عنوان الموضوع : ساعدوني راه التوتر قتلني لتحضير البكالوريا
مقدم من طرف منتديات العندليب

سلام عليكم احواني تعرفو علاه راني متوترة كل من سبب هاد العتبة
العام لي فات صحباتي كانو روطار بوحدتين في الرياضيات وبوحدة في الفيزياء
من هاد لي يسموها العتبة ويقولو تجي عند اخر درس لي وصلتو اخر تانوية وباقاو يقرو حت لاخر اسبوع من شهر ماي
وانا راني خايفة لخاطر رانا روطار خايفة يصرالي هاك ومنلقاش روحي وش ندير جاوبوني
لعلمكم في الرياضيات هادا وين دحلنا الاعداد المركبة وكاين ناس راهم في الاحتمالات
الفيزايا ph وناس راهم في الاسترة علوم رانا في الطاقة وكاين لي راهم في جيولوجيا والمواد الادبية خليهم مغطين
حاطر رانا اكتر من روطار


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

السلام عليكم ورحمة الله و بركاته .... اختي لا داعي لتهويل الأمور اذا كنتم انتم اخر ثانوية في الجزائر في تقدم الدروس في الجزائر فستكون العتبة حسبكم و مابالك اذ ان هناك عدة ثانويات هي الأن كثر .... انا مترشحة حرة و العام الماضي كنامثلكم او ربما اكثر تأخرا لكن الحمد لله استطعنا تلقي كل الدروس .... و العتبة كانت مناسبة جدااااا كنا قرينا كل الدروس ماعدا الفلسفة فقط لي قدملنا درس الحرية و المسؤولية في اوراق .... لي ننصحك بيه اختي ماتتقلقيش و الوقت الباقي هو الحاسم تقدري تلحقي و تقراي عاااااادي و تتحصلي على معدل كبير ... و ماتعمريش راسك بزااف بالغتبو احنا تاني العام لي فات كنا هكا مي ماطاحتلنا حتى حاجة ماقريناهاش هذا كوني على يقين منو ... و على حساب ماراني نشوف العتبة هاذ العمن العام رايحة تقصي دروس اكبر من العام الماضي و الله اعلم .... المهم لنا نحن كمترشحين هو المعلومات و تلقيها و التحضير للإمتحان اما باقي الأمور كالعتبة فهي بروتوكولات لا تخصنا الوزارة مسؤولة عليها .... و المفروض عليها تضع في الحسبان كل الثانويات و الدروس لي لحقت ليها ... على هذا ماتتقلقيش اختي و الوقت لي تخمي فيه تقدري تديري امر اخر يساعدك و يزيد فرصك فالنجاح ....و ماتستسلميش .... يقول ابراهيم الفقي : اغلب الذين إستسلموا لم يدروا كم كانوا قريبين من النجاح لحظة إستسلامهم ... بالتوفيق اختي و اي مساعدة تحتاجيها راني موجودة ...سلام

=========


>>>> الرد الثاني :

الرياضيات بعد العطلة ندخلوا المتاتليات و مازال مادرناش الدوال الأصلية
العلوم رانا مع اليخضور و رانا مع المرحلة الكيموحيوية و الضوئية
الفزياء رانا في الدرس الثالث نتاع الميكانيك
و متقلقيش روحك عادي نظمي وقتك بركـــــ و السلار ربي يكون في عوننا

=========


>>>> الرد الثالث :

المشاركة الأصلية كتبت بواسطة اكرام13
سلام عليكم احواني تعرفو علاه راني متوترة كل من سبب هاد العتبة
العام لي فات صحباتي كانو روطار بوحدتين في الرياضيات وبوحدة في الفيزياء
من هاد لي يسموها العتبة ويقولو تجي عند اخر درس لي وصلتو اخر تانوية وباقاو يقرو حت لاخر اسبوع من شهر ماي
وانا راني خايفة لخاطر رانا روطار خايفة يصرالي هاك ومنلقاش روحي وش ندير جاوبوني
لعلمكم في الرياضيات هادا وين دحلنا الاعداد المركبة وكاين ناس راهم في الاحتمالات
الفيزايا ph وناس راهم في الاسترة علوم رانا في الطاقة وكاين لي راهم في جيولوجيا والمواد الادبية خليهم مغطين
حاطر رانا اكتر من روطار

مالزمش تخافو من هذ الحاجة
اصلا
***** الكمياء ساهلة و مع مجهود صغير تقدرو تفهمو ph والأسترة و تحلو قدر المستطاع من الباكالوريات "وراح تلقاو بلي معظم الأسئلة تتعاود"
****الأعداد المركبة ممكن تلاقو شوي صعوبة ادا قريتو وحدكم و على هدا لازم تبعو الأستاد بزاف في القسم و وتحلو تمارين في البيت اما المتتاليات فهي اسهل ما في الرياضيات و اسئلتها واضحة و مافيها حتى غموض فقط تفهمو القوانين و لا تحفظوهم وتحل المشكل
**** العوم عليكم على كتاب احمد أمين و المجهود المكثف متنساوش بلي معاملها كبير و بها تقدر تطلع و لا تهبط
**** المواد الأدبية : مقاش الوقت و مش محتم تستناو استادكم الحمد الله النات متوفر فيها كلش و الملخصات ربي يبارك منتاشرة باشرو بالحفظ و متخليوش الأمر يتراكم عليكم
***الأدب , الفرنسيو و كذا الإنجلزية حلو اكبر عدد ممكن من الباكالوريات و بإدن الله ناجحين


اهم حاجة الإبتعاد عن القلق و التوتر و الله و ماكن حاجة تخلع في الباك اختبار بسيــــــــــــــــــــــــط جدااااااا

ربي ينححنا كامليـــــــــــــــــــــــــــــــــــــــــــــ ـــــــــن

=========


>>>> الرد الرابع :

شكراااااااااااااااااا لكم

=========


>>>> الرد الخامس :

ويارب ينجحنا بمعدلات مليحة

=========


السلام عليكم
أختي إكرام ، أنتم متأخرين بيكم تمشو خطوة خطوة ، بالصح حنآ رآنآ صاااااروخ ! الحشو تاع الدروس
العلوم : رانا دخلنا للمرحلة الكيموحيوية
الفيزياء كملنا الميكانيك ، نورمالمون بعد العطلة الأسترة - و فيها 3 حصص يكفو باه نكملوها حسب ما قالت صحبتي -
المآت : رانا في الدوال الأصلية ،
الفلسفة : رآنآ خارج المجال ، الأستآدة تمشي كيمآ الرسآلة العصبية في حآلة وجود غمد النخآعين هههه
المواد الأخرى خليهآ وحدهآ متخبية خير ،
موفقة ،
سلام


مابيناش نمشو وحدة وحدة
بينا الاساتدة وتغياب نتاعهم
وادا جاو يبقو يحكو في قصة حياتهم
وكي تهدر معاه مكانش كلمة مايقولهالكش ولات يقولك روح اقرى ليكور

المشاركة الأصلية كتبت بواسطة اكرام13
مابيناش نمشو وحدة وحدة
بينا الاساتدة وتغياب نتاعهم
وادا جاو يبقو يحكو في قصة حياتهم
وكي تهدر معاه مكانش كلمة مايقولهالكش ولات يقولك روح اقرى ليكور


من حقكم أنكم تشكاو بيهم للادارة ، لااااازم ، قبل فوات الأوان ،
من بداية العام راكم هاك ؟؟؟ كيفاه ما هدرتوش ؟؟؟
ياااه لي كور ؟؟؟ و هو ما هوش حق عليه يقريكمم ؟؟ ياك راه يخلص ، ممم يعني حقااا كاين نمادج من هادو ، الله يعينكم هدا ماكان ،


شكاو الى مديرية التربية الخاصة بالولاية نتاعنا والله ما دارو حاجة

كاين ناس ماتحافش ربي
والله كان نزيد نقولك غير ف الفيزاياء درس نتاع الوشيعة دارهولنا حول المقاومة
كي رحت شفت ليكور نتاوعو لقيتو مش نفس المعلومات
الرياضيات درس نتاع المعادلات التفاضلية والله ما درهولنا
المرجح ومجموعات النقط كل وين تجي حصة نقولولو ديرهولنا قالنا منقريش
و

وزيد هاد غير لي تفكرتو وربي شاهد على هدرتي
وعرفت هاد الشئ كل من كراس صحبتي نتاع العام لي فات

وآش نقول لك أختي ؟ ربي يوفقك و مآ تديريش على بعض الأساتدة بويسك مآ يمدوش قآع الأفكآر و دآيرين التلميد آلة يروح يقرا وحدو ولا يدبر راسو خخخ ،
ربي يوفقك ،
سلام