عنوان الموضوع : انا طابة الثانية ثانوي اريد استشارتكم
مقدم من طرف منتديات العندليب

اصدقاء الثالثة ثانوي اريد اخباري الدروس لي نركز عليهم في الثانية ثانوي بش يجيوني ساهلين في ال باك
من فضلكم و بعض نصائح منكم
......




>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

الرياضيات والفيزياء : ركزي على كلشي لانه كله مرتبط ببعضه من طقطق للسلام عليكم
العلوم : على كلش ماعدا الدروس تاع الغدة النخامية والمبيض وووووو هاذوك ماكانش في برنامجنا تاع الباك لكن ملح انك تفهميهم لانو ممكن يجوك في تمرين لكن مايطرحولكش اسئلة عليه وانما على دروس الباك ولكي تفهمي التمرين لازمك تكوني عندك نبذة على هاذ الدرس
الورااااثة ركزي عليها والاتصال العصبي لانهم يتعاودو والنممط التكويني والظاهري مهم ايضا والكل مهم
ادب عربي : ركزي على القواعد والبلاغة طريقة الاجابة على اسئلة النصوص يعني لازمك تفهميها لان برنامج الباك هو يتبع برنامج السنة ثانة يعنينتم تقراو مرحلة حتى للعصر العباسي وحنا المرحلة الي بعدها
التاريخ : ركزي ركزي ركزي على المصطلحات كلها والدروس كلها خاصة وحدة الجزائر و الحربين العالميتن يعني حتى الحركات التحررية ايضا لانه كلشي متعلق ببعض
الجغرافيا : قد تختلف في بعض الامور لكن كي تفهميها راح تفهمي التاريخ لانهم يمشو بالتوازي
الفرنسية والانجليزية : ركزي عل المجالت تاع الفرنسية لانها متشابهة نوعا ما والقواعد في كلا المادتين يعني بالنسبة لكليهما من الاحسن انك تهتمي بيهم من هاذ العام بش ماتتعبيش في الباك
شريعة : دروس مش نفسها وانما يوجد اتصال لبعض الدروس يعني ادرسيها بشكل عادي فقط


وعلى كل حاول تفهمي كلشي وماتخلعيش روحك من درك ماتقوليش لازمني نفهم درك بش مانتعبش في الباك
من وجهة نظري من الاحسن انك تقولي نفهم كلش بش نتحصل على اعلى المعدلات في سنة ثانية وذلك لكي لا تتعبي نفسك ذهنيا وماتتخلعيش انا عني درست كل عام عادي وحدو والصيف ماقريت والو وهذا احسن

وبالتوفيق لك يارب

=========


>>>> الرد الثاني :

شكراااااااااااااااااا أفدتيني ربي ينجحك بمعدل الذي تريدينه بالتفوق

=========


>>>> الرد الثالث :

آآمين يارب عزيزتي
وليكي انتي ثاني اتمنى كل التوفيق

=========


>>>> الرد الرابع :

اختي ما تهملي والو ركزي على كلشششششششششششششششش بالتوفيق

=========


>>>> الرد الخامس :

ركزي على كلش
وننصحك درك اجتهدي واقراي
وادا ماعندكمش استاد في اي مادة كانت ديري دروس الدعم فيها وماتحبسيهاش
مش كيما حنا طلعنا للباك مسكرين طول في الفيزياء

ولو عندك ضعف في الانجليزية والفرنسية حسني من مستواك فيهم لو حبيتيمن الان
ديري دروس دعم في المدارس اللي يعلموك اللغة الفرنسية او الانجليزية بالمستويات منها تستفيدي هاد العام

والصيف ننصحك ريحي روحك وبعد رمضان اي بعد العيد ابداي اقراي ريفيزي دروسك تاع الدوزياك حلي تمارين وسوجيات تاع السنة الثانية ثانوي رجعي مكتسباتك القبلية
واحفظي ولا حاولي تجيبي كتب عالاقل ادي نظرة على الباك
انا هاد العام صح مازال مافاتش ومتاكدة مانديهش

مي نشالله العام الجاي نبدل الطريقة كامل لانو ماكانتش عندي نظرة عالباك والان ولات عندي نظرة

ربي يوفقك

=========


شكرا و ربي ينجحكم ان شاء الله