عنوان الموضوع : إن شاء الله كل حاير في التخصص تاعو يحل المشكل هنـــا تحضير بكالوريا
مقدم من طرف منتديات العندليب

السلام عليكم ورحمة الله وبركاته
أولا نهنىء كل المتفوقين ببكالوريا2016 وبعد
أنا طالب جامعي (السنة الثانية)علوم وتقنيات
الكل يعلم أنها دراسة ثقيلة بزاف والحمد لله وفقني ربي هاد العام وجبت 60credit
+باك 13.77

عارف باللي الغاشي بكل راه حاير واش يدير
رانا بكل فتنا عليها
باش نصارحكم
لقرايـــا فالجزائر راهي فازولي ماكاين والو
وكلش صار فالعسكر ولا المدارس التقنية برك برك برك
::::::لا طب ولا حاجة يازوالي -قطع قشك- ::::::
الطب فقط لمن لديه الإمكانيات ويقدر يحل كابيني وحدوو
اللي ربح الباك بمعدل متوسط ننصحووا يدخل حاجة يشتيها ومايشوفش لغيرو
لأنه في العادة غالب المتحصلين على البكالوريا بمعدل متوسط يدخلوا في دومان خاطيهم
واللي ربح الباك بحاجة فوووور ربي يوفقوووا في الحوايج لكبار ونقول في الخارج إن شاء الله ماش فالجزائر ــ كيما قلت راهي بلاد ربي يجيب ــ

مانيش متشائم والله ماني نتشائم بصح الحقيقة مرة والله

على كل حال خاوتي
أنا في الخدمة وإن شاء الله نجاوبكم على اللي نقدر عليه
أدعوا لوالديا برك





>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

اين يتم دراسة العلوم طبيعية المدرسة العليا للاساتذة هل في القبة ام قسنطينة جزاكم االه كل خير

=========


>>>> الرد الثاني :

allah yrdi waldik 3lik

=========


>>>> الرد الثالث :

هل من مجيب؟؟؟؟؟؟؟؟؟؟؟؟؟؟؟؟؟؟؟

=========


>>>> الرد الرابع :

خويا اذا ممكن نعرف
لراني باغيا نمشي للمدرسة العليا للتجارة دخلت للموقع نتاعهم وما لقيتهمش ذاكرين قاع المدرسة التحضيرية
فهل فيها ولا ندخل ديراكت للمدرسة العليا ؟؟؟؟؟؟؟؟؟؟

=========


>>>> الرد الخامس :

السلام عليكم
انا نجحت بمعدل 13.77 شعبة علوم تجريبية
و لا ادري ما هي الاختصاصات المتاحة و ايضا اين توجد
خاصة ان المعدلات هذا العام ارتفعت بشكل خيالي
فمن لديه معلومات فيما يخص الامر فليتفضل و اجره على الله

=========


بالتوفيق للجميع


شوف خو أنت متشائم كثيرا .أول حاجة لوكان الناس كامل الدير عليك يتسمى الدزاير تولي غير المدراس تحضيرية والعسكر و الواحد كي يمرض يخرج للخارج لخاطش مكاش الأطباء والله غير الله يهديك .
أنا أنصح كل من تحصل على شهادة البكالوريا بان يذهب إلى التخصص الذي يطمح إليه منذ صغير .

تعيشو للي عندو معلومات مؤكدة حول المدرسة العليا للهندسة المعمارية
يعني العامين اللي نقراهوم لازم مبعد كونكور باش ندخل للمدرسة ولا عامين تحضيري ومبعد ادماج افيدوني ارجوكم:sdf :
ومبعد التخرج العملمضمون ولا نخرج بطالة

المشكلة ماعنديش أي رغبة منذكنت صغيرة و اليوم مع أني جبت معدل عالي راني حاصلة في التخصص و لهذه اللحظة لم اتخذ القرار فاذا كان بالامكان تنصحوني مع العلم انو معدلي 17
في الانتظار لو سمحتم

بربي إن شاء الله نجاوبو بالقدر الكافي الوافي
وبالشيء اللي نقدرو عليه بصح وحدة وحدة
واللي عندوا أي إضافات مرحبـــا
قبل كلش هاد لوجه ربي
وكيما قلت قبل ديرو حاجة تشتيوهــا والتوفيق من عند ربي

اللي عندو 13.77 علوم تجريبية يمكن نعطيك معلومات والباقي تشوفو في الغيد اللي يعطيوهولك غدوا مع كشف النقاط
ممكن دير أرشيتاكتير.st-sm- بيولوجي-إعلام آلي ورياضيات
هادو اللي شايعين بزاف فهاد المعدل
وتقدر تروح خويــا لبومرداس تقرى بتروشيمي ولا إعلام آلي ولا باقي التخصصات لخرين اللي في جامعة أحمد بوقرة
هاذا إذا كان عندك نقطة فووور في (الرياضيات والفيزياء)
تدخل للترتيب إذا كان (معدل عام + رياضيات+فيزياء/3)أكبر من 14/20

كيما تقدر تروح للغات وهاد يعتمد على اللغة المعنية
مثال فرنسي لازم نقطتك في الفرنسي طالعة...

هادا واش نقدر نفيدك خويا راه الباقي في الغيد


العلوم طبيعية المدرسة العليا للاساتذة يتم تدريسها بالقبة
الأوليوية في الشعبة
علوم تجريبية
رياضيات
علوم الطبيعة والحياة
علوم دقيقة
اامشاركة في الترتيب يلزمك (المعدل العام + الرياضيات + العلوم /3)يكونفوق 12/20
هذا بالنسبة لأستاذي الثانوي وكذلك المتوسط

المشاركة الأصلية كتبت بواسطة intello
allah yrdi waldik 3lik

الله يهنيك خويا ويعطيك اللي تمناه


المشاركة الأصلية كتبت بواسطة nadjibosse
شوف خو أنت متشائم كثيرا .أول حاجة لوكان الناس كامل الدير عليك يتسمى الدزاير تولي غير المدراس تحضيرية والعسكر و الواحد كي يمرض يخرج للخارج لخاطش مكاش الأطباء والله غير الله يهديك .
أنا أنصح كل من تحصل على شهادة البكالوريا بان يذهب إلى التخصص الذي يطمح إليه منذ صغير .


معلش خويــا خيرها في غيرهــا
ممكن تعاود تقرأ مليح واش راني كاتب

لكان عندك معلومات عاونني هنـــا والله ناس بزاااف يروحوا فالغلطة ويدخلو في دومان خاطيهم

نعاودلك الدعوة ولكل من لديه خبرة سابقة ينضم للإجابة على الإستفسارات الطلبة البكالوريا2010
جزاكم الله كل خيــر

ممكن خويا سمعت بلي كاين مدرسة العليا نتاع الطرقات فهل كاينة منها واذا هي مليحة ولالا وجزاك الله خيرا