عنوان الموضوع : الى كل راسب ..
مقدم من طرف منتديات العندليب

السَلام عليكم و رحمة الله تعالى و بركاته
اولا نبارك للجميع الاخوان والاخوات الذين تحصلوا على هذه الشهادة المهمة و اتمنى لهم مزيدا من النجاح و ان شاء الله العقوبة للشهادات العليا
اخوتي الراسبين وانا معكم
حبيت نقلكم بلي يا ودي ماهيش نهاية العالم
انا كنت نقرا و من الاوائل و قع لافامي دايرتني نجيبو و للساف فشلت في 2016 و زيد هاد العام 2015
عامي الاول منكدبش عليكم كنت حاب نعاودوا و كي عاودتو اكتشفت بزاف صوالح و خبرة و عرفت صحابي من حبابي و تعلمت بزاف حوايج
و السنة تاني مجبتوش و تعلمت بزاف حوايج و منكدبش عليكم السنة طاحلي المورال و قررت منعاودوش مي انا في لافامي قع
عاودوه 3 مرات عندي 2 بنات خالتي عاودوه 3 خطرات و ظرك وحدة راها تخدم في مستشفى محمد بوضياف بالمدية سكرتيرة و الاخرى لازالت تدرس في المدرسة العليا للتجارة
و عندي بنت خالي ايضا في عامها الثالث جابتو و الان هي معلمة فرنسية في الابتدائي
و هذا العام لا انا ولا ابنت خالتي نجحنا علما ان كلانا عامنا الثاني
ان شاء الله العام الجاي نجيبوه قع كيما رانا
ملازمش نقنطو من رحمة ربي بالعكس الحمد لله لانو هادا مكتوب ربي و ربي شايفلنا فيها الخير و حنا مجرد عباد نمشو في الطريق اللي راهو كاتبولنا ربي منقدرو نديرو والو
نعرف ناس و الله عاودوه اكتر من مرة تصل لل 5 مرات و الان اطارات مهمة و نعرف وحدة صاحبة اختي عاوداتو 7 مرات و الان هي نائبة في البرلمان
استغفروا الله و نورمال بالعكس هادي خبرة ليك و تعلمك درووووس بزااااااااااااااااااااااااااف في الحياة و تفهمي بزاف صوالح
وكل حاجة من عند ربي مرحبا بيها
مالا وشكون راه مستعد معايا نعاودوه ؟؟؟



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

oui c vrai ................ bonne courrage

=========


>>>> الرد الثاني :

شكرا ليك أخي راني درت الكوراج من هدرتك وان شاء الله نعاودوه وندوه بمعدلات مشرفة....الان أصبح هدفي ليس البكالوريا فقط بل معدل 15ان شاء الله....تحياتي

=========


>>>> الرد الثالث :

راني معاك اخي صدام نعاودوه بادن الله نجيبوه

=========


>>>> الرد الرابع :


=========


>>>> الرد الخامس :


=========