عنوان الموضوع : لدي مشكلة فعلا لم اجد لها حل ارجو المساعدة تحضير بكالوريا
مقدم من طرف منتديات العندليب

السلام عليكم ورحمة الله تعالى وبركاته
الكل يعلم لم يتبقى سوى 10 ايام للباك والجميع بصدد المراجعة النهائية لكن انا والله راني حايرة ما قدرتش نراجع في البيت لانو بكل بساطة عندي اختي صغيرة هبلتني عمرها 4 سنوات تتكلم كثييييييييييييييرا وهي متعلقة بيا بزاااااف يعني كل صباح معايا وفي الليل دايما نحكيلها حكاية وكي نكون نقرى اتجي قدامي وتلعب وتقلقني بالهدرة ماتسكتش كامل وكي نغلق الباب على روحي ونخرجها هي تبقى داخلة خارجة يعني نزيد الفوضى على روحي والعايلة نتاعي يقولو معليش راهي غير تلعب ما فيها وااالو
والله راح نهبل صوتها راه يدور في راسي كل وقت وانا ما نحبش نضربها ولا نعيط عليها لخاطرش تزيد اكثر واتولي ما تخطينيش مشاغبة .
شكون الشاطر لي يلقالي حل ولا راح نكمل نهارتي هكا معايا ومع حكاياتها


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

تحدثي مع والديك باش يحبسوها على الاقل 10 ايام ومبعد فلتطلق العنان هههههه

+

المراجعة الجماعية عند الزملاء

=========


>>>> الرد الثاني :

ههههههههههه حقا انت في مشكلة اختي
واش نقولك سهيها بكاش حاجة اعطيلها ورقة و قلم و قوليلها ترسم و اعطيها الالوان هكا تخطيك شوي
ولا شعليلها التلفزيو و ديريلها طيور الجنة ياك لولاد الصغار كامل يحبوها

=========


>>>> الرد الثالث :

المشاركة الأصلية كتبت بواسطة Wiem4
ههههههههههه حقا انت في مشكلة اختي
واش نقولك سهيها بكاش حاجة اعطيلها ورقة و قلم و قوليلها ترسم و اعطيها الالوان هكا تخطيك شوي
ولا شعليلها التلفزيو و ديريلها طيور الجنة ياك لولاد الصغار كامل يحبوها

والله يا اخت وئام دايما نعطيلها ترسم مي هي ترسم وتهدر وكل دقيقة تقولي شوفي واش رسمت شوفي ....شوفي
وزيد طيور الجنة كرهت منهم وملتهم تحوس غير الجديد
شكرا علي النصيحة

=========


>>>> الرد الرابع :

ادهبي للمكتبات فهي تفتح النهار كاملا

=========


>>>> الرد الخامس :

هههه انا راح نظلمك ياسمين راح نجي مع ختك الصغيرة ههههه
يو راني نزعق الحل المثالي هو انك تهدري مع يماك ولا كاش وحدة من خياتك يهتمو بيها هادو العشرة ايام اوموا تنقصي شوية
ومنبعد يفتح ربي سبحانو
ولا ديريلها كيما قاتلك وئام

لازم تسايسي ميمو هه قال صلى الله عليه وسلم


=========


نفس الحالة تماما امر بها -_-

اذهبي عند اقاربك الذين ترتاحين عندهم


السلام عليكم

صحيح صغيره بريئه مانقدروش نلوموها لكن ماتنسايش بلي هذا المصير تاعك و كما قلتي بقاو 10ايام مالا ماتتهاونيش انا ننصحك حاجه جربتها لاني مانقدرش نقرا في البيت ههه كاين بزاف مغريات (النت اولها) و زيد الجيران ربي يسامحهم قلبو دارهم قاع راهم يعاودو فيها مالا مانحكيلكش الحس لازم ندير اشتراك عند الشركه لي تخدم دولبران و بنادول ههه

المهم الحل انك تروحي للمكتبه البلديه تاعكم ولا مركز ثقافي ولا واش عندكم وين تسكني .. ادي معاك ادواتك و ديري برنامج اقراي حتى يكمليه و ولي للدار اقراي حاجات خفاف مثلا فرنسيه ولا لكن الاهم من المواد الاساسيه خارج المنزل

إذا مكاش شوفي صديقه مقربه اشرحيلها الوضعيه تتفهمك و ولي اقراي معاها

المهم القاي حل و بوسه للاخت المشاعبه ههه

المشاركة الأصلية كتبت بواسطة ياسمين26
والله يا اخت وئام دايما نعطيلها ترسم مي هي ترسم وتهدر وكل دقيقة تقولي شوفي واش رسمت شوفي ....شوفي
وزيد طيور الجنة كرهت منهم وملتهم تحوس غير الجديد
شكرا علي النصيحة

هههههههههههه اختك وحدها ربي يطول في عمرها ان شاء الله
و الله اختك تحتاج الى دراسة لمعرفة كيفية التحكم بها ههههههههه
جيبيلها كاش وحدها من قريباتك وخليها تلعب معاها ولا اهربيلها ادخل لبيتك خلسة و ماتخليهاش تشوفاك تحوس عليك شوي و من بعد تخطيك
ربي يكون معاك ياسمين

السلام عليكم

الامر سهل جدا وخاصة مع الصغار

صغار +نقود+حلوى=رااااحـة
خخخ ديريلها شهرية صغيرة ولا يومية صغيرة افضل
كل يوم اعطيها شوية نقود وحلوى وقوليلها لو كان تبتعدي عليا وتخليني نقرا في حالي... غدوة نعطيك الدوبل,, واش رأيك ؟ أكيد جوابها يكون ايجابي يعني راح تقبل ههه
ولكن نقترح عليك تبداي العطاء بشوي برك وفي نفس الوقت يكون فعال بالنسبة ليها باش ما تفيّطيش في اليوم العاشر لانك كل يوم تضاعفي العطاء كيما المخدرات خخخ خخخ هي اكيد عشرة ايام تعيش كيما الملوك بالنسبة ليها وتخطيك وتخليك في حالك

لازم شوي تضحية
بالتوفيق


والله الحلول كامل درتهم في راسي الذهاب للمكتبة والاقارب والاصدقاء لكن الظروووف مرات لا تسمح بذلك

شكرا جزيلا على النصائح

المشاركة الأصلية كتبت بواسطة wiem4
هههههههههههه اختك وحدها ربي يطول في عمرها ان شاء الله
و الله اختك تحتاج الى دراسة لمعرفة كيفية التحكم بها ههههههههه
جيبيلها كاش وحدها من قريباتك وخليها تلعب معاها ولا اهربيلها ادخل لبيتك خلسة و ماتخليهاش تشوفاك تحوس عليك شوي و من بعد تخطيك
ربي يكون معاك ياسمين

وئام انت بالاك ما شفتيش اطفال في عمر 3 او 4 سنوات ياو جنووون يفيقو لكلش ويهدرو بزااااااااااف

كان الله في عوني

المشاركة الأصلية كتبت بواسطة سآجدْ للهْ
السلام عليكم

الامر سهل جدا وخاصة مع الصغار

صغار +نقود+حلوى=رااااحـة
خخخ ديريلها شهرية صغيرة ولا يومية صغيرة افضل
كل يوم اعطيها شوية نقود وحلوى وقوليلها لو كان تبتعدي عليا وتخليني نقرا في حالي... غدوة نعطيك الدوبل,, واش رأيك ؟ أكيد جوابها يكون ايجابي يعني راح تقبل ههه
ولكن نقترح عليك تبداي العطاء بشوي برك وفي نفس الوقت يكون فعال بالنسبة ليها باش ما تفيّطيش في اليوم العاشر لانك كل يوم تضاعفي العطاء كيما المخدرات خخخ خخخ هي اكيد عشرة ايام تعيش كيما الملوك بالنسبة ليها وتخطيك وتخليك في حالك

لازم شوي تضحية
بالتوفيق

راني نشوف بلي هذا حل مناسب والمعادلة هاذيك مليحة ههههه
راح نطبقها ونشوف..... مي اختي صغيرة وما شكيتش راح يغروها الدراهم
مررررسي

ابداي الدراسة مع ال 23:00 وارقدي بعد ال 4:00 ..

بيان سير الصغار البراءة ما يفوتوش ال 22:00 ويرقدو ..

√ حل صعب " لكنه هكذا ^^

اشري لعبة تلهيهآ ،، هذه البرآءة ^^