عنوان الموضوع : ساعدوني في مواد الحفظ لتحضير البكالوريا
مقدم من طرف منتديات العندليب

السلام عليكم و رحمة الله و بركاته
اخواني أعاني من مواد الحفظ (النسيان)
أحفظ الدرس بكامله أستغرق فيه ساعات وعند اتمامي أحاول إختبار نفسي أجد نفسي و كأنني لم أحفظ قط
ما العمل؟؟ حاولت الحفظ في أوقات مختلفة قبل صلاة الفجر و بعد صلاة الفجر في الصباح و المساء
و النتيجة نفسها
فكرت في تلخيص الدروس فخشيت أن أحذف أشياءا قد تكون مهمة
ارجو منكم ارشادي و لو بنصيحة واحدة أو فكرة صغيرة
و إليكم مني الدعوات الخالصة
بالتوفيق للجميع


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

لدي نفس مشكلتك

=========


>>>> الرد الثاني :

السلام عليكم
ههه أختي نفس المشكل تقريبا
أنا نحفظ عادي بالصح نطول بالصح نكررررررررررهه الحفظ ++ كي نعاودو كي نكمل الحفظ نورمال * مثلا راني كملت الحفظ صباحا * بالصح كون نعاود نرجع نعرض على على روحي مساءا يتبخر كل ما حفظته ،
++
سأريك طريقة علها تفيدك و تفيدني و تفيد الكل هنا ،
استعملتها في الرابعة متوسط وكانت النتائح باهرة
و هي التكررراااااررر التكراااااااااااااار ،
لما تحفظي الدرس الآن ، عاودي أضربي عليه طلة و منبعد الغدوة عاودي راجعيه * وإذا ما تحفظش في الذاكرة تاعك كيما أنا رايحة تعاودي تحفظيه كيما المرة الأولى *
اليوم 3 ولا ، عاودي أحفظيه ثان
اليوم 7 عاودي ثان أحفظي
اليوم 9 و لا 10 رايحة تعاودي تراجعيه إن شاء الله في مدة لا باس بيها
----------------------
بالنسبة ليا في المرة الأخيرة و نستغرق 2 ساعتين في المراجعة * درس واحد * ،

*******
ربي يوفقنا إن شاء الله ،

=========


>>>> الرد الثالث :

و الله أنا أحيانا درس واحد يفوت 2 ساعتين وكي ننسا يغيدني الوقت
بصح قوليلي دركا أنا نبقى مع درس واحد و لا زوج نعاود فيهوم و الدروس لخرين لي ما زال ماشفتهومش أصلا الأستاذة أعطاتلنا مطبوعات عليهم
و التربية الإسلامية الفصل الثالث رايح كامل مطبوعات و كامل يخوفو
++ نهار الأحد الباك أبيض
تعيشي قوليلي كيفاش ندير
شكرااااااااا على الإهتمام
وبارك الله فيكي على النصيحة
ربي يحفظك و يوفقك في الدراسة و الحياة

=========


>>>> الرد الرابع :

المشاركة الأصلية كتبت بواسطة ملكة الامتياز
لدي نفس مشكلتك

ابقي معي لنستفيد من manothebest و من العابرين
ربي يوفقك

=========


>>>> الرد الخامس :

ههههههههههههه، أنا ما ديماريتش قع في الحفيظ...........راني حاير واش ندير
دوك مانيس عارف يلا نحفظ شريعة ولا تاريخ وجغرافيا..........

=========


المشاركة الأصلية كتبت بواسطة rabah tiaret
ههههههههههههه، أنا ما ديماريتش قع في الحفيظ...........راني حاير واش ندير
دوك مانيس عارف يلا نحفظ شريعة ولا تاريخ وجغرافيا..........

أنا راني نبكي لأني نحفظ و ننسا و انت تضحك لأنك ماحفظتش قع
و الله همي يبكي و هم يضحك هههه
كي تنوي تبدا قولي كافاش الدير
ربي يحفظك خويا
موفقون ان شاء الله


المشاركة الأصلية كتبت بواسطة wiya miya
ابقي معي لنستفيد من manothebest و من العابرين
ربي يوفقك

ويوفقك أيضااا
حل مشكلتنا ليس بالأمر الصعب

المشاركة الأصلية كتبت بواسطة ملكة الامتياز
ويوفقك أيضااا
حل مشكلتنا ليس بالأمر الصعب

هل هذا يعني أنك وجدتي الحل؟؟؟؟؟؟؟

سلام أختي صدقيني راح تتذكري كللشي يوم الامتحان مادمت تحفظي
بصح لازم تفهمي قبل ما تحفظي هكدا تقدري تجاوبي على اي سؤال مهما كانت صياغته لكن اذا كنت تحفظي بدون فهم بمجرد غلق الكراس تنساي كللش
ونصيحتي لكم يا طلااب ابداو بالحفظ من دوكا متخليوش للنهارات الاخيرة وتبداو هكداك متهزو والو
بالتوفييييييق

المشاركة الأصلية كتبت بواسطة mimia zizou
سلام أختي صدقيني راح تتذكري كللشي يوم الامتحان مادمت تحفظي
بصح لازم تفهمي قبل ما تحفظي هكدا تقدري تجاوبي على اي سؤال مهما كانت صياغته لكن اذا كنت تحفظي بدون فهم بمجرد غلق الكراس تنساي كللش
ونصيحتي لكم يا طلااب ابداو بالحفظ من دوكا متخليوش للنهارات الاخيرة وتبداو هكداك متهزو والو
بالتوفييييييق

مي واش نفهم فالتاريخ و الجغرافيا
ننسى الكلمة الأولة يروح كلش
ماذا عن فكرة وضع الدرس في شكل مخطط هل هي فكرة جيدة أم مضيعة للوقت؟؟؟؟؟
بارك الله فيك على النصيحة
ربي يحفظك خويا

المشاركة الأصلية كتبت بواسطة wiya miya
مي واش نفهم فالتاريخ و الجغرافيا
ننسى الكلمة الأولة يروح كلش
ماذا عن فكرة وضع الدرس في شكل مخطط هل هي فكرة جيدة أم مضيعة للوقت؟؟؟؟؟
بارك الله فيك على النصيحة
ربي يحفظك خويا

أولا انا أختك ثانياا وضع مخطط للدرس فكرة جيدة وانا كيما جوزت الباك كنت نعتمد على تلخيص الدروس ووضع مخططات ليسهل الفهم والاستيعاب كنت نفرا من الكراس بشكل عام ونفهم مليح المحتوى ومن بعد نهز الملخص ونحفظو ونهار لي جوزت فيه الباك قريت غير من الملخصات
والله الباك سااااااهل بزاااااااااف حاولي متضيعيهش من يدك لازم جيبي معدل مليح وارواحي ليا للقبة ههههههههه ونصيحتي ليييك لازم تبعدي الافكار السلبية من راسك وكوني متفااااااااااااائلة جداا وديما قولي لنفسك انا راني نقرا ونتعب أكيد ربي مش رايح يضيع تعبي
قوليلي واش حابة ديري كي تنجحي

السلام عليكم
يا الخاوة انا تانيت راسي بيدون مانجي نحفظ فقرة ننسى الفقرة لي قبلها مي هادا كان من قبل
اليوم عندي طريقة هايلة للحفظ :
1-نفهم لروحي الدرس بالدارجة ( اتخايلو رواحتيكم راكم تفهو الدرس الدرس لواحد امي ما يفهم والوا )
2- كي تكونو تقراو في الدرس سجلو صوتكم في التيليفون و من بعد ديرو الكيتمان و قعدو تسمعو في روحكم و الكراس في يدكم
و كاينة هاجة كي تسجلو في التيليفون روحكم و نتوما تقراو في الدرس مليحة بزاف زعما كي تحسو رحكم نسيتو الدرس عودوا اسمعو التسجيل تاعو برك
و الله طريقة هايلة انا راني نديرها و ساعدتني بزاف

المشاركة الأصلية كتبت بواسطة mimia zizou
أولا انا أختك ثانياا وضع مخطط للدرس فكرة جيدة وانا كيما جوزت الباك كنت نعتمد على تلخيص الدروس ووضع مخططات ليسهل الفهم والاستيعاب كنت نفرا من الكراس بشكل عام ونفهم مليح المحتوى ومن بعد نهز الملخص ونحفظو ونهار لي جوزت فيه الباك قريت غير من الملخصات
والله الباك سااااااهل بزاااااااااف حاولي متضيعيهش من يدك لازم جيبي معدل مليح وارواحي ليا للقبة ههههههههه ونصيحتي ليييك لازم تبعدي الافكار السلبية من راسك وكوني متفااااااااااااائلة جداا وديما قولي لنفسك انا راني نقرا ونتعب أكيد ربي مش رايح يضيع تعبي
قوليلي واش حابة ديري كي تنجحي

بارك الله فيكي أختي على كل هذه الإرشادات
و الله الحاجه لي راني متمنيتها هي اني نقرا الطب مي راني خايفة مانلحقش المعدل ليخليني نديرها
لأني لست بتلميذة نجيبة أو ممتازة
معدلاتي الفصلية 12
لكني سأحاول و بإذن الله قد أتحصل على معدل جيد نقابلك بيه فالقبة ههههههه
ربي يحفظك اختي

المشاركة الأصلية كتبت بواسطة khadidja50
السلام عليكم
يا الخاوة انا تانيت راسي بيدون مانجي نحفظ فقرة ننسى الفقرة لي قبلها مي هادا كان من قبل
اليوم عندي طريقة هايلة للحفظ :
1-نفهم لروحي الدرس بالدارجة ( اتخايلو رواحتيكم راكم تفهو الدرس الدرس لواحد امي ما يفهم والوا )
2- كي تكونو تقراو في الدرس سجلو صوتكم في التيليفون و من بعد ديرو الكيتمان و قعدو تسمعو في روحكم و الكراس في يدكم
و كاينة هاجة كي تسجلو في التيليفون روحكم و نتوما تقراو في الدرس مليحة بزاف زعما كي تحسو رحكم نسيتو الدرس عودوا اسمعو التسجيل تاعو برك
و الله طريقة هايلة انا راني نديرها و ساعدتني بزاف

بارك الله فيكي أختي
شكرا على الفكرة سأجربها