عنوان الموضوع : من يريد تحقيق مرتبة الإمتياز في باك2015 تحضير بكالوريا
مقدم من طرف منتديات العندليب

السلام عليكم ...
معكم الأخ عبد اللطيف العربي من ولاية تبسة
تلميذ يدرس في السنة النهائية علوم تجريبية
يطمح لتحقيق المرتبة الأولى وطنيا باك2015
لذلك أدعوا جميع من يشاركني هذا الحلم أن يسجل كلمته


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

ما هو معدلك الفصلي من فضلك

=========


>>>> الرد الثاني :

اهلا اخي عبد اللطيف انا اشاطرك الراي حلمي ننجح فشهادة البكالوريا بمعدل ممتاز انا طالب حر اول مرة نجتاز الباك اداب وفلسفة من براقي اسمي حمزة لازم نتحداو كل شيئ يارب وفقنا

=========


>>>> الرد الثالث :

لا اطمح الى الامتياز لكن أطمح أن يكون معدلى يتراوح 14/15 واذا كان أكثر مانقولشش لالا
ربما تقول لماذا الامتياز ليس طموحك ببساطة اللغات الاجنبية تحت الصفر و لا أظن أن 5 أشهر رايحة ادير حاجة
مع العلم معدلي للعام الماضي 9.78 و اللي قبله نسيت اظنه 7 راكم عارفين المعدل الشين يتنسى

=========


>>>> الرد الرابع :

نشاء الله ياخو ونا واش نقول راني كترمنك وزيد ليبر صعيبة شوي واداب وفلسفة تهبل معاها

=========


>>>> الرد الخامس :

لا يا جماعة راني نشوف فيكم طايحين الهمة
أنا مثلكم ناقص في الفرنسية وعندي بعض المشاكل العائلية
وأول مرة نجوز الباك
لكن سارفع التحدي
أينشتين لما سألوه على سر الذكاء نتاعوا واش قال؟
قال: أنا لست أذكى من أحد لكن فقط أستغرق وقت أطول للتفكير ......
حاب يقول إذا كنت انت تستغرق 30دقيقة في حل تمرين وإذا ما قدرتش تحلوا تخليه....هو ماعندوش مشكل أنو يبقى17 ساعة من أجل تمرين واحد
اشحنوا الهمة ياجماعة...تحياتي

=========


[QUOTE=larbi abdellatif;12500686]لا يا جماعة راني نشوف فيكم طايحين الهمة
أنا مثلكم ناقص في الفرنسية وعندي بعض المشاكل العائلية
وأول مرة نجوز الباك
لكن سارفع التحدي
أينشتين لما سألوه على سر الذكاء نتاعوا واش قال؟
قال: أنا لست أذكى من أحد لكن فقط أستغرق وقت أطول للتفكير ......
حاب يقول إذا كنت انت تستغرق 30دقيقة في حل تمرين وإذا ما قدرتش تحلوا تخليه....هو ماعندوش مشكل أنو يبقى17 ساعة من أجل تمرين واحد
اشحنوا الهمة ياجماعة...تحياتي[/QUOT

كم هو معدلك


انا نتمنى نجيب مليح في الباااك وسيرتو كعاد معيدة
قلي خيووو البرنامج اللي تعتمد عليه في المراجعة واشنو وعلاه قداه تبدى تراجع وعلى قداه ترقد وعلى قداه تنوض هههههههه اسمحلي والله طموحي كبيييير ومتمنية نجيب مليح ونيز روحي من هالعطلة مي ما فهمتش كفاه نبدى ونظم وقتي


+++++++ شحال جبت معدلك ؟؟؟

إن شاء الله....

اووووووووووووووووووووه خويااا راني كثررر منك متحمسة لهد الباك

المعدل االممتاااز هدفي من لي بديت نعرف صلاحي مش حتى هد العام ..........بسيف علياا نجيبووو ...غير هد العام نتعب ....ونريح حياتي كاامل؟؟؟؟؟

نوووو خاوتي ....احلموو بمعدل مليح .....واش خصطك حتى متوصلولوش .......لمادة لي ضعااف فيهاااا عوضوهاا بموااد ممتازين فيهم...؟؟؟

خاوتي ....صدقوووني على قد متتعب تلقى......؟؟؟

انا معدلي الفصلي 13 قريب 14..........ونورمااال مطاح ني مورال ني والو.....لان علابالي واش راني ندير؟؟؟
.
ان شاء الله يا خاوتي ...............نروحو كاامل نسلموو على بو تفليقة هد العاام ؟؟؟؟؟...

سلام....
اظن ان كل من يلج هذه الصفحة..حلمه الرقي و افتكاك المرتبة الاولى وطنبا ..و باذن الله نحن اهل لها ...فقط التوكل على الله و الاخد بالاسباب....و الجد لانالجزاء من جنس العمل....
ربي يوفق الجميع

المشاركة الأصلية كتبت بواسطة lola22
انا نتمنى نجيب مليح في الباااك وسيرتو كعاد معيدة
قلي خيووو البرنامج اللي تعتمد عليه في المراجعة واشنو وعلاه قداه تبدى تراجع وعلى قداه ترقد وعلى قداه تنوض هههههههه اسمحلي والله طموحي كبيييير ومتمنية نجيب مليح ونيز روحي من هالعطلة مي ما فهمتش كفاه نبدى ونظم وقتي


+++++++ شحال جبت معدلك ؟؟؟

شوفي اختي نحكيلك كيما يقولو قصت حياتي...............بالاك نفيدك راني حاسيت بيك...

انا الايام الاولى من هد العاام تخربطت تاع الصح.........مفهمتش واش يخرج علياا..؟؟؟

مي منبعد لقيت رووحي... وفهمت كيفاه لازم علياا نقرى...

بالنسبة للعطلة .....راني ...تقريبا مزالي ندير كيما ايام الدراسة....لان هد السمانة الاولى عندنا لي كور يومياا.......

المهم..........شوفي واش راني ندير

الصباح نوض على 5..........حفظ وفقط....حتى نكره ...ولا نراجع اللغات ...بالك تحسبي راني نقعد معاها 4 سوايع........نوو والله منكدب عليك كي تروحلي نفحة نطلق......خطرات قبل 7 نحبس ونرجع نرقد.............ههههههههه ...المهم خير من مكانش...مي كي وصلو الامتحانات لقيت روحي حافظة كل شيء.............

وفي الليل ................منسهرش من فوق 10....وندير المواد العلمية ......حل تمارين ...كل يوم مادة.....هدي في ايام الدرااااسة

مي ناوية نكمل هك................راني والفت.............مي يومياااااااااااااا هكدااا ...:1 ولا متنجحش معااااك الوصفة ..........

هدي طريقتي ................دمتم بالف خير

ما هو معدلك من فضلك
و معدل المواد لو أردت

شكرا لك أخي على هذا الموضوع الذي يستحق المشاركة كما أتمنى لنا النجاح والتوفيق بما يحب الله و يرضى و أتمنى أن تبشرنا بمعدل ممتاز و يجعل الله لك فيه الخير في الدنيا و في الآخرة ان شاء الله


المشاركة الأصلية كتبت بواسطة taiba20
لا اطمح الى الامتياز لكن أطمح أن يكون معدلى يتراوح 14/15 واذا كان أكثر مانقولشش لالا
ربما تقول لماذا الامتياز ليس طموحك ببساطة اللغات الاجنبية تحت الصفر و لا أظن أن 5 أشهر رايحة ادير حاجة
مع العلم معدلي للعام الماضي 9.78 و اللي قبله نسيت اظنه 7 راكم عارفين المعدل الشين يتنسى

السلام عليكم أخي أريد أن أقول لك ان كنت تطمح للحصول على معدل17 يجب أن تعمل للحصول على معدل19.وان كنت تطمح للحصول على معدل 14 أو 15 يجب أن تعمل للحصول على معدل 18 و حينها ستتحصل الى ما تطمح اليه باذن الله. أما بالنسبة للوقت فالله سبحانه وتعالى يبارك لنا فيه ان شاء الله.كما أريد أن أذكرك بأن5أشهر ليست قليلة. فقط شد الهمة وتوكل على الله.بالتوفيق.