي صعيب فيها كيما هكا تعيشوا.
أنا تاني علوم تجريبية و أنا لي خيرتها لانو بانسبة ليا هي المخيرة و هي لي تناسبني كثو و فالباك المجال عندي واسع
اذا انت كنت مليحة فالعلوم و مستواك فالرياضيات و الفيزياء تاني مليح تكوني أحسنت الإختيار لانو في هذه الشعبة لازم يكون مستواك فالمواد العلمية متقارب مش كيما فالشعب الاخرى تركزي على مادة كقر من مادة أخرى
بالنسبة ليا ماجاتنيش صعيبة بالعكس دروسها ملاح و في متناول اي تلميذ علمي أقراي و أفهمي دروسك ..ديري تمارين و خلاص
قالعلوم تقراو
-التحكم العصبي و راكم درتوه من قبل تزيدو تقراو عليه شوية بصح مش بالتفصيل حتى للباك
-التحكم الهرموني تاني درتووه
هو الجديد فالبرنامج ساهل و شيق و عجبني بزااف ADN -
و آخر محور هو الحيولوجيا..الصخور الرسوبية و المستحاثات
و أنا كنت نعتمد على الفهم مش على الحفظ خلاص لانك كيما تفهمي تصيغي الهدرة كيما تحبي المهم المعنى صحيح ما عدا فالمستحاثات نظن لازم تحفظي لانها دروس مملة و مش للفهم على عكس الصخور الرسوبية انا فهمتها لانها سهلة و مش مملة
الفيزياء
الطاقة الحركية..الطــاقة الكامنة.. الطاقة الداخلية.المغنـاطيس صراحة انا ماعندي حاجة فالفيزياء الكيمياء خير بصح احسن درس عندي فيها هو الطاقة الداخلية
الكيميــاء
الغاز المثــالي..الناقلية..الاحماض و الاسس ..الاكسدة و الارجاع ...الكيمياء العضوية و كامل ساهلين و حلوين ما عدا الكيمياء العضوية ما درناهاش
الرياضيات
الدوال لي قريتوهم..الاشتقاق..النهايات و هادو بعد يدخلو مع الدوال تاني ساهلين أفهمي القواعد و طبقي.......المتتاليات..و فالهندسة ..المرجح..و الجداء السلمي و الهندسة الفضائية ..حنا درنا قير المرجح و لخيرن ما وصلناش
الفرنسية و الانجليزية كيما فالسنة اولى تخدمو غير بالكتاب فالانجليوية برك ديرو
passive form ,direct and indirect speech ,conditional if ,..
نتمنى اني عطيتك نظرة على البرنامج..و البتوفيق...و ادعيلي معاك العم الجاي الباك تاعي
وو الله كفيتي و وفيتيييي يعطييييييييك الصحة و انا ايضا استفدت من هده النصائح و المعلومات
جزاكي الله خيرا
و انا ايضا علوم
سلآلآلآم....
رآهي عطاتلكم فاتن واش تحبي ربي يحفظها ويوفقها في البــآك بإذن الله .ماعندي مانزيد.
انا ثاني العام الجاي علوم تجربية ان شاء الله
وعلى حسب البرنامج انا جبت كتب من وحدة صحابتي وهو كما قالتلك الاخت فاتن و بالتوفيق
المشاركة الأصلية كتبت بواسطة lili*
اهلالالالا حنونة
بالطبع فاذا كنت من هواة العلوم فقد احسنت الاختيار لانها راح تجيك سااهلة + العلوم ماشي حاجة صعيبه حفظ وشويااا فهم فقط
سقسيت استاذ العلوم تاعي العام هذا قلتلو ماهي المواضيع لي نقراوها في الباك قاللي البروتين وتركيبه والجيولوجيا وهذوك تاع الرسالة العصبية على مااظن غير هذوو
وعلى مااظن هذا برنامج جد سهل يبقى علينا فقط نقراو مليح
ايه وبالنسبة للعلوم في السنة الثانية شفت كتاب العالوم قبل ماندو لي فاكونس والبرنامج عبارة عن امتدااد لبرنامج السنة الاولى الفصل الاول نبداو بالتحكم الهرموني وممبعد دخلو في التحكم العصبي الخ لكن نقراو غير على جسم الانسان مافيهاش هذوك النباتات لي مخي خرج معاهم ههه
اما بالنسبة لي باقي الموااد فلاادري
وان شاء الله نبحث عليهم ونرد عليك
بالتوفيق ان شاء الله
=)))
شكرا لك أختي ربي يوفقك .
المشاركة الأصلية كتبت بواسطة big smail
سلآلآلآلآم
أنــآ جبت كتب 2ث من الليسي والعشية بإذن الله نكتبلك برنامج العلوم والفرنسية والانجليزية أما المات والفيزيك مازال ماجابوهمش...وبالتوفيق
العلوم سآآآآآآهلة ..فيها التحكم العصبي والهرموني في الجزء الأول وفيها الـadnفي الجزء الثاني >وأنا هذا اللي عجبني في البرنامج géné
والجزء الثالث على الجيولوجيآ فيه المستحاثات والصخور الرسوبية .العية بإذن الله.
شكرااااااااااااااا بالتوفيق رني ننتظر.
المشاركة الأصلية كتبت بواسطة romaissa95
أختي انا أيضا مثلك العام المقبل إن شاء الله سوف اكون في شعبة علوم تجريبية وعلى حسب ما سمعت راهي ساهلة طبعا للي يقرا مليح وتفائلي تجيك ساهلة كيما أنا
وحضريلها من الآن على الأقل مادة العلوم و توكلي على ربي و إن شاء الله يجيك كل شيء ساهل
شكرااااااااااا لك ان شاء الله سوف أبدأ التحضير و ربي يوفقنا.
رد مع اقتباس
