عنوان الموضوع : نقطتين نتحدثو فيهم ربي يحفظكم ثالثة ثانوي
مقدم من طرف منتديات العندليب

السلام، ليوم عندي نقطتين نهملوهم مي لازم نهدرو عليهم، بالاك كاين لي راح يشعل فيا مي ماعليش، أنا نقولهم:

النقطة الأولى: عيب كبير أنو واحد يقرا في الثانوية فوت الباك ومازال يكتب مواضيع "زعما" محترفة وهو يدير أخطاء بدائية، يعني لازم نضبطو المفاهيم قبل كل شيء مثال عن ذلك واحد يقولك :....حسب وزارة التربية والتعليم، ربي يخليك قولي واش من بلاد راك عايش، كاين وزارة التربية الوطنية فقط، التربية والتعليم راحت مع النظام القديم واحد يقولك شعبة علوم الطبيعة والحياة ؟؟؟ وشمن شعبة راك تتحدث أخي، قولنا نقراوها كاين شعبة علوم تجريبية بصح مادة علوم الطبيعة والحياة ... أو أليمبياد الفيزياء والعلوم.....هاذيك المنافسة الفكرية والعلمية ، ألميبياد فقط في الرياضيات لأنو فيه الدوري الدولي وزيد وزيد وزيد....

النقطة الثانية: وهي لي خرجت كظاهرة جديدة، تملا بيها المنتدى، نتاع "مهازل البكالوريا، فضيحة التصحيح..." وكأنو مفتشين لي راهم يكتبو، بكل صراحة هناك أخطاء فادحة في التصحيحات وخطأ صغير (لكن ما يترتيب عنه كبير) في مادة الفيزياء ، لكن مهما كان ما يجوزش هاذو التعليقات : فضيحة، أغبياء ، أخطاء لا ترتكب ، باش يكون في علم كاتبيها هاذوك راهم مفتشين كبار خدمو أساتذة نظام قديم ونظام جديد ورباو أجيال وخدمو البكالوريا لسنوات وما غلطوش جا يوم يغلطو فيه كأي بشر، صحيح خطأ التلميذ ويفيقلو، لكن هذا ما يعطي أي تلميذ 'نعاودها تلميذ يعني مازال حتى ما ضمنش معدلو في البكالوريا " أنو يتحدث على رجال مثلهم بـلا مسؤولين ولا غيرها، فهم يستحقو التقدير لأنو الناس راهي تتعب ، فأساتذة فيزياء مثلا مسؤولين على إعداد حوالي 12 موضوع كاملا ب 5 تمارين وتصحيحاتها النموذجية ثم التنقيط، والتعديل في التمارين لمراعاة درجة الصعوبة وأكاديمية الأسئلة وطبيعة التكامل بين الأسئلة ومنهجية التقديم والعرض...ماشي غير سؤال وحطلو يجاوب باش يتم اختيار موضوعين لعلوم تجريبية وموضوعين لرياضيات وتقني رياضي، فإن أخطؤوا في وضع وحدة ما نلوموهمش وإذا لمناهم أعرفو بلي رانا ما نقصولهمش، في الشريعة رغم أني أيضا ما حبيتش أخطاء والتنقيط، لكن راني معاهم ماشي لازم كووووووول شي يكون في الكراس ولا مايجيش، ماعليش ما نجيبوش وين المشكل، الراس هاذا ما يخممش؟؟؟
هاذا لي حبيت نقولو نتمنى أنو واحد ما يقلق من هدرتي

وربي ينجحنــا كامل وكل واحد يجعلو طريق لي حبها ، سلام عليكم


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

باينة جاكم نـــص طويل عيتو تقراوه هههههه

=========


>>>> الرد الثاني :

.................................................

=========


>>>> الرد الثالث :

شكرًا أخي على الرد

=========


>>>> الرد الرابع :

بالنسبة للتلاميذ والضغط قائم عليهم ستكون هذه هي ردت فعلهم

اعننا الله، وفقكم الله تعالى جميعا

=========


>>>> الرد الخامس :

خويا راني معاك في كلش قلتو مي كاين حاجة وحدا مرحتلهاش
يا والله كاين لي يحفظ علوم شرعية عن ظهر قلب ويجاوب صح كيما عندو فالكتاب وبعدا يلقا النقطة 16 ولا 17 وعلاه ميديش اموا 19.5
مشي تعب حتى هو و حفظ هدا واش نسموه

=========


بارك الله فيك موضوع ممتاز وطرح واضح


المشاركة الأصلية كتبت بواسطة oliya
خويا راني معاك في كلش قلتو مي كاين حاجة وحدا مرحتلهاش
يا والله كاين لي يحفظ علوم شرعية عن ظهر قلب ويجاوب صح كيما عندو فالكتاب وبعدا يلقا النقطة 16 ولا 17 وعلاه ميديش اموا 19.5
مشي تعب حتى هو و حفظ هدا واش نسموه



هدي راني معاك فيها صحيح
انا عملت كلسي صحيح تعرفي النقطة كانت 11.5 تصوري انت والاستادة تقولي عندك 17.5


المشاركة الأصلية كتبت بواسطة oliya
خويا راني معاك في كلش قلتو مي كاين حاجة وحدا مرحتلهاش
يا والله كاين لي يحفظ علوم شرعية عن ظهر قلب ويجاوب صح كيما عندو فالكتاب وبعدا يلقا النقطة 16 ولا 17 وعلاه ميديش اموا 19.5
مشي تعب حتى هو و حفظ هدا واش نسموه

يوجد ناحية مهملة فالحفظ الاصم ليس بالايجابي والفعال لخلوه من الفهم
كنت انا من قبل هكذا ,فاذا طرح سؤال يوجد مضمونه في مادرسنا والسؤال بالصيغة تهت الى اخر المكان

اما الجهة الثانية فنوعية المصححين تختلف

أخي الكريم سلمت أنااااااملك التّـــي خطّت مثل هذا الموضوع الرائع صراحة

واشاطرك الرّأي في كلّ شيء ماعدا أنّ المفتّشين و و و و... لا يخطؤون

فعلا لديهم أخطاء وبعض الأخطاء يراها المتعلّم والجاااهل

ولا تظنّ بأنّه يحمل إسم مفتّش معناه شيء كبير

بل يخطئ ويصيب

وإن شاء الله تكون قد وصلت رسااااااالتك للأعضاء

جزاك المنّان الفردوس الأعلى أخوي

لكن إخواني الخطــأ الذي كان لدينا هو : التاريخ والجغرافيا والعلوم الإسلامية (وليس علوم شرعية أختي) أنها مواد للحفظ، أحفظ تدي 20 لا بل هي مواد للحفظ والفهم، قادر تفهم تدي 18 ولا تفحظ تدي 12

المشاركة الأصلية كتبت بواسطة راجـــي رضى الرحمــن



ولا تظنّ بأنّه يحمل إسم مفتّش معناه شيء كبير

بل يخطئ ويصيب



شكرا على الرد، لكن أنا قلت هم يخطؤون وهم بشر وعليهم أن يخطئوا لكن هذا لا يمنحنا الحق نحن كتلاميذ التعليق عليها أرجو قراءة الموضوع من جديد

بارك الله فيك هدرتك صحيحة 100بال100

المشاركة الأصلية كتبت بواسطة BACBAC2015
شكرا على الرد، لكن أنا قلت هم يخطؤون وهم بشر وعليهم أن يخطئوا لكن هذا لا يمنحنا الحق نحن كتلاميذ التعليق عليها أرجو قراءة الموضوع من جديد

أستسمحك أخوي الكريم

لي ولجميع التلاميذ الحقّ التعليق لكن في حدود

لأنّ الإمتحان ليس كباقي الإمتحانات

يسمّــى البكالوريا

والله إنّ هذا الإمتحان قد غيّر حياة أناس أعرفهم

للتلميذ الحقّ في التعليق على حقوقه

لكن أكرّر في حدوووووووووووود

بوركت

wlh 3am ta7ki jawahir
kalamak sa7 100/100 w ana m3ak fi koulchi 9oultah mais normalement yadirou moura9ibin ychoufou had elakhtaa
7na roudoudna w ta3li9atana roubama tkoun 9assiya fi 7a9ahom mais hada 3la jal eljazair bark bach ntawarou rana fi 2012
w manbrouch lbladna yabahadlou biha elnass lkhrin
merci 3la elmawdou3