عنوان الموضوع : هل عندكم هذا تمييز ايضا؟؟
مقدم من طرف منتديات العندليب

السلام عليكم ورحمة الله وبركاته
كيما راكم تعرفو كيما العادة كاين التمييز في توزيع الاساتذة الاقسام لولة كالعادة يمدولهم الاساتذة الملاح
والاقسام لخرة يمدولهم الاساتذة لي معندهمش خبرة وخرين حتى معندهمش مستوى
شخصيا انا لاحوني في اخر قسم هههههههه عطاوني الاساتذة الملاح في المواد لي معاملهم صغير
والمواد العلمية اساتذة ماهمش ملاح طووووول
نبانو ادبيين مناش علميين وكالعادة الاساتذة الملاح مدوهم للاقسام لولة
ومع يدخلو يبداو بالمحاضرات بدل مايطلعولك المورال يهبطوه هههههههه يعني عمي المليح وزادولو الهوى وريح


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

نعم ايضا يحطو التلاميذذ ** ابناء الاساتذة تقريبا ** في الاقسام الاولى
حنا كاينة بصح المرة هاذي مانعرف وش صرا كامل الاقسام كاين اساتذة اذا ملاح في العلوم ناقصين في المات و اذا ملاح في مواد ثانوية مش ملاح في العلمية
حنا اخر قسم لكن قالو تع الفيزياء مليحة و تع العلوم لا و الله اعلم

=========


>>>> الرد الثاني :

هادي تقريبا وين تروح تلقاها عقلية جزائرية ههه

=========


>>>> الرد الثالث :

ايه صح احنا 3 اقسام سيونس خدمو قسم s2 دارو فيه غير 16 وطلع وولاد وولاد وولاد انا مايهمنيش ولاد وولاد زيد صحبتي هادي داروها في هدا القسم مي وحدها مكانش معاها من صحباتنا القدم حبت تدبل عندنا ايا قاتلي رحت عند المدير حتى قالها سيرفيو مكان لاه تبدلي هدا القسم فيه غير الاساتذة الملاح زيد بنته تقرى تم وبنت خوه وبنت عمت خوه ولافامي قاع
اما المساكين دارولهم غير الاساتذة ****** العنب والمليص وقاع ليفروي الي جايين مدورين ترن بلون ماتلقفهش كيما اخينا قلمبو وجماعته...

حرام عليه اقسم بالله مانسمحلهم قاع مي نتكل على روحي هدا العام ان شاءا لله مكان ني صحابت ني اساتذة...3>

=========


>>>> الرد الرابع :

المشاركة الأصلية كتبت بواسطة just.girl~
ايه صح احنا 3 اقسام سيونس خدمو قسم s2 دارو فيه غير 16 وطلع وولاد وولاد وولاد انا مايهمنيش ولاد وولاد زيد صحبتي هادي داروها في هدا القسم مي وحدها مكانش معاها من صحباتنا القدم حبت تدبل عندنا ايا قاتلي رحت عند المدير حتى قالها سيرفيو مكان لاه تبدلي هدا القسم فيه غير الاساتذة الملاح زيد بنته تقرى تم وبنت خوه وبنت عمت خوه ولافامي قاع
اما المساكين دارولهم غير الاساتذة ****** العنب والمليص وقاع ليفروي الي جايين مدورين ترن بلون ماتلقفهش كيما اخينا قلمبو وجماعته...

حرام عليه اقسم بالله مانسمحلهم قاع مي نتكل على روحي هدا العام ان شاءا لله مكان ني صحابت ني اساتذة...3>

هاكي تشوفي وكيلهم ربي مي دوماج ان شاء الله مايكون غير الخير

=========


>>>> الرد الخامس :

والله كنت حاسبا هذا المشكل في مؤسستنا فقط اذن هو عام ربي يجيبها زينة وخلاص

=========


pour moi

dans mon lycée il y a 2 classes scientifique, bon tous les prof sont les meilleurs

e l hamdou lilah parce que ils vont nous préparer pour le bac

bonne chance a vous

a+


ana lycee ta3na asslan ghir ta3 wlad ....... hhhhhhhhhhhhhhh weclassti s1 ta3 wlad chyoukha hhhhhhhhhhhh
allors raki tehdari 3leya hhhhhh mais malgre sa lprof ta3 lmath
ma3andi man9oul
00000000 ghir la voix ta3ha bzf

لكن قمة الاحتقار انو قسم شعبة رياضيات اللي يقول المدير بلي عندو مكانة خاصة عطاولوا اسوء استاذ رياضيات (ما هذا)

ta qu'a changer de classe et tout va aller mieux


والله عنك الحق حنا عندنا 6 اقسام علمية في الرياضيات تقريبا كل قسم عندو استاذ والعلوم ايضا ولاني انا طحت في القسم الاخييييييير الاساتذة تاعنا شوي شوي ماشي كي الاقسام الاولى بالرغم من انو قسمنا ممتاز من حيث التلاميذ
إه ربي يجيب اللي فيه الخير وخلاص

لالا ماعدناش هادي

ربما...لكن انا ليس لدي الحق في ان احكم على اي استاذ بأنه جيد أو سيئ لأني لست في مستواه ..فهو ربما قد افنى سنوات من عمره وهو يدرس من اجل ان يحصل على هذا المنصب وانا فقط في الثانية ثانوي وليس لدي اي مستوى يؤهلني للحكم على هذا أو ذاك بأنه سيء أو جيد
بالنسبة لموضوعك لاأظن أنه يحدث مثله في مدرستنا فجميع الاساتذة في ثانويتنا كبار(لأن ثانويتنا من أقدم الثانوياات في الولاية) ولديهم من الخبرة مايجعل الجميع يحترمهم ومعظم الأساتذة موزعون على الاقسام بشكل جيد فمثلا اذا كان استاذ الرياضيات يدرس القسم الاول فهو لايدرس القسم الثاني بل القسم الخامس او السادس
لاأدري ان كنت نجحت في ايصال الفكرة اليك لكن في الاخير أعتقد بل أجزم أن دور الأستاذ في حسم مصير التلميذ لايتعدى 20 بالمئة بل التميذ هو الوحيد الذي يملك مصيره بيديه فاما يحطم مستقبله بتهاونه واهماله واما يصنع مجده باجتهاده ومثابرته

احنا عندنا 6 اقسام علوم
4 الاولين غير الاساتذة المخيرين في كل المواد (ولاد الاساتذة والمراقبين ولد فلان وفلتان ) مي 46 تلميذ في القسم
اما 2 الاخرين فيهم 23تلميذ مي ولا استاذ مليح + هذو هوما الاقسام لي راح ينقلوهم للثانوية الجديدة لي راح تفتح
انا كنت في علوم 5 وبدلت ل2 لانو اولا الاساتذة موش ملاح والثانوية لي راح يبدلونا ليها بعيدة عليا

المشاركة الأصلية كتبت بواسطة khadija ^^
ربما...لكن انا ليس لدي الحق في ان احكم على اي استاذ بأنه جيد أو سيئ لأني لست في مستواه ..فهو ربما قد افنى سنوات من عمره وهو يدرس من اجل ان يحصل على هذا المنصب وانا فقط في الثانية ثانوي وليس لدي اي مستوى يؤهلني للحكم على هذا أو ذاك بأنه سيء أو جيد
بالنسبة لموضوعك لاأظن أنه يحدث مثله في مدرستنا فجميع الاساتذة في ثانويتنا كبار(لأن ثانويتنا من أقدم الثانوياات في الولاية) ولديهم من الخبرة مايجعل الجميع يحترمهم ومعظم الأساتذة موزعون على الاقسام بشكل جيد فمثلا اذا كان استاذ الرياضيات يدرس القسم الاول فهو لايدرس القسم الثاني بل القسم الخامس او السادس
لاأدري ان كنت نجحت في ايصال الفكرة اليك لكن في الاخير أعتقد بل أجزم أن دور الأستاذ في حسم مصير التلميذ لايتعدى 20 بالمئة بل التميذ هو الوحيد الذي يملك مصيره بيديه فاما يحطم مستقبله بتهاونه واهماله واما يصنع مجده باجتهاده ومثابرته

كي تلقاي استاذ يدير اخطاء املائية لحد الان وش تكون ردت فعلك قوليلي برك
الاستاذ عندو دور كبير باه يوصل المعلومة وشخصيا انا كي يكون الاستاذ ماشي مليح حتى لقراية يمرقهالي
يمكن ماعنديش الحق باه نقيم استاذ مي عندي الحق باه نعطي رايي فيه خطراكش راهم يديو في شهريتهم
يعني الخاسر غير حنا
اساتذة خرين وكيلهم ربي
وكيما راكي تشوفي راهم كامل يعانيو من هاذ المشكل في مؤسساتهم