عنوان الموضوع : سؤال في العلوم °للنوابغ ° سنة 2 ثانوي
مقدم من طرف منتديات العندليب

السلام عليكم
الاستاذة عطاتلنا واجب منزلي ف العلوم و ذكرت فيه الايزيرين و كاتبة بلي هو مادة مثبتة لاماهة الاستيل كولين .
كي عالجنا عشاء الليف العصبي العضلي بمادة الايزيرين و مبعد وضعنا قطرة من الاستيل كولين على مستوى الاتصال العصبي العضلي اللي هو على ما اظن الشق المشبكي لاحظنا تولد كمونات عمل كثيرة ومتساوية الشدة على مستوى المحور قبل المشبكي و لكن لم تتولد اي رسالة عصبية على مستوى المحور بعد المشبكي .
انا حبيت نفهم ماهي مادة الايزيرين هاذي و هل هي السبب في توقيف و كبح مرور السيالة العصبية ؟
المهم خصني تفسير لهاذي التجربة


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

اختي للاسف ماسمعتش بيها المادة هادي مي حسب ظني انها تكبح مروور السيالة العصبية للمحور بعد مشبكي

=========


>>>> الرد الثاني :

نورمالمون عندها نفس خصائص الاستيل كولين و هو يولد الرسالة العصبية ، باختصار هذا مضاد لعمل الاستيل كولين استيراز هذا واش عرفت بصح ما قدرتش نحلل الوثيقة

=========


>>>> الرد الثالث :

اظن ان هنالك خطا لاننا من المفروض ان نسجل كمونات العمل المتتالية في م2 اي في الجهاز المربوط بالخلية بعد مشبكية
اما التفسير فهو
عند وضع مادة تمنع تفكك الاستيل كولين وهي الايسيرين + الاستيل كولين لاحضنا تسجيل كمونات عمل متتالية و هذا دليل على ان الاستيل كولين هو الوسيط الكيميائي الذي يؤثر على غشاء الخلية بعد مشبكية و بما ان عمل الايسيرين هو منع تفكيك الاستيل كولين فان عمله لم ينتهي وبقيت العضلة في حالة تقلص مستمر وهذا مايفسر تسجيل كمونات عمل متتالية
الاستنتاج الذي نخرج به من هذه التجربة هو ان الاستيل كولين لما يؤدي وضيفته في الحالة الطبيعية يجب ان يتفكك بواسطة انزيم يدعى الاستيل كولين استراز
ومن خلال هذه التجربة ايضا نستنتج ان الرسالة العصبية قطبية اي انها تنتقل في اتجاه واحد من القبل مشبكي الى البعد مشبكي و دليل ذلك اننا لم نسجل كمونات عمل في م1(الخلية قبل مشبكية)

=========


>>>> الرد الرابع :

ممكن توصفي وش كاين في الوثيقة

حسب وش قرينا مادة الايسرين هي ماشي نفسها مادة الاستيل كولين استيراز و عملها هو تعطيل عملية افراز مادة الاستيل كولين

اما مادة الاستيل كولين استيراز هو عبارة عن انزيم يفككـ مادة الاستيل كولين الى حمض الاستيل (يعاد امتصاصهـ) و مادة الكولين

=========


>>>> الرد الخامس :

حسب كلامك فهي تفكك الاستيل كولين في الشق المشبكي والله اعلم

=========


المشاركة الأصلية كتبت بواسطة khanfoussa
ممكن توصفي وش كاين في الوثيقة

حسب وش قرينا مادة الايسرين هي ماشي نفسها مادة الاستيل كولين استيراز و عملها هو تعطيل عملية افراز مادة الاستيل كولين

اما مادة الاستيل كولين استيراز هو عبارة عن انزيم يفككـ مادة الاستيل كولين الى حمض الاستيل (يعاد امتصاصهـ) و مادة الكولين

انا ما قلتش بلي الايزيرين هو نفسو الاستيل كولين و لكن قلت هو يشبهلو ف البنية و التعريف تاعو هو مادة مثبتة لاماهة الاستيل كولين .

راني فاهمة واش قلتي انتي بصح المشكل انو ليه ما مرتش السيالة العصبية
هذا واش ما فهمتش


روحي لكتاب العلوم ص 19 تلقاي التجارب و من بعد اذا مفهمتيش شما حاجة نعاونك
اما عن واش راكي تقولي فاستاذنا مشرحناش هكذا
لانو قالنا الاستيل كولين هو الوسيط الكيميائي ( هو محتوى الحويصلات المشبكية ) و مذكور فالتجربة انو نديرو كمية من مادة تمنع تفكك الاستيل كولين الي هي الاسيرين فلاحضنا تشكل كمونات عمل متتالية ومن بعد قالنا ماهي المعلومة المستخلصة ومن هنا نستنتج انو في الحالة الطبيعية الاسيل كولين لازم يتفكك وهذا التفكك يتم بواسطة انزيم يدعى الاستيل كولين استراز
اذا مفهمتيش نعاود نشرحلك بطريقة اخرى

الاستل كولين يولد سيالة عصبية عند افرازه و اليسيرين يعطل عمله و لا تتولد سيالة عصبية

المشاركة الأصلية كتبت بواسطة اميرة قلبي
انا ما قلتش بلي الايزيرين هو نفسو الاستيل كولين و لكن قلت هو يشبهلو ف البنية و التعريف تاعو هو مادة مثبتة لاماهة الاستيل كولين .

راني فاهمة واش قلتي انتي بصح المشكل انو ليه ما مرتش السيالة العصبية
هذا واش ما فهمتش

وش معناها مفهمتش

هاذي المادة هي غاز السارين لاعدتو تعرفوه استخدموه في سوريا. حوسو في ويكيبيديا ضك تعرفو لاه السيالة تولدت في بعد المشبكي فقط.

وهاهي صورة لعمله


اختي هي تمنع تفكك الاستيل كولين

المشاركة الأصلية كتبت بواسطة khanfoussa
الاستل كولين يولد سيالة عصبية عند افرازه و اليسيرين يعطل عمله و لا تتولد سيالة عصبية

لالا الاسيرين مادة درناها وباه ثبتنا الاستيل كولين لانو يتفكك مباشرة بعد مرور السيالة العصبية
و الهدف نتاعنا هنا نثبتو ان الاستيل كولين وباه يخدم فالظروف الطبيعية (وهو تمرير الرسالة العصبية فقط) لازمو بعد ذلك يتفكك و باه يتفكك لا زملو انزيم خاص يدعى الاستيل كولين استراز

وهذا شرح العمل نتاعو بالإنجليزية ضك نحاول نترجمو
Specifically, sarin is a potent inhibitor of acetylcholinesterase,[10] an enzyme that degrades the neurotransmitter acetylcholine after it is released into the synaptic cleft. In vertebrates, acetylcholine is the neurotransmitter used at the neuromuscular junction, where signals are transmitted between neurons from the central nervous systems to muscle fibres. Normally, acetylcholine is released from the neuron to stimulate the muscle, after which it is degraded by acetylcholinesterase, allowing the muscle to relax. A build-up of acetylcholine in the synaptic cleft, due to the inhibition of cholinesterase, means the neurotransmitter continues to act on the muscle fibre, so that any nerve impulses are effectively continually transmitted.