عنوان الموضوع : حالتي رياضيات
مقدم من طرف منتديات العندليب

السلام عليكم و رحمة الله و بركاته

من يوم البكالوريا ما دخلت المنتدى لاني عارفة رح تبقاو تهدروا على الباك و تبداو التصحيحات و ..... الخ
البارحة دخلت وشفت التصحيحات و صححت مسوداتي
وخاب املي
حيث لما حسبت خرجلي معدلي كارثة


9.73 قريب لعشرة لكم مش عشرة يعني اصبحت بكالوريا 2015 حلم مستحيل بالنسبة لي
والله من البارحة عايشة حالة لا يرثى لها
كل منتفكر هاد النقطة يجيني البكاء وخايفة نكون ضيعت عام من حياتي هباءا





>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

هههههههههه مالا انا واش نقول
يا اختي خليها لربي و لي فيها خير ربي يجيب

=========


>>>> الرد الثاني :

يا اختي

خلي املك بالله كبير

انا راني مثلك

=========


>>>> الرد الثالث :

لا تقولي هكذا اختي ان شاء الله تنجحي بمعدل مكنتيش متوقعاتو

=========


>>>> الرد الرابع :



بمـــآ أنك لقيتيهــآ 9,73 إذا راني متأكدة بلي راني رايحةة نشوف فرحانةة لحظةة اعلآن النتيجةةة ...
لأن التلميذ لما يصحح لروحو يحاول دائما ينقص باش مايطمعش في الكثير ...

ربي يوفقك اختي ... لا تقلقي أبداا .. فكل شيء بيد الله وحده وهو الذي يقدر الأمور ...

=========


>>>> الرد الخامس :

المشاركة الأصلية كتبت بواسطة هند95
السلام عليكم و رحمة الله و بركاته

من يوم البكالوريا ما دخلت المنتدى لاني عارفة رح تبقاو تهدروا على الباك و تبداو التصحيحات و ..... الخ
البارحة دخلت وشفت التصحيحات و صححت مسوداتي
وخاب املي
حيث لما حسبت خرجلي معدلي كارثة


9.73 قريب لعشرة لكم مش عشرة يعني اصبحت بكالوريا 2014 حلم مستحيل بالنسبة لي
والله من البارحة عايشة حالة لا يرثى لها
كل منتفكر هاد النقطة يجيني البكاء وخايفة نكون ضيعت عام من حياتي هباءا



السلام عليكم و رحمة الله

يا أختاه والله غير الكل هكا

حتى انا راني كنت هكا لكن الحمد لله بعد ان فكرت قليلا و عاد لي عقلي تدكرت انه لا فرار من القدر

و قوله تعالي عسى ان تكرهوا شيئا و هو خيرا لكم و عسى ان تحبوا شيئا و هو شرا لكم و الله يعلم و انتم لا تعلمون


يا اختي لا انا يلي نعرف مصلحتي و لا انت تعرفي مصلحتك وين و حتى يماك و قلبها الحنين عليك و ما تعرفش وين مصلحتك بقدر ما يعرف ربي و خوف الله على العباد أكثر من خوف اي شخص آخر علينا

استهدي بالله و اكثري من الدكر و ادعي لله فالله يقول في حديث قدسي أنا عند حسن ظني عبدي بي فإن ظن بي خيرا كنت كذلك و ان ظن بي شرا كنت أسوء من دلك

فلازم انك تحسني الظن بالله و تقولي و تتيقني بأن هدا افضل ليك و مباعد حتى ادا ما أديتيش الباك لا سمح الله انت ما خسرتيش عام من عمرك امن كسبتي عام خبرة و ما زلنا صغار نورمال نعاودوها العام الجاي

لقرايا تجي يا عزيزتي لكن صحتك ما تجيبهالكش لقرايا و ادا بقيتي هكا راهي الحسرة تمرضك و الشيطان لعنه الله هادي مهمته

ابقي دائما متفائلة و انظري للجانب المشرق و ثقي بالله و بنفسك و دوما راهوا كاين يلي اسوء منا

و لا تقولي المكتوب لا مفر منه لا داعي للدعاء او الاستغفار ففي حديث نسيت نصه لكن في معناه ان الله يغير القدر لأنه كتب في اللوح المحفوظ انه ادا دعوته يستجيب لدعائك و يغير القدر و مازالت الفرصة امامك ادعي و ان شاء الله ربي يستجيبلك

و مادا عني انا نسيت بزاف اسئلة ما حليتهاش في المات و العلوم اغلب اجاباتي نلقى عليها نصف العلامة

و الفيزيك ما نهدرش بالكل حليت غير تمرينين و بديت شوي في الثالث رغم اني نحب الفيزيك بزاف و ديما نجيب فيها علامات مليحة و حتى الالمبياد ديما مهبولة بيها و مباعد في 3 ساعات تغدر بيا هكا و في الاسبوع تع الباكالوريا مرضت يوم الثلاثاء بسيف ما رحت حتى للامتحان كنت في حالة لا يرثى لها لكن بفضل الله ظرك راني من اسعد الناس

حتى القلقة تع النتائج والله ما راني حاسة بيها كيما حسيتها في البيام
فالله هو مغير الاحوال قادر على كل شيء فكيف لا يقدر على ان يخطأ المصحح و يزيدك النقاط و من قال انك لن تتحصلي على المعدل و ان اجاباتك خاطئة هدا الدي ترينه مجرد افتراض قد تكون اجابتك قريبة من الاجابة الصحيحة
انا ما استخدمتش المسودات بزاف و حتى كي نستخدمها كي نخرج من القاعو نرميها لاني كتأدة راح يتملكني الحزن و الحسرة فادخبي و تخلصي منها

و ان شاء الله تنجحي بالمعدل الراغبة فيه و ربي يوفقك ديري التخصص الراغبة فيه


عدرا على كثرة الثرثرة

=========



اتمنى لك النجاح والتوفيق اختي





اختي والله ماتديها راني حلفت باينة بلي تدي كتر
قالولي بلي في الباك يرخفو الاساتذة يديهم
ان شاء الله تفرحي بمعدل مليح يا رب
راني نستناك نهار النتائج باه تفرحيني ان شاء الله

لا لا ختي ماتقوليش هكا و تهلكي رووحك كيما قاتلك سام ديما حنا ننقصو لرواحنا و بادن الله غادي تلقي رووحك من الناجحين و خلي ايمانك بربي كبير
اختاه اكتري الدعااء لانه هدا هو وقت الدعاء و لي فات صاي راهو فات و ماتقديش ترديه و تفائلي خير ربي يجيبك و لينا الخير
انا لم الاحظ التصحيحات خفت نتقلق و لكن العلووم ستكوون كارثة

انا نتمنى ليك من كل قلبي التوفيق و ربي ينجحك بادنه
اختك منال

شكرا اخوتي و بارك الله فيكم
اللي كاتبوا ربي هداك هو
وانشالله خير انشالله

السلام عليكم

يا أختي الغالية علاه ديري في روحك هك و انتي لحد الآن ماكيش عارفة أسكو راكي ناجحة و لا لا
المهم خلي إيمانك بربي كبير و انتي كتلميذة صححتي ورقتك هدا مايعنيش أنو هاديك هي علامتك فالتلميذ بطبعو يحب ينقص من النقاط باه مايعلقش بزاف آمال و معدلك راه قريب بزاف لعشرة يعني عندك أمل بالنجاح إن شاء الله
إنتي غير إدعي ربي سبحانه أنو يوفقك و ينجحك و خلي أملك بربي كبير
تعيشي ماتقلقيش روحك و تقلقي عائلتك معاك و تهبطيلهم لمورال و منبعد تنجحي ان شاء الله و تكوني جوزتي عليهم يامات قلقة هكاك

ربي يوفقك و ينجحك و يوفقنا أجمعين

سلام

غريبة كرة البكلويا
كنا تلاميذ ممتازين في قاع مشوارناالدراسي
وقرينا وتعبنا هاد العام
وفي الاخير خايفين لا نخسروااااااااااااا خخخخخخخخخخخخخ
مام انا والله

لكل مجتهد نصيب ان شاء الله تطلعي

عادي متقلقيش ليفيها الخير ربي يقدمها