عنوان الموضوع : مع بن بوزيد مش حتقدر تغمض عينيك لتحضير البكالوريا
مقدم من طرف منتديات العندليب

السلام عليكم ورحمة الله تعالى وبركاته

أنا العام الجاي إن شاء الله نعقب الباك وحابة نحكيوا في الموضوع على واش عطاولكم في الجامعة مع أنو الأغلبية ما عطاولهمش التخصصات اللي يحبوها
راح تقولوا واش دخلها الطفلة هاذي مازال حتى ما عقبتش الباك
راح نجاوبكم أنا وحدة موسوسة من حاجة اسمها القراية ههههههههههههههههه حابة نجيب الباك ب 16 ولا 17 علاش لالا ونروح حتى أنا لسوريا ولا تركيا ادعولي برك وكي شفت باللي اعطاولكم الاختيارات قتلني الفضول نعرف (= واش دخلك يا طفلة

المهيم هذي أسئلة حابة تجاوبوا عليها إذا أمكن

ماذا كان اختيارك الأول أثناء التسجيل الجامعي؟؟

هل فعلا أعطواك خيارك أم خيارك الثاني أم الثالث؟؟

إذا لم تتحصل على خيارك الأول هل معدلك يسمح بدراسة التخصص الذي اخترته أم أنك اخترته دون النظر إلى معدل القبول؟؟ كيما بنت عمي حطت بيولوجيا معدل القبول 13 وهي جابت الباك ب 11

هل أنت راض عن بن بوزيد وماهي الرسالة التي توجهها له؟؟

في النهاية ما رأيك بالموضوع؟؟ بايخ صح؟؟؟؟؟؟؟هههههههه




أخيرا ادعولنا ننجحوا في باك 2016


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

ربي يوفقك ختي لعزيزه وتجيبي البااك ب 17 انشااء الله

بصح والله انا هبطولي الموورااال
انا كنت حابه ندير سبوور حاجه نحبها وحابه نكمل فيهاا جبيته ب 12.66 بصصح قاااااااالك لازم 13.35 :d
بلااااااااااد ميكي

وبعدهاا خيرولي علوم اقتصاديه في جامعة الامير عبد القاادر في قسنطينه ماشي جامعه قسنطينه وانا ماعلابالي واش الفرق بيناتهم ربي يستر برك

نحب نقولك حنونه انتي قراااااي وديري الي عليك والباقي مكتوب ربي

مانيش نهبطلك في المورال بصصصصصصح هذه هي الجزاااااااااائر :d
وشكراااا :d


=========


>>>> الرد الثاني :

ربي يوفقك إن شاء الله
مادامك موسوسة بالقرايا راح نشوفوك مع اللولين هنا في الجزائر
ههههههههههه ++ نقولك
ربي يكون معاك

=========


>>>> الرد الثالث :

شكرا ليك آية والله ربي يستر أنا حلمي الأول هو جراحة الأسنان بصح شفت ناس في المنتدى عندهم المعدل 16 وما عطاولهمش الاختيارات اللي يحبوها ربي يستر برك المهيم حنا نقراو للباك برك وإن شاء الله نديوه ومبعد يديرها ربي طريق

مع أنو حنا جيل 92 منحوسين نقراو صح مليح بصح كي يوصلو الشهادات يتقلب كلش نعطيك مثال أنا في الرابعة متوسط كنت نجيب 19 والأهلية جبت 16 مع أنو قتلت روحي شهر كامل وأنا نندب وخدمت مليح جيت الثاني في المؤسسة بصح الأغلبية ما داوش كنا 300 تلميذ داو 130 واحد برك والبعض داو بالسكوند ونفس الشيء حصل في السيزيام ربي يستر وما يتكررش السيناريو في الباك

=========


>>>> الرد الرابع :

ربي يوفقك إن شاء الله
لي يجيبها ربي فيها خير
هههههههههه عجبني العنوان

=========


>>>> الرد الخامس :

السلام عليكم
لما المدرسة الوطنية للاعلام الآلي توقفت عند معدل 18.02
يعني صحاب 17 اصبحو غير نجباء هههههههههههه
عيش تشوف مع بن بوزيد
سلام

=========


ماذا كان اختيارك الأول أثناء التسجيل الجامعي؟؟
الاختيار الاول هو : Ep2 و درتها محتم " مدارس تحضيرية تسيير و اقتصاد "

هل فعلا أعطواك خيارك أم خيارك الثاني أم الثالث؟؟
اعطاوني الاختيار رقم 4 لا يتربحهم

إذا لم تتحصل على خيارك الأول هل معدلك يسمح بدراسة التخصص الذي اخترته أم أنك اخترته دون النظر إلى معدل القبول؟؟ كيما بنت عمي حطت بيولوجيا معدل القبول 13 وهي جابت الباك ب 11
لالا الاختيار الاول حطيتو مرغم لانهم هم عطاوهلي في لي شوا و هو المخير لخرين ما يصلحوش

هل أنت راض عن بن بوزيد وماهي الرسالة التي توجهها له؟؟
ينعل كمارتك يا الخبابطي

في النهاية ما رأيك بالموضوع؟؟ بايخ صح؟؟؟؟؟؟؟هههههههه
موضوع يطربق الله يبارك
رانا معاك قلب و رب في الباك 2011 .. ان شاء الله يا ربي تطرطقيه


شكرا لكم جميعا ربي يوفقكم في الجامعة وينتقم من بن بوزيد ويوفقنا في باك 2011

أنا معدل 14.64 ممدوبيش كامل من الاختيارات لي درتهم ... عطاوني علوم المادة معلاباليش كامل وشنو هيا ...
بلاد ميكي .. واش نديرو جيب 16 و لا جيب 10 كيفكيف .. لازملك تعرف جينيرال ومعارف بزااف باش تدخل واش حاب مالقري بالمعدل تاعك ... يا ختي في بلادنا العسكر ولا الحرقة الهجرة الى أوروبااا .. ويقلك الناس علاش تحرق .. هذا وين عرفت الناس علاش تحرق ... روما ولا وجوه الشر ... مي نقلك ربي يوفقك .. وديري لي عليك بلاك العام الجاي تكون مليحا ميطلعوش من والا وميقسموش على الغاسي الباك ويتفروها في أغلبيتهم ... و بن بوزيد ... يظل مع الشطاحات ودايرينو وزير تربية

المشاركة الأصلية كتبت بواسطة east
أنا معدل 14.64 ممدوبيش كامل من الاختيارات لي درتهم ... عطاوني علوم المادة معلاباليش كامل وشنو هيا ...
بلاد ميكي .. واش نديرو جيب 16 و لا جيب 10 كيفكيف .. لازملك تعرف جينيرال ومعارف بزااف باش تدخل واش حاب مالقري بالمعدل تاعك ... يا ختي في بلادنا العسكر ولا الحرقة الهجرة الى أوروبااا .. ويقلك الناس علاش تحرق .. هذا وين عرفت الناس علاش تحرق ... روما ولا وجوه الشر ... مي نقلك ربي يوفقك .. وديري لي عليك بلاك العام الجاي تكون مليحا ميطلعوش من والا وميقسموش على الغاسي الباك ويتفروها في أغلبيتهم ... و بن بوزيد ... يظل مع الشطاحات ودايرينو وزير تربية

ربي يكون معاك خويا والله عندك بصح أنا اللي صدمني اللي ما مدولهم حتى واحد من الاختياؤات اللي داروهم بلاد ميكي تع الصح ربي يجيب اللي فيه الخير

السلام عليكم اختي
انا اجتزت الباكالوريا هذه السنة و هي كما يعرف الجميع اسوا سنة
تقراي و تقتلي روحك و من بعد يحقروك في التصحيح
و الله غير الظلم كي والو في الباك
المهم اذا حابة تجيبي 16 لازم تخدمي على 17
بصح انا مانيش نطيحلك في المورال راني برك نحكيلك في قصتي و نوصيك وصية مليحة ياسر و تعاونك:
دائما توكلي على ربي و حطي الثقة في ربي و ادعي ربي يوفقك و ينولك اللي بالك
انا بعد الجهد الجبار اللي درتو و خدمتي اللي خدمتها في الباك كنت اكيد رح نجيب 16 بصح الظلم في التصحيح الله غالب
حقرونا و الله غير حقرونا
المهم جبت معدلي 15.99
ربي يوفقك نتمانالك النجاح الباهر و تكوني من الاوائل باذن الله و تجيبيها بذراعك و تحقي حلمك

نقلك اختي بلادنا الفوضى و العايش غير لي عندو الكتاف
انا عندي 13.77 و الخيارات العشرة انيلي يعني ملغاة مدولي بيولوجي في فرع
و درت طعن لعلوم المادة في العاصمة
و نقلك حاجة الباك هذا العام تمذرير تعبنا مع الاخر طيشونا تقول يصدقوا علينا
و رسالتي لبن .......... نقولو الله لا تربحك
و ان شاء الله تتحطم كيما حطمتنا و الكثير

المشاركة الأصلية كتبت بواسطة سضبضض07
السلام عليكم اختي
انا اجتزت الباكالوريا هذه السنة و هي كما يعرف الجميع اسوا سنة
تقراي و تقتلي روحك و من بعد يحقروك في التصحيح
و الله غير الظلم كي والو في الباك
المهم اذا حابة تجيبي 16 لازم تخدمي على 17
بصح انا مانيش نطيحلك في المورال راني برك نحكيلك في قصتي و نوصيك وصية مليحة ياسر و تعاونك:
دائما توكلي على ربي و حطي الثقة في ربي و ادعي ربي يوفقك و ينولك اللي بالك
انا بعد الجهد الجبار اللي درتو و خدمتي اللي خدمتها في الباك كنت اكيد رح نجيب 16 بصح الظلم في التصحيح الله غالب
حقرونا و الله غير حقرونا
المهم جبت معدلي 15.99
ربي يوفقك نتمانالك النجاح الباهر و تكوني من الاوائل باذن الله و تجيبيها بذراعك و تحقي حلمك

وعليكم السلام أختي شكرا على النصيحة ربي يبارك جبتي معدلك 15.99 إن شاء الله ربي يوفقنا في الباك ويوفقكم في الجامعة والله اللي يجي من عند ربي مرحبا بيه حتى لو جبت 15 إذا كان الباك صعيب بصح إن شاء الله ما يظلموناش برك وإن شاء الله تكون نتائجنا مليحة كيما نتائج هاذ العام

ما تخلعيش حتى17 ماعندها حتى معنى ما عطاونيش iniوما بعثونيش رحلة خلاه..........

المشاركة الأصلية كتبت بواسطة abdou1992
ما تخلعيش حتى17 ماعندها حتى معنى ما عطاونيش iniوما بعثونيش رحلة خلاه..........

راني نشوف 20 و مانعرف تقدر دير واش تحب ولا لالا المعدلات تع القبول في السماء حتى اللي جاب امتياز ما عطاولوش واش يحب والرحلة تاني فيها ظلم كبير أنا بنت عمي 17 وما بعثوهاش باش تشوف الظلم
ربي يجيب اللي فيه الخير