عنوان الموضوع : نصيحة لوجه الله بكالوريا علمي
مقدم من طرف منتديات العندليب

السلام عليكم جماعة البااك

انا حابة نقوللكم نصيحة

الباك حاجة ساهلة المهم الواحد يكون عندو ثقة في روحو

اول حاجة كي تدخل لقاعة الامتحان حاول تبعد على جو القراية شوي و ماتبداش تراجع مع صحابك الانو هادا يخربطك و قادر يدخلك الشك في روحك و خاصة كتسمع معلومات تحس روحك جامي قريتها و بلي نتا ناسي كولش

ثاني حاجة كي تخير الموضوع مادا بيك الموضوع لوخر ما تزيدش تشوف معاه ما دام خيرت خلاه توكل على ربي و بداا وعندك تحاول تبدل الموضوع لانو هادا اكبر خطأ

ثالث حاجة كي تكمل ما تصلح والو و ماتبداش تساقسي في صحابك و ش حلو و يبدا تطياح المورال

رابع حاجة مادا بكم تنقصو شوية من الدخول لهاذ المنتدى و خاصة هاذ الايام لانو ليحفظ حفظ عام كامل مش نهار لخر يحوس يفهم


و في الاخر نقولكم كااامل ربي ينجحكم و تجيبو الباك كامل وليتعب يلقا وربي مايخيبش واحد قرا عام كامل و ربي يجيب الخير





>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

وربي يوفق الجميع

=========


>>>> الرد الثاني :

shhal jebtih
????????????

=========


>>>> الرد الثالث :

15.54
لعقوبة ليك ان شاء الله

=========


>>>> الرد الرابع :

اميييييين
لكني جبتو العام اللي فات تقريبا كيفك

المهم ربي يسهل للجميع و يوفقكم
و الله غير سااهل الخوف برك هو المشكل

=========


>>>> الرد الخامس :

صح اداك هو مش لازم الخوف

وش ديرتي بيه الباك تيعك

=========


Medecine
=)
منعت بشعرة ههه


بصحتك انا مالحقتش عليها

ماعليش اختي بصح مصييبة و الله العام فات اسود كتر من تاع الباك واش درتي؟؟
+
ربي يوفقك و شكرا على النصيحة

انا جراحة اسنان
صح عام كحل عديكا قلت الباك ساهل

ربي ينجحهم ان شاء الله

بلا مزية

اه قرينا كيف كيف ايه كنت حاسبها سااهلة حتا لقيت 6 و 7 فl'affichage
+
اميييييين

ههههههههههههه صح عدنا نحوسو غير ع 10 ربي ينجحنا ان شاء الله

بالتوفيق للجميع

ان شاء الله ختي.......

بالتوفيق............