عنوان الموضوع : استفسار من سكان مدينة قســـنطــــــينــة ثانية ثانوي
مقدم من طرف منتديات العندليب

السلام عليكم خاوتي حبيت نسقسيكم

حاب نكون روحي في الفرنسية
راني شوية ضعيف فيها و العام هدا الباك

قالولي معهد new school مليح درت فيه صح عجبني بصح ماتفاهمتش معا المدير هاداك حبست

و معهد ابن رشد فالبلاد درت فيه ماعجبنيش

حبيت نسقسيكم كاشما تعرفو معهد مليح ؟ و شكرا


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

أهلا أنا والله معلابالي بصح ههه فيدني نتا
وين جاي هادا معهد new school لعجبك
وكيفاه يقري والوقت وبقداه
آسفة بح نعون وليت نطلب في المساعدة

=========


>>>> الرد الثاني :

Salém
Y on a pas Mieux Que CCF ( Centre Culturel Français ) F Lebléd aussi
bOn cOurage


=========


>>>> الرد الثالث :

و الله ما عرف خويا حتا أنا حابة نكون روحي في الفرنسية مي مالقيتش و هذا المعهد الأول لي هدرت عليه وين جاي؟؟؟ و وعلا قداه يقراو و يقراو درك في العطلة و لالا ربي يعيشك خويا جاوبني

=========


>>>> الرد الرابع :

النيو سكول منين المدافع في البلاد ادا معرفتوش البلاصة قولو درك نشرح مليح خخخخ

تسلكو ب 3أسابيع 250 الف و الأسبوع فيه حصتين كل حصة فيها 2ساعة و نصف

حاجة مانيش متأكد منها الا تسلكو 250 الف المرة الاولى فقط و تولي تسلكي 150 لكل 3 اسابيع ولا ديما
خطاك ال 250 هاديك داخل فيها حق الكتاب و حق التسجل
انا عجبتني تقدر تتكوني نتم بصح عندهم واحد الشيخة و واحد المدير ماشكيتش تحملوهم
==============
الأخت الكريمة sail ممكن اعطيني معلومات على المعهد هدا ووين بلاصة بعد فالبلاد و شكرا ^^

=========


>>>> الرد الخامس :

هههههه ماعليش جيت نسقسي عشيت نجاوب

=========


up
.....................


السلام عليكم
راهي كاينة في علي منجلي مقابل الجامعة اسمها* ماسينيسا سكول * وفيها تتعلمي جميع اللغات

المشاركة الأصلية كتبت بواسطة souma roua
السلام عليكم
راهي كاينة في علي منجلي مقابل الجامعة اسمها* ماسينيسا سكول * وفيها تتعلمي جميع اللغات

هههههه شكرا ب


صح هادي بعيدة علية

المشاركة الأصلية كتبت بواسطة aymen.dz
النيو سكول منين المدافع في البلاد ادا معرفتوش البلاصة قولو درك نشرح مليح خخخخ

تسلكو ب 3أسابيع 250 الف و الأسبوع فيه حصتين كل حصة فيها 2ساعة و نصف

حاجة مانيش متأكد منها الا تسلكو 250 الف المرة الاولى فقط و تولي تسلكي 150 لكل 3 اسابيع ولا ديما
خطاك ال 250 هاديك داخل فيها حق الكتاب و حق التسجل
انا عجبتني تقدر تتكوني نتم بصح عندهم واحد الشيخة و واحد المدير ماشكيتش تحملوهم
==============
الأخت الكريمة sail ممكن اعطيني معلومات على المعهد هدا ووين بلاصة بعد فالبلاد و شكرا ^^

مرحبااا
اني قلتلك جيت تسقسي وليت تجاوب نورمال ربحت فينا حسانة ههه
المهم بالنسبة لل CCF ( Centre Culturel Français ) منبعد نسقسيلك عليه وحدة صحبتي بصح للاسف متكونيكتيش بزااف قليل وين نلقاها
وشوف تاني في المنتدى قسم اللغة الفرنسية ام حاكيين عليه
+
وهادي نيو سكول تدي فيها شهادة كي تتخرج وقداه مدة الدراسة ووشبيها الشيخة نزيد نسلك ونبطل ههههههههه
هياا انرنا بالمعلومات
وآسفة على الازعاج

ههههههههه الشيخة الي حاطينها تاع الفرنسية موسوسة بزاف و تزيد الهدرة و صغيرة في السن علا هادي برك ,,,, و بالنسبة للشهادة من المفروض تديها كي تكملي كل نيــvـــو و مدة الدراسة مانعرف قداه

كاش اسئلة أخرى اتفضلي