عنوان الموضوع : ياللي تحبون الاناقه تعالوا اقولكم وش تسوون قبل تدخلون السوق ازياء عصرية
مقدم من طرف منتديات العندليب

ياللي تحبون الاناقه تعالوا اقولكم وش تسوون قبل تدخلون السوق



السلام عليكم ورحمة الله وبركاته ..



اخواتي الغاليات ..

إذا تبين تحصلين أشياء حلوه من السوق بس ماتقدرين على سعرها ..

أو تبين زوجك يحبك أكثر ويطيعك بس ماقدرتي عليه ..

أو إذا تبين تحملين بس ماحصلك ..

أو تبين وظيفه بس ماتيسرت لك ..

أو تبين أي شي بخاطرك من دراسه أو زواج أو أي شي ببالك سوي اللي بقولك عليه وماراح تندمين ..!


،، واسألوا مجرب !!!!!


أول ماتدخلين السوق طبعا لاتنسين تقرأين دعاء دخول السوق ،

قال رسول الله صلى الله عليه وسلم : « من دخل السوق فقال: " لا إله إلا الله وحده لا شريك له، له الملك وله الحمد يحيي ويميت وهو حي لا يموت بيده الخير وهو على كل شيء قدير" كتب الله له ألف ألف حسنة ومحا عنه ألف ألف سيئة ورفع له ألف الف درجة » وفي رواية: « وبنى له بيتا في الجنة » ..


هذا شي مهم لاتنسينه ..


أما الشي الثاني اللي بقوله لكم ، انه بعد ماتقرأون دعاء دخول السوق

رددوا هذي الكلمات طوال فترة تسوقكم واللي ممكن تمتد لساعات وساعات

، واللي بفضل الله راح ترددونها بدون تعب او ملل لأن اللسان راح يتعود عليها

وهي : ( استغفر الله الذي لاإله إلا هو الحي القيوم وأتوب إليه ) ..

وإذا كانت صعبه عليكم على الأقل قولوا ( استغفر الله ) ..



تخيلي كم مره بتقولينها وانتي تتمشين حتى بدون ماتحسي لساعات ،


وكم من الأجر راح يكون لك !

وطبعا معروف عن الإستغفار إنه بفضل الله راح يحقق لك كل اللي ببالك وياما سمعنا من قصص الناس عن فضله !





تصدقون يابنات والله ثم والله إني بعد ماجربتها صارت سهله مره !

حتى إني ارددها من أدخل السوق بدون مااحس ولما اوعى لنفسي ألاحظ !



والحمد لله ربي يسر لي أموري ،، قولوا ماشاء الله



وهذا طبعا ينطبق على أي مكان تروحين له ،،


في المستشفى ..

أو في السيارة ..

وحتى وانتي تطبخين أو تشتغلين في بيتك ، أو من خلال أي نشاط تسوينه ،

سبحان الله كلمات سهله وفضلها عظيييييييييييم جداً ..




أخواتي .. لاتحرمون أنفسكم هالفضل ،، وأنشروا هالكلمات بين الناس .. وأنسخوا هالموضوع بمنتديات أخرى الآن .. والدال على الخير كفاعله ..



جزاكم الله خير وأعانكم على نشره .

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

ماشاء الله عليك موضوع مهم فعلاً

جزاك الله خير ع التنبيه

بانتظار جديدك يالغلا

__________________________________________________ __________

>>>> الرد الثاني :

جزاك الله خير حبيبتي

الله يعطيك العافيه

__________________________________________________ __________

>>>> الرد الثالث :

جزاك الله خيرآ و جعله الله في ميزان حسناتك

__________________________________________________ __________

>>>> الرد الرابع :

يسلموو عـ , النصائح الحلوه

__________________________________________________ __________

>>>> الرد الخامس :

عزيزتي

الله يعطيك العافيه مجهود تشكر ي عليه
دمتِ بحفظ الله

\
ريــناد /