دخولكمـْ مهم. لنعرف كلنآ أين وصل الجميع في المرآجعة لتحضير البكالوريا
عنوان الموضوع : دخولكمـْ مهم. لنعرف كلنآ أين وصل الجميع في المرآجعة لتحضير البكالوريا
مقدم من طرف منتديات العندليب
السلآم عليكم ، حبيت نفتح موضوع مفتوح لجميع الأعضآء لكي نعرف كلنآ في أي وضعية نحن مقآرنة بالأعـضآء الآخرينْ . وأيضآ كسب رآحة نفسية وشحنة معنوية
---
أنآ تقريبآ كملت الريآضيآت والعلوم ، مآزال شوية فيزيآء
موآد الحفظ : نزيد نحفـــظ الاجتمآعيآت والتربية الاسلامية كملتهآ .
المواد الأخرى رآني مراجعهآ كل مآعدآ الأدب نزيد تطبيقآت في البنآء اللغوي . وأنت؟
--
هنآك مسآحة حرة لكل الأعضآء لكلمة أو نصـآئح ..
بالتوفيق للجميـــع ،
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
مع احترامي موضوع معندو حتى معنى وش معنتها تنعتلي وين وصلت ونعتلك وين وصلت ونزيد نقولك وش المادة لي متخوف منها وش العقلية
=========
>>>> الرد الثاني :
المشاركة الأصلية كتبت بواسطة dtinfo 
مع احترامي موضوع معندو حتى معنى وش معنتها تنعتلي وين وصلت ونعتلك وين وصلت ونزيد نقولك وش المادة لي متخوف منها وش العقلية
كتآبة موضووع مجآنية وآكـْشكون يسآلني
أنت مآعجبكش ولكن ( أنــآ ) حآب نزيد نعرف ونتبآدلو النصآيح ،، بالتوفيق أخي فليس كل النآس متشآبهين
=========
>>>> الرد الثالث :
تقريبا اني كيفك
اللهم توفيقك
=========
>>>> الرد الرابع :
السلام عليكم
الرياضيات : لا علاقة
العلوم مليحة
الفيزياء نقولو الحمد لله
العربية الانجليزية الاجتماعيات العلوم شرعية : ربي يسلكها
الفرنسية / فلسفة : والوووووووووووووو
=========
>>>> الرد الخامس :
Slm phy rani m3aha math chuiya science cv arab et français c bn philo un peu mezal makmlthach chari3a mezali riba geo & his un peu mezali chuiya hefadha bitawfik nchllh pr all
=========
lمرحبا ابرااهيييم
واش حواالك ؟
أمممم أنا خايفة من الرياضيات، العلوم والعربية .. كذلك الفلسفة
أصلا الفلسفة ماكانش اللي مايخاافش منها هههههههه
بالنسبة للمراجعة
العلوم بقاتلي المناعة والانزيمات هادو ماراجعتهمش خلاصصصصص
الفيزياء بقاتلي نحل شويا تمارين على الكهرباء، الأحماض والوحدة الأولى
والرياضيات راني متخوفة من المتتاليات ماتتصورش قدماااه
وأخيرا مواد الحفظ .. حافظة من كل بستاان زهرة هههههههههه .. أصلا هكا أنا .. نحفظ بالأجزاء هههه
هات برك نكمّلهم قبل الوقت ههههه
الأدب العربي .. راني ندير دروس خصوصية .. الفرنسية والانجليزية مانيش نقرا فيهم خلاص
ممكن نراجعهم في ليلتهم وفقط لأني عام كامل وأنا نقرا فيهم
بزاااففففف
وربي يجيب اللي فيه الخييير
بالتووفيق وشكرا على الموضوع
خليتني نفرغ فيه قلبي
الفلسفة لا علاقة لي بها
الاجتماعيات شوية شوية
التربية الاسلامية لازم نزيد نراجعها
المشاركة الأصلية كتبت بواسطة just person
الفلسفة لا علاقة لي بها
الاجتماعيات شوية شوية
التربية الاسلامية لازم نزيد نراجعها
أهلين نعمة
الحمد الله رآني في نِعمة وانت كيفـ الأحوآآل
غير بشوية و تكملي ان شآ الله بالتوفيق لكـِ
المواد العلمية حليت بزااف تمارين مي كل مرة نحس روحي ناقصة شوية
الحفظ يعني محال نكمل بكل بساكة الشخصيات والمصطلحات تقريبا كملتهم أما الدروس أعتمد على الفهم وثقافتي في التاريخ لاباس بيها بكل تواضع
اللغات حليت موضوعين فقط والباقي ليلة الامتحان
أكثر مادة متخوفة منها العلوم لاأنه كل مرة ندير أخطااء فادحة و معامل المادة لا يغفر لي
مشكور على الطرح وربي يسهل
العلوم راجعتها كاامل مازال لي غير تمارين المناعه و الوحده نتاع التنفس و تمارينها
الفيزياء راجعت الميكانيك وتقريبا أكملتها و هااذا وين راايحه نبدأ بالوحده الثانية
ومازال الكهرباء استره احماض واسس
الرياضيات راجعت الدوال و الهندسة و شوي اعداد مركية ومتتاليات والوو
ممكن نتخلى على تمرينها
رأيكم يهمني
الأدب الحمد الله ماعنيش مشكل معاها نرااجع غير الاعراب نقدر نجيب فيها اكثر من 15
الفرنسية و الانجليزية لا علاقة
الفلسفة لدي مقالات من المنتدى غدا ساحفظهم و سلاام على الفلسفة
الاجتماعيات
الجغرافيا اكملت الحمد الله
تاريخ مازال الشخصياتت نتاع الوحده الثانية و الثالثة
ومصطلحات الوحده الثالثة
وبعض دروس الجزائر الخاصة بالمفاوضات
العلوم اسلامية حافظتها وعاودت راجعت للوقف وحبست قلت للسبت ونراجعها كامل
أعتقد ان هذه هي كل المواد
نصااائحكم تفيييدني وانا بحاجتها
وفقكم الله
الســلااام عليكمممم
العلوم مآقريتش التركيب الضوئي و التنفس ،، المناعة مآرجعتهاش كيف يلزم
الفيزياء غدوى نقرى الميكانيك كآمل إن شاء الله بآآه نتهنى منوو عندي بزآآف مآحليتش تمآآرين في الفيزياء بسبب الميكآنيك جعلني آكرهها لكن مجبرا أخاك لا بطل =) المهم غدوى نضرب عليها طلت نتمنى نكون مآنسيتش كيما رآآني حآسة
الرياضيات مآآزال الدوال مآقريتهمش مليح كنت معولة ضرك ندرس دآلة آنا قاعدة ندور هنآآ
االلغة العربية لم أراجعها منذ مدة متخوفة من القواعد تحا بالإضافة إلى أنو البناء الفكري يبآنلي معقد شوي العآم هذا مآ نعرف علاه
الفرنسية و الإنجلييزية كعبة لا
الفلسفة لم آحفظها رني مخليتها لعشيتهااا و خلاه
الاجتماعيات ولله مآنكذب عليك حفظت نص نص و كآين دروس لي مآشفتهمش و الشخصيات لا علاقة
العلوم اسلامية حافظتها و قلت نهآآر الجمعة نرآجعها هي و الآدب العربي
وفقنآآ الله و إن شاء الله كل شخص يصل إللى هدفه
توكلت على الله
هلاّ شاركتمونا هنا
https://www.djelfa.info/vb/showthread.php?t=1597922
ههههههههههه .. ابراهييم !
والله غيير راني نستنى فالباك يعدي ونتهنى ههههه كرهت القراية والمراجعة
كرهت الكتابة وحل التمارين
عدت نجي نحل تمرين نقلق منو ههههه
ربي يفرجها علينا جميييعا
سلام
بالنسبة للرياضياآآت تلقيت بتماريــن صعآب في الكتاب خاصة تاع التشابه المباشر شوية عجزتني باقيلي الهندسة غدوة نكملها
الفيزيآء كملتها مي انا ضعيفة فيها اساسا باقيلي الاسترة يوم الامتحان نطل عليها
الادب ماريفيزتهاش قاع نهار الجمعة ان شاء الله
الفرنسية والانجليزية مادرتش بيهم من بداية السنة الدراسية
العلوم باقيلي المشبك
الحفظ التاريخ والجغرافيا شوي شوي
العلوم شرعية تقريبا خلصتها
الفلسفة حاولت نفهم وربي يجيب الخير
بالتوفيق
ا
رد مع اقتباس
