عنوان الموضوع : هل كل الثانويات مخروبة كيما ليسي نتاعنا ؟؟؟ للسنة 2 ثانوي
مقدم من طرف منتديات العندليب

السلام عليكم


ليسي ديالنا مولاش ليسي ولا السوق في حد ذاته
نبداو العام الماضي داروا التلاميذ اضراب على المدير و قلبو اليسي و كسرو التواقي كسرو البيبان الطاولات مخلاو والو
و جا مدير التربية و فينالمون مادارو والو غير التكسار
ومن هنا بدا اليسي يروح فيها
وهذا العام السيد المدير طلقلهم بزاف بزاف و ولاو يضربو الاستاذ ويتعداو عليهم
وما كاين حتى واحد يهدر معاهم
و معدناش المراقبين 6 برك وحنا 1270 الله يبارك
+++والو يزطلو في اليسي
++نهار الثلاثاء تضاربو زوج دراري و خلات وجاو لابوليس
وما دارولهم والو ونفس الشيئ تكرر البارحة و لم يفعلو اي شيئ
+++كسرو الزجاج نتاع كار حنا عندنا النصف داخلي
و اليوم تضاربو زوج وحد خرين قدام الاستاذة و نفس الشيئ لا احد يتكلم معهم
و على 2 ليوم جاب واد فيهم خوه وفتح وجه لا خر و جاو لابوليس و ما دارو والو
++++ البدعة الجديدة دخلونا لي بيس داخل الليسي باش يفيتو كشما واحد يتاذى
و الله غير يضحكو ليسينا ولا ليسي الوحوش
هل كل الثانويات هكذا هذا هو السؤال المطروح


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

الله تهدينا اختي هدا ما نقولوا
حنا الليسي ديالنا الحمد لله ما كاش المشاكل
كل حاجة بزيااااار ......شناوى
مي صحاب لمعارف كاينين صعيبة باش يديسباريو

=========


>>>> الرد الثاني :

إذا لم تستحِ فاصنع ما شئت

ربي يهديهم

=========


>>>> الرد الثالث :

بزاااااااااااااف


حنا الحمد لله مليح الله يهديهم ويهدي الجميع

=========


>>>> الرد الرابع :

lokan n9olak 7na ma3andnach directeur direct koul wahad dayar rayou en plus na9raw fi kharab machi lycée ma3andna walo mais hakdak w ntaij ntawa3na mla7 w n9olo l hmdl

=========


>>>> الرد الخامس :

مليح اللي يراسل النهار تجي تصور الكارثة هادي

=========


حنا ليسينا مش للدرجة هذيك بصح الاساتذة حيروحو من الراقبة يلي ما يعرفو يديرو والو


حنا الليسي ديالنا راه غاية الحمد لله مع انو معدناش مديييييير

مي كلاستنا لي رايحة فيها و الله التجليس وااااااااالو

الاساتذة واااااااااااااااااااااااالو

و كل يوم يخرجو زوج برابور الاساتذة راهو حاطين علينا ربي يهديهم

زيد حطمونا في الاختبارات و الله يصحو ب 0.25 باه ماندوش نقاط مليحة

كومام و الله غير جاوبنا


ayyyyy wach hada 7na lhmd tezyarrrr tema dayer rayouu

rabi ykoun fel 3oun
mais ana
ndon lazem li rahem 7abin yetbedel lycée
ahadrou m3a lmodir
w 9ololo
lazem ydir 7al

الله يهدينا اختي اللكريمة

ان شاء الله ربي يهديهم


++++ اختي نهال العام الماضي على جال هداك الاضراب
دارو مقال و كتبو فيه جريدة االشروق بالنهار
مي واش دارو والو و جا مدير التربية و ما دار والو




ندعولهم ربي يهديهم