عنوان الموضوع : تكريم المتفوقين بكالوريا علمي
مقدم من طرف منتديات العندليب

بالاك مش وقت نسأل هذا السؤال بالنظر للظغط لكن اعتبر الإجابة عنه عبارة عن pushبالنسبة لي لاني صراحة تعبت نفسيا و جسديا. أنا مترشحة حرّة أتقدم للامتحان للمرّة الثالثة ، بمعنى أني متحصلة على البكالوريا مرتين بمعدلات جيدة الحمد لله لكن حبيت امتياز و لهذا السبب أني نعاود و فرطت في الدراسة في الجامعة في اختصاص الهندسة و العمران و المدرسة التحضيرية للعلوم التجارية و هما اختصاصين يحلم بهما البعض و لهذا ينعتني الجميع بالغبية و لي ماتعرفيش صلاحك الخ لكن صدقوني خاوتي ماقدرتش نقراهم الله غالب بالي مع المدرسة العليا للإعلام الآلي . و سؤالي المترشح الحر كي يجيب معدل 18 او 17 بفاصلة كبيرة يكرموه في قصر الشعب ولّا التكريم يخص المترشحين المتمدرسين فقط؟ لي يعرف واحد حر تكرم ولا عندو فكرة يفيدني ربي ينجحكم *.*


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

الواضح انك واثقة في روحك ربي يعاونك واين وصلتي مع المراجعة في كل مادة انا مثلك مترشحة احرار ومزال ماخلصتش

=========


>>>> الرد الثاني :

المشاركة الأصلية كتبت بواسطة thyziri yrathen
بالاك مش وقت نسأل هذا السؤال بالنظر للظغط لكن اعتبر الإجابة عنه عبارة عن pushبالنسبة لي لاني صراحة تعبت نفسيا و جسديا. أنا مترشحة حرّة أتقدم للامتحان للمرّة الثالثة ، بمعنى أني متحصلة على البكالوريا مرتين بمعدلات جيدة الحمد لله لكن حبيت امتياز و لهذا السبب أني نعاود و فرطت في الدراسة في الجامعة في اختصاص الهندسة و العمران و المدرسة التحضيرية للعلوم التجارية و هما اختصاصين يحلم بهما البعض و لهذا ينعتني الجميع بالغبية و لي ماتعرفيش صلاحك الخ لكن صدقوني خاوتي ماقدرتش نقراهم الله غالب بالي مع المدرسة العليا للإعلام الآلي . و سؤالي المترشح الحر كي يجيب معدل 18 او 17 بفاصلة كبيرة يكرموه في قصر الشعب ولّا التكريم يخص المترشحين المتمدرسين فقط؟ لي يعرف واحد حر تكرم ولا عندو فكرة يفيدني ربي ينجحكم *.*


حاولي أن تكوني الأولى وطنيا وبتقدير ممتاز هكذا تفرضينا نفسك عليهم وتكرمين من طرف رئيس الجمهورية موفقة انشاء الله


=========


>>>> الرد الثالث :

المشاركة الأصلية كتبت بواسطة zahraino
الواضح انك واثقة في روحك ربي يعاونك واين وصلتي مع المراجعة في كل مادة انا مثلك مترشحة احرار ومزال ماخلصتش

ولله مانكدب عليك مازالت ماكملت حتى حاجة ماعدا الفيزياء و العلوم بحكم الخبرة حفظنا البرنامج هههه. انشاء الله في العطلة نكمّل وش بقالي، هذا لانّي ماعنديش بزاف ملّي اتخذت قرار نحبّس الجامعة

=========


>>>> الرد الرابع :

المشاركة الأصلية كتبت بواسطة محمد أنس 09
حاولي أن تكوني الأولى وطنيا وبتقدير ممتاز هكذا تفرضينا نفسك عليهم وتكرمين من طرف رئيس الجمهورية موفقة انشاء الله

انشاء الله هذا حلم الجميع *.* ينقصني الحماس لكن انشاء الله اوفّق و كذالك الحال بالنسبة لكم جميعا

=========


>>>> الرد الخامس :

ربي يوفقك معليش نسقسيك منين راكي تريفيزي العربية والفرنسية والانجليزية واشمن مراجع لانوا المواد هذوا هبلوني حبى نتفوق فيهم بصح النيفوا محبش يطلع

=========


العربية كاين كتاب ممتاز اسمو الموجّه في تحليل النصوص الأدبية لصبري موسى العجاوي و بالنسبة للفرنسية و الانجليزية عمري ماراجعتهم لكن العام هذا سأعتمد على حوليات مستقبلي .. المتفوقين كامل في الباكلوريات السابقة اجمعوا و أكدوا ان حوليات مستقبلي و كتاب الموجه هي أحسن المراجع . موفقة اختي


رب ينجح كل فرد يتعب لنيل هذه الشهادة باش يفرح والديه ويوصل الطموح تاعه حتى انا متمني مدرسة العليا اعلام الي مستقبل ولااروع والى الاخوة الكرام افيدونا بخبرتكم لاجتياز هذه العقبة بنجاح باهر لكل الاخوة انشاء الله ..............نحن ننتظر لاتبخلوا علينا

في اعتقادي لا يتم تكريم اصحاب البكالوريا الحرة لانهم غير تابعين لوزارة التربيه لكن ممكن لو كان نجاحك باهرا تعملي استثناء مثل ما قال الاخ