عنوان الموضوع : من فضلكم أجيبوني فأنا في حيرة من أمري ؟؟؟؟!!!!!!!!!!! ... بكالوريا علمي
مقدم من طرف منتديات العندليب

بسم الله الرحمان الرحيم

السلام عليكم و رحمة الله تعالى و بركاته

اخواني الكرام ، لم يكلل جهدي في هذا العام بالمعدل الذي كنت أطمح له ، فقد عملت ليلا نهارا لأحصل على معدل على الأقل يتجاوز 16 ، لكن للأسف تحصلت على 15.10 ، و لكن الحمد لله على كل حال

أردت فقط اخواني أن أسألكم إذا كان بامكاني المشاركة مجددا في البكالوريا و لكن بشكل نظامي ، أعرف أنكم ستتساءلون كيف ؟

جوابي هو : أريد أن أسجل نفسي حرا ، و لكن أتابع دراستي في الثانوية ، فهل هذا ممكن ؟

كل من لديه معلومات أرجو أن يفيدني بها

و أجركم على الله تعالى

و شكرا



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

ألا يوجد من مجيب ؟؟؟؟؟!!!!!!!!!!!!!!

=========


>>>> الرد الثاني :

على حساب علمي ممنوع تقرى في الثانوية

=========


>>>> الرد الثالث :

والله يا سفسوف عندي نفس الطموح مي والله ماعلابالي لاكان تصلح و لا لالا انا نعرف وحدة عقبت الباك و داتو ب 11(كيمة انا) مي طموحها كان كبير كانت باغية دير طبيبة بلوكات العام تاعها فالجامعة وتفرغت للباك و زيد قرات فالليسي نتاعها يعني نظامية هو يعني باباها الناظر تاع الليسي هاذاك المهم عاودت وداتو كيمة حبت و دارت طبيبة و العام هذا تتخرج انشاء الله
ذرك نحاول نسقسيها ونشوف (اذا حكمتها باسكو هي بعيدة بزاف عليا)
المهم الحمد لله على كل حال اللي شاف فيه ربي الخير قدمهولنا

=========


>>>> الرد الرابع :

المشاركة الأصلية كتبت بواسطة zizou93
والله يا سفسوف عندي نفس الطموح مي والله ماعلابالي لاكان تصلح و لا لالا انا نعرف وحدة عقبت الباك و داتو ب 11(كيمة انا) مي طموحها كان كبير كانت باغية دير طبيبة بلوكات العام تاعها فالجامعة وتفرغت للباك و زيد قرات فالليسي نتاعها يعني نظامية هو يعني باباها الناظر تاع الليسي هاذاك المهم عاودت وداتو كيمة حبت و دارت طبيبة و العام هذا تتخرج انشاء الله
ذرك نحاول نسقسيها ونشوف (اذا حكمتها باسكو هي بعيدة بزاف عليا)
المهم الحمد لله على كل حال اللي شاف فيه ربي الخير قدمهولنا

تعيشي أختي شوفيلنا معاها

و إذا ما صلحتش ، انا راني نشوف في روحي رايح نخرج للخارج ، و الله كرهت و مليت .

المهم أختي ان شاء الله فيها خير ، تعرفي و الله ما علابالي واش راح ندير بهاذ المعدل ؟؟؟؟!!!!

كي مكان والو ...


=========


>>>> الرد الخامس :

mabrooooooooook akhi
oui momkin ana 3andi un ami kan scientifique w 3awad libre adabi w 9ra 3am kol f le lycé mais lazmek ma3rifa s7i7a

=========


المشاركة الأصلية كتبت بواسطة سندريلا sf
mabrooooooooook akhi
oui momkin ana 3andi un ami kan scientifique w 3awad libre adabi w 9ra 3am kol f le lycé mais lazmek ma3rifa s7i7a

الله يبارك فيك اختي ، و انتي ثاني مبروك عليك

و يعطيك الصحة على المعلومات ، المعريفة راهم قاع الأساتذة و المدير يعرفوني ، خاصة و أني تحصلت على المرتبة 1 هذه المرة في الثانوية

بالتوفيق


المشاركة الأصلية كتبت بواسطة redjeb.youcef
تعيشي أختي شوفيلنا معاها

و إذا ما صلحتش ، انا راني نشوف في روحي رايح نخرج للخارج ، و الله كرهت و مليت .

المهم أختي ان شاء الله فيها خير ، تعرفي و الله ما علابالي واش راح ندير بهاذ المعدل ؟؟؟؟!!!!

كي مكان والو ...

ايواه واش حكاية نخرج للخارج هاذي
وثاني وش بيك البارح كنت تصبر فيا رغم اني كنت نعاني من نفس المشكل تاع المعدل ماندير بيه والو واليوم نتا
شوف حنا واش بقالنا بقالنا حاجة وحدة لازم نديروها نستناو الاختيارات اللي راح يمدوهوملنا بالاك نلقاو حاجة ترضينا على الاقل خصوصا و انو نتا عندك الحظ الاوفر لانو التخصصات راح يهبطو لانخفاض المعدلات
ماتكسرش راسك ربي قادر على كل شيء

المشاركة الأصلية كتبت بواسطة zizou93
ايواه واش حكاية نخرج للخارج هاذي
وثاني وش بيك البارح كنت تصبر فيا رغم اني كنت نعاني من نفس المشكل تاع المعدل ماندير بيه والو واليوم نتا
شوف حنا واش بقالنا بقالنا حاجة وحدة لازم نديروها نستناو الاختيارات اللي راح يمدوهوملنا بالاك نلقاو حاجة ترضينا على الاقل خصوصا و انو نتا عندك الحظ الاوفر لانو التخصصات راح يهبطو لانخفاض المعدلات
ماتكسرش راسك ربي قادر على كل شيء


عندك حق أختي

ذرك نشوفو معدلات القبول و من بعد نقرروا

و ديري في بالك بلي حتى لو كان نسجلوا أحرار لازم ما نسجلوش في هاذو المراكز نتاعنا ، أنا نروح لولاية أخرى وين يكون فيها شوي التصحيح مرخوف ،ههههههه

و الله كنت نستنا في أكثر من 17 جاتني 15

نوكل عليهم ربي


je pense pas tekdar tekra f lycée..mais essayé m3a lmodir balak ye9ablak..de tt facon kelchi mabrouk 3lik khoya ..ana feblastek nro7 école supérieure wela kach école préparatoire..bn courage

المشاركة الأصلية كتبت بواسطة redjeb.youcef
عندك حق أختي

ذرك نشوفو معدلات القبول و من بعد نقرروا

و ديري في بالك بلي حتى لو كان نسجلوا أحرار لازم ما نسجلوش في هاذو المراكز نتاعنا ، أنا نروح لولاية أخرى وين يكون فيها شوي التصحيح مرخوف ،ههههههه

و الله كنت نستنا في أكثر من 17 جاتني 15

نوكل عليهم ربي

حنا حاجة خلااااااااااااااااااااااااااونا فالتصحيح كاااااااااااااااااامل الي معول يجيب 15 جاب12 واللي حاب 16 جاب 13 واللي معول على 14 جاب مسكين تاني 12 والله كوارث عندنا و كاين وحدة عولت تجيب 11 جابت 15 والله الباك هذا وحدو
انا من عندي مانزيدش نتوقع و ننصح اي واحد مقبل على امتحان مصيري مااااااااايتوقعش زعمة انا توقعت الهابط خلااااص و المشكل والله مالحقت عليييييييييه
عمبالك من البارح وانا مع الموقع تاع النتائج لحد الدقيقة هاذي راني حالاتو في صفحة وحدو و ساعة ندخل الرقم نتاعي و نقعد نتفرج في 11.77 و نقول هاذي انا لالا مانيش انا ياسبحان الله نفس الاسم و اللقب مي نهبط للمعدل نقول مانيش انا راني نحاول نتاقلم مع الواقع و نحاول نصدق مي ماقدرتش الله غالب

و الله كيفك ، هههههههههههههههههه

ولينا في حالة هستيريا

سبحان الله !

هو قانونيا ماتقدرش ........ مي تقدر تقرا نظامي غير إلى كان كانت عندك معرفة صحييييحة .... ربي يعين و توكل على الله ما تقولش "كرهت" ... وعسى ان تكرهوا خيرا و هو خير لكم

السلام عليكم..مبروك اول حاجة ..ثاني حاجة يا اخي ممنوع.انت اسمك غير مدرج في المؤسسة ابتداءا من الموسم المقبل..يعني ادا قريت في الثانوية رح يكون خارج القانون..فمثلا لاسامح اللله وحصل حادث ما لك داخل المؤسسة.ليس عندك التامين بالاضافة الى معاقبة المدير..اما ادا كان عندك معريفة فكل شئ جايز في بلادنا
بالتوفيق

والله يا رجب نعرف واحد تابع دراستو مع التلاميذ في احدى الثانويات هنا وهو يجوز الباك حر لكن جاب ورقة من مديرية التربية لمدير الثانوية بصح هذا التلميذ عندو العرف في المديرية ....وعلاه يا رجب ماتدخلش لمدرسة الرويبة ؟؟؟؟؟